Dudhsagar: ದೂದ್ ಸಾಗರ ಜಲಪಾತದಲ್ಲಿ ಮುಳುಗುತ್ತಿದ್ದ 3 ವರ್ಷದ ಬಾಲಕಿಯ ರಕ್ಷಣೆ

Team Udayavani, May 23, 2024, 4:52 PM IST

ಪಣಜಿ: ದೂದ್ ಸಾಗರ ಜಲಪಾತದಲ್ಲಿ ಸ್ನಾನಕ್ಕೆಂದು ಇಳಿದಿದ್ದ 3 ವರ್ಷದ ಬಾಲಕಿ ಮುಳುಗುತ್ತಿದ್ದ ಸಂದರ್ಭದಲ್ಲಿ ದೃಷ್ಟಿಯ ಜೀವರಕ್ಷಕರು ರಕ್ಷಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಸೋಮವಾರ ಮಧ್ಯಾಹ್ನ ಈ ಘಟನೆ ನಡೆದಿದೆ.
ಬಾಲಕಿ ಹೈದರಾಬಾದ್ ಮೂಲದವರು ಎನ್ನಲಾಗಿದೆ.

ಹೈದರಾಬಾದ್‍ನಿಂದ ಪ್ರವಾಸಿಗರ ತಂಡವೊಂದು ಸೋಮವಾರ ದೂದ್ ಸಾಗರ ಜಲಪಾತ ವೀಕ್ಷಣೆಗೆ ಆಗಮಿಸಿತ್ತು. ಜಲಪಾತದಲ್ಲಿ ಸ್ನಾನಕ್ಕೆಂದು ತಂದೆ 3 ವರ್ಷದ ಬಾಲಕಿಯೊಂದಿಗೆ ನೀರಿಗೆ ಇಳಿದಿದ್ದರು. ಆದರೆ 3 ವರ್ಷದ ಬಾಲಕಿ ಕಲ್ಲಿನ ಮೇಲೆ ಕಾಲು ಜಾರಿ ನೀರಿಗೆ ಬಿದ್ದಿದ್ದಾಳೆ. ನಂತರ ಸಮೀಪದಲ್ಲೇ ಇದ್ದ ಜೀವರಕ್ಷಕರು ಆಕೆಯನ್ನು ನೀರಿನಿಂದ ಹೊರತೆಗೆದಿದ್ದಾರೆ. ಬಾಲಕಿ ಸುರಕ್ಷಿತವಾಗಿದ್ದಾಳೆ.

ಗೋವಾದ ದೂದ್ ಸಾಗರ ಜಲಪಾತ ಜಗತ್ಪ್ರಸಿದ್ಧ ಜಲಪಾತವಾಗಿದೆ. ಈ ಜಲಪಾತ ವೀಕ್ಷಣೆಗೆ ಪ್ರತಿದಿನ ಹೆಚ್ಚಿನ ಸಂಖ್ಯೆಯಲ್ಲಿ ಪ್ರವಾಸಿಗರು ಆಗಮಿಸುತ್ತಾರೆ. ಆದರೆ ಇಲ್ಲಿಗೆ ಆಗಮಿಸುವ ಪ್ರವಾಸಿಗರು ಎಚ್ಚರಿಕೆಯಿಂದ ಆಗಮಿಸಬೇಕು ಎಂದು ಜೀವರಕ್ಷಕ ದಳ ಎಚ್ಚರಿಕೆ ನೀಡಿದೆ.