ಗುಜರಾತ್‌ ಕಡೆ ಚೀನ ದೃಷ್ಟಿ

Team Udayavani, Dec 16, 2017, 6:45 AM IST

ಹೊಸದಿಲ್ಲಿ: ಮತಗಟ್ಟೆ ಸಮೀಕ್ಷೆ ಫ‌ಲಿತಾಂಶ ಹೊರಬಿದ್ದ ಬೆನ್ನಲ್ಲೇ ಈಗ ಗುಜರಾತ್‌ನಲ್ಲಿ ಯಾವ ಪಕ್ಷ ಬಹುಮತ ಪಡೆದುಕೊಳ್ಳಲಿದೆ ಎನ್ನುವ ಕುತೂಹಲ ಹುಟ್ಟಿಕೊಂಡಿದೆ. ಅಷ್ಟೇ ಅಲ್ಲ, ಒಂದೊಮ್ಮೆ ಬಿಜೆಪಿ ಸರಕಾರ ಅಥವಾ ಬಿಜೆಪಿಯೇತರ ಸರಕಾರ ಅಸ್ತಿತ್ವಕ್ಕೆ ಬಂದಲ್ಲಿ ಏನೆಲ್ಲಾ ಬದಲಾವಣೆ ಆಗಲಿದೆ? ಲಾಭ-ನಷ್ಟಗಳೇನು ಎನ್ನುವ ಲೆಕ್ಕಾಚಾರ ದೇಶಾದ್ಯಂತ ಶುರು ಆಗಿದೆ.

ಜತೆ ಜೊತೆಗೇ ಚೀನ ಮಂದಿಗೂ ಗುಜರಾತ್‌ನಲ್ಲಿ ಏನಾಗಲಿದೆ ಎನ್ನುವ ಕುತೂಹಲ ಜಾಸ್ತಿಯಾಗಿದೆ. ಸರಕಾರಿ ಸ್ವಾಮ್ಯದ “ಗ್ಲೋಬಲ್‌ ಟೈಮ್ಸ್‌’ನಲ್ಲಿ ಈ ಬಗ್ಗೆ ಲೇಖನ ಪ್ರಕಟವಾಗಿದೆ.

ಗುಜರಾತ್‌ನ ಉದ್ಯಮ ಕ್ಷೇತ್ರ ಹಾಗೂ ಒಂದಿಷ್ಟು ಯೋಜನೆಗಳಲ್ಲಿ ಚೀನದ ಉದ್ಯಮಿಗಳು, ಉದ್ಯಮ ಸಂಸ್ಥೆಗಳು ಬಂಡವಾಳ ಹೂಡಿಕೆ ಮಾಡಿರುವುದು ಇದಕ್ಕೆ ಕಾರಣವಾಗಿದೆ. ಅಂದಹಾಗೆ, ಬಿಜೆಪಿ ಆಡಳಿತವೇ ಮತ್ತೆ ಬಂದಲ್ಲಿ ಈಗಾಗಲೇ ಪ್ರಧಾನಿ ಮೋದಿ ನೇತೃತ್ವದಲ್ಲಿ ಗುಜರಾತ್‌ ಜತೆ  ಮಾಡಿಕೊಂ ಡಿರುವ ಹಲವಾರು ಯೋಜನೆ ಗಳ ಒಪ್ಪಂದ ಇಮ್ಮಡಿಗೊಳ್ಳಲಿದೆ  ಎನ್ನು ವುದು ಚೀನ ಹೂಡಿಕೆದಾರರ ಲೆಕ್ಕಾಚಾರವಾಗಿದೆ. 

ಕಾಂಗ್ರೆಸ್‌ ಮನವಿಗೆ ಸುಪ್ರೀಂ ಗರಂ
ಗುಜರಾತ್‌ ವಿಧಾನಸಭೆ ಚುನಾವಣೆ ಮತಗಳ ಎಣಿಕೆ ವೇಳೆ ವಿದ್ಯುನ್ಮಾನ ಮತ ಯಂತ್ರಗಳಲ್ಲಿ ಮುದ್ರಿತವಾಗಿರುವ ಮತ ದೃಢೀಕರಣ ಪತ್ರಗಳ ಪೈಕಿ ಶೇ.20ರಷ್ಟನ್ನು ಪರಿಶೀಲಿಸಬೇಕು ಎಂದು ಕಾಂಗ್ರೆಸ್‌ ಸುಪ್ರೀಂಕೋರ್ಟ್‌ಗೆ ಮನವಿ ಮಾಡಿ ಕೊಂಡಿರುವ ಅರ್ಜಿ ತಿರಸ್ಕೃತವಾಗಿದೆ. ಪ್ರತಿಯೊಂದು ವಿಧಾನಸಭಾ ಕ್ಷೇತ್ರ ದ ಲ್ಲಿಯೂ ಅದನ್ನು ನಡೆಸಬೇಕು ಎಂದು ಕಾಂಗ್ರೆಸ್‌ ಅರಿಕೆ ಮಾಡಿಕೊಂಡಿತ್ತು. ಚುನಾವಣೆ ಪ್ರಕ್ರಿಯೆಯಲ್ಲಿ ಮೂಗು ತೂರಿಸದಿರುವಂತೆ ಸುಪ್ರೀಂ ಸೂಚಿಸಿದೆ.