ಜೆಟ್ ಬ್ಲಾಸ್ಟ್: ಇಂಡಿಗೋ ಕೋಚ್ ಕಿಟಿಕಿ ಹಾನಿ; ಐದು ಮಂದಿಗೆ ಗಾಯ
Team Udayavani, Jul 8, 2017, 12:20 PM IST
ಹೊಸದಿಲ್ಲಿ : ವಿಮಾನ ಪಾರ್ಕ್ ಮಾಡುವ ತಾಣದಲ್ಲಿ ನಿಂತಿದ್ದ ಇಂಡಿಗೋ ಕೋಚ್ ನ ಬಲಬದಿಯ ಮುಂಭಾಗದ ಕಿಟಕಿಯು ಪಾರ್ಕಿಂಗ್ ಬೇ ಸಮೀಪಿಸುತ್ತಿದ್ದ ಸ್ಪೈಸ್ ಜೆಟ್ ವಿಮಾನದಿಂದ ಉಂಟಾಯಿತೆನ್ನಲಾದ ಜೆಟ್ ಬ್ಲಾಸ್ಟ್ ನ ಪರಿಣಾಮವಾಗಿ ಒಡೆದು ಹೋದ ಕಾರಣ ಐವರು ಪ್ರಯಾಣಿಕರು ಗಾಯಗೊಂಡ ಘಟನೆ ವರದಿಯಾಗಿದೆ.
ಲಘುವಾಗಿ ಗಾಯಗೊಂಡ ಐವರು ಪ್ರಯಾಣಿಕರನ್ನು ಒಡನೆಯೇ ವಿಮಾನ ನಿಲ್ದಾಣದ ಕ್ಲಿನಿಕ್ಗೆ ಒಯ್ದು ಅಲ್ಲಿ ಚಿಕಿತ್ಸೆ ನೀಡಲಾಗಿದೆ ಎಂದು ಇಂಡಿಗೋ ವಕ್ತಾರ ತಿಳಿಸಿದ್ದಾರೆ.
ವಾಯುಯಾನ ಕಣ್ಗಾವಲು ಸಂಸ್ಥೆಯಾಗಿರುವ ಡಿಜಿಸಿಎ ಈ ಪ್ರಕರಣದ ತನಿಖೆಯನ್ನು ಕೈಗೊಂಡಿದೆ. ಸ್ಪೈಸ್ ಜೆಟ್ ಸಂಸ್ಥೆಯಿಂದ ಈ ಘಟನೆಯ ಬಗ್ಗೆ ಇನ್ನಷ್ಟೇ ಪ್ರತಿಕ್ರಿಯೆ ಬರಬೇಕಿದೆ.