ಮಹತ್ವದ ಸರಣಿ: ದಕ್ಷಿಣ ಆಫ್ರಿಕಾದ ವೇಗಿ ಲುಂಗಿ ಎನ್ಗಿಡಿ
Team Udayavani, Dec 13, 2021, 11:45 PM IST
ಜೊಹಾನ್ಸ್ಬರ್ಗ್: ಪ್ರವಾಸಿ ಭಾರತದೆದುರಿನ ಟೆಸ್ಟ್ ಸರಣಿ ನಮ್ಮ ಪಾಲಿಗೆ ಅತ್ಯಂತ ಮಹತ್ವದ್ದಾಗಿದೆ ಎಂಬುದಾಗಿ ದಕ್ಷಿಣ ಆಫ್ರಿಕಾದ ವೇಗಿ ಲುಂಗಿ ಎನ್ಗಿಡಿ ಅಭಿಪ್ರಾಯಪಟ್ಟಿದ್ದಾರೆ.
ದಕ್ಷಿಣ ಆಫ್ರಿಕಾ 2021-23ನೇ ಸಾಲಿನ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ನಲ್ಲಿ ಆಡುತ್ತಿರುವ ಮೊದಲ ಸರಣಿ ಇದಾಗಿದ್ದು, ತನಗೆ ಹಾಗೂ ತಂಡಕ್ಕೆ ಪರಿಪೂರ್ಣ ಆರಂಭ ಕಂಡುಕೊಳ್ಳಲು ಇದು ನೆರವಾಗಲಿದೆ ಎಂಬುದಾಗಿ ಎನ್ಗಿಡಿ ಹೇಳಿದರು.
“ನಮ್ಮ ತಂಡ ಕಳೆದೆರಡು ವರ್ಷಗಳಿಂದ ಪರಿವರ್ತನೆ ಹಾಗೂ ಪುನರ್ ಸಂಘಟನೆಯ ಹಂತದಲ್ಲಿದೆ. ಭಾರತದಂಥ ಬಲಿಷ್ಠ ತಂಡದೊಂದಿಗೆ ತವರಲ್ಲಿ ಸರಣಿ ಆಡುವುದರಿಂದ ತಂಡಕ್ಕೆ ಬಹಳಷ್ಟು ಲಾಭವಾಗಲಿದೆ.
ಇದೊಂದು ಸ್ಪರ್ಧಾತ್ಮಕ ಸರಣಿಯಾಗಲಿದ್ದು, ಎಲ್ಲರೂ ಸರಣಿಯನ್ನು ಕಾತರದಿಂದ ಕಾಯುತ್ತಿದ್ದಾರೆ’ ಎಂದರು.
ಇದನ್ನೂ ಓದಿ:ಚಿನ್ನ ಗೆದ್ದ ಅಜಯ್ ಸಿಂಗ್ ಕಾಮನ್ವೆಲ್ತ್ ಗೇಮ್ಸ್ಗೆ ಆಯ್ಕೆ