‘ಗ್ರೂಪ್‌’ ತೇರಾ ಮಸ್ತಾನ

ಅಡ್ಮಿನ್‌ ಸ್ಟೇಷನ್ನಿನ ಕತೆಗಳು

Team Udayavani, May 7, 2019, 6:25 AM IST

ಎಷ್ಟೋ ಸಲ ಅಮ್ಮ ಬಯ್ತಾ ಇರ್ತಾರೆ… “ಬರೀ ಮೊಬೈಲ್‌ ಹಿಡ್ಕೊಂಡೇ ಇರ್ತೀಯಲ್ಲಾ… ಸ್ವಲ್ಪ ಓದಿನ ಕಡೆಗೆ ಗಮನ ಕೊಡು’ ಅಂತ. ನಾನೋ… ಸುಮ್‌ ಸುಮ್ಮನೆ ನಗ್ತಾ, ಕೈಯಲ್ಲಿ ಗೊಂಬೆ ಆಡಿಸಿದ ಹಾಗೆ ಮೊಬೈಲ್‌ ಹಿಡ್ಕೊಂಡು ಕೂತಿರ್ತೀನಿ. ಆದರೆ, “ನಮ್ಮ ಮುದ್ದು ಕುಟುಂಬ’ ವಾಟ್ಸ್ಯಾಪ್‌ ಗ್ರೂಪ್‌ ರಚನೆಯಾದ ಮೇಲೆ, ಆಗಿದ್ದೇ ಬೇರೆ.

ನಮ್ಮ ಅಮ್ಮನಿಂದ ಹಿಡಿದು ಎಲ್ಲರೂ ಆ ಗ್ರೂಪ್‌ನಲ್ಲಿದ್ದಾರೆ! ಅಮ್ಮನ ಬಳಿ ಕೇಳಿದ್ರೆ, “ಗೊತ್ತಿಲ್ಲ ಕಣೇ… ನಿಮ್ಮ ಅಕ್ಕನೇ ಆಡ್ಮಿನ್ನು… ಅವಳನ್ನೇ ಕೇಳು…’ ಅನ್ನೋ ಉತ್ತರ. ಅಂತೂ ಇಂತೂ ಗ್ರೂಪ್‌ ಸೇರಿಸಿದ್ದ ಮೇಲೆ, “ಹಾಯ್‌’ ಅಂತ ಮೆಸೇಜ್‌ ಹಾಕಲೇಬೇಕಲ್ಲಾ… ಹಾಗೆ ಮೆಸೇಜ್‌ ಮಾಡಿದ್ದೇ ತಡ, ಸಣ್ಣವರಿದ್ದಾಗ ನನ್ನನ್ನು ನೋಡಿದ್ದ ಸಂಬಂಧಿಕರೆಲ್ಲ, ಒಂದೇ ಸಮನೆ “ಹಾಯ್‌ ದೊಡ್ಡ ಪುಟ್ಟಿ… ಹೇಗಿದಿಯಾ?’ ಅಂತ ಮೆಸೇಜ್‌ ಮೇಲೆ ಮೆಸೇಜ್‌. ಇದೇನಪ್ಪಾ… ಎಲ್ಲರ ಮುಂದೆ ಪುಟ್ಟಿ ಅಂತಾದರೂ ಕರೆಯಬಹುದಿತ್ತು. “ದೊಡ್ಡ ಪುಟ್ಟಿ’ ಅಂತಾರಲ್ಲ ಅಂತ, ಅರೆಕ್ಷಣ ಮಂಡೆಬಿಸಿ ಆಯ್ತು.

ಎಲ್ಲರೂ ಒಂದೇ ಸಲ ಅಟ್ಯಾಕ್‌ ಮಾಡೇಬಿಟ್ರಾ. ಪ್ರತಿಯೊಬ್ಬರ ಮಾತಿನಲ್ಲೂ ನನ್ನ ಬಾಲ್ಯದ ದಿನಗಳ ನೆನಪೇ ಇದ್ದವು. ಒಂದೇ ಸಮನೆ ಮೆಸೇಜುಗಳನ್ನು ನೋಡಿ ಕಿರಿಕಿರಿಯಾದರೂ, ಅಡುಗೆ ರೆಸಿಪಿಯಿಂದ ಹಿಡಿದು ಏನೇನೆಲ್ಲಾ ಆ ದಿನ ಮಾಡಿದ್ವಿ ಎಂಬ ಅವರ ದಿನಚರಿ ಪಟ್ಟಿ ನೋಡಿದಾಗ, ತುಂಬಾ ಹಿತವೆನಿಸುತ್ತಿತ್ತು. ಈಗ ಹೊಸ ಬಟ್ಟೆ ಖರೀದಿಸಿದರೂ ಸಾಕು, “ಗ್ರೂಪ್‌ನಲ್ಲಿ ಹಾಕು’ ಅಂತಾರೆ ಅಮ್ಮ. ಅದೂ ಬಿಡಿ, ಒಂದು ದಿನ ಮೆಸೇಜ್‌ ಮಾಡಿಲ್ಲ ಅಂದ್ರೆ, “ಯಾಕೆ ಮಾಡ್ಲಿಲ್ಲ?’ ಅಂತ ಕೇಳುತ್ತಾರೆ. ಕುಟುಂಬದ ಹಳೇ ಫೋಟೋ ಇದ್ದರೂ ಅದನ್ನೂ ಗ್ರೂಪ್‌ಗೆ ಪೋಸ್ಟ್‌ ಮಾಡ್ತಾರೆ. ಈಗ ನನ್ನ ಅಮ್ಮ, ವಾಟ್ಸ್ಯಾಪ್‌ನಲ್ಲಿ ಅಷ್ಟೊಂದು ಬ್ಯುಸಿ.

— ಯಶಸ್ವಿ ದೇವಾಡಿಗ, ವಿಜಯಪುರ

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಸಂಗೀತ ಅನ್ನೋದು ದೇವರನ್ನು ಒಲಿಸಿಕೊಳ್ಳಲು ಇರುವ ಸಮೀಪದ ಹಾದಿ ಅಂತ ಅಂದುಕೊಳ್ಳುವ ಕಾಲ ಇದಲ್ಲ. ಈಗ ಸಂಗೀತ ಅನ್ನೋದು ಬದುಕಿನ ಬಂಡಿ ಹೊಡೆಯಲು ಇರುವ ಸಾಧನ. ಟಿ.ವಿಗಳಲ್ಲಿ,...

  • ಶಾಲೆ ಎಂದರೆ ಕೇವಲ ಸಿಲಬಸ್‌ ಸುತ್ತುತ್ತಲೇ ಓಡಾಡಿಕೊಂಡಿರುವ ಮೇಷ್ಟ್ರು, ವಿದ್ಯಾರ್ಥಿಗಳ ಕೂಟವಲ್ಲ.  ಇದ್ರ ‌ ಜೊತೆಗೆ, ಪಠ್ಯೇತರ ಚಟುವಟಿಕೆ ಕೂಡ ಮುಖ್ಯ. ಇದಕ್ಕೆ...

  • ಇಂಟರ್ವ್ಯೂ ಗೆ ಅಂತ ಹೋದಲ್ಲೆಲ್ಲ ಕರೆಯುತ್ತಿದ್ದ. ಸಿಕ್ಕಾಗಲೆಲ್ಲ ಡಬ್ಬ ಕೊಡುತ್ತಿದ್ದ. "ಇವೆಲ್ಲ ಮಾಮೂಲು ಗುರು' ಅಂತ ಆತ್ಮ ವಿಶ್ವಾಸ ತುಂಬುತ್ತಿದ್ದ. "ಅವತ್ತೂಂದು...

  • ಇತ್ತೀಚೆಗೆ ಯುವಕರು ಪ್ರತಿಯೊಂದು ವಿಚಾರವನ್ನೂ ಗೂಗಲ್‌ ಮಾಡಿ ನೋಡಿ ಕುತೂಹಲ ತಣಿಸಿಕೊಳ್ಳುತ್ತಿದ್ದಾರೆ. ಇದರಲ್ಲಿ, ಅನಾರೋಗ್ಯ ಪೀಡಿತರಾಗಿದ್ದವರಲ್ಲಿ ಶೇ....

  • ಎಸ್‌ಎಸ್‌ಎಲ್‌ಸಿಯಲ್ಲಿ ಫೇಲಾದಾಗ ಇಡೀ ಸಮಾಜ ಅಂಕಗಳ ತಕ್ಕಡಿಯಲ್ಲಿ ಈ ಚಿದಾನಂದರನ್ನು ತೂಕ ಹಾಕಿತು. ಆಗ ಅವರು ತೀರ್ಮಾನ ಮಾಡಿದ್ದು; ನನ್ನಂತೆ ಫೇಲಾದವರು ಬದುಕಲ್ಲಿ...

ಹೊಸ ಸೇರ್ಪಡೆ