ಬ್ಯಾಂಡ್‌ ಏಡ್‌ ಹುಟ್ಟಿದ್ದು ಹೇಗೆ?

ಗಾಯಕ್ಕೆ ಕ್ಷಣದಲ್ಲಿ ಮದ್ದು!

Team Udayavani, Nov 7, 2019, 3:35 AM IST

ಆಡುವಾಗ ಬಿದ್ದು ಪೆಟ್ಟು ಮಾಡಿಕೊಂಡ ಸಂದರ್ಭದಲ್ಲಿ ಆ ಕ್ಷಣಕ್ಕೆ ನಮಗೆಲ್ಲರಿಗೂ ಬೇಕಾಗುವ ವಸ್ತು “ಬ್ಯಾಂಡ್‌ ಏಡ್‌’. ಅದು ರೂಪ ತಳೆದ ಕಥೆ ಇಲ್ಲಿದೆ.

ಬ್ಯಾಂಡ್‌ ಏಡ್‌ ಆವಿಷ್ಕಾರವಾಗುವುದಕ್ಕೆ ಮುಂಚೆ ಜನರು ಹತ್ತಿಯ ಉಂಡೆಯನ್ನು ಗಾಯದ ಮೇಲಿಟ್ಟು ಅದರ ಸುತ್ತ ಬಟ್ಟೆ ಕಟ್ಟುತ್ತಿದ್ದರು. ಅದಕ್ಕೂ ಮುಂಚೆ ಎಲೆ ಮುಂತಾದ ಪ್ರಾಕೃತಿಕ ವಸ್ತುಗಳನ್ನೇ ಬಳಸಿ ಗಾಯದ ಮೇಲೆ ಹಚ್ಚುತ್ತಿದ್ದರು. ಇವ್ಯಾವುವೂ ಸುರಕ್ಷಿತ ವಿಧಾನ ಆಗಿರಲಿಲ್ಲ. ಅದರಿಂದ ಹುಣ್ಣಾಗುವ ಸಾಧ್ಯತೆ ಇದ್ದವು. ಈ ಕಾರಣಕ್ಕೇ ಬ್ಯಾಂಡ್‌ ಏಡ್‌ ಸಂಶೋಧನೆಯಾಗಿದ್ದು.

ಪತ್ನಿಯೇ ಸ್ಫೂರ್ತಿ
ಬ್ಯಾಂಡ್‌ ಏಡ್‌ಅನ್ನು ಆವಿಷ್ಕರಿಸಿದ್ದು ಅರ್ಲ್ ಡಿಕ್ಸನ್‌ ಎಂಬ ವ್ಯಕ್ತಿ. ಆತ 1920ರ ಸಮಯದಲ್ಲಿ ಕಾರ್ಖಾನೆಯೊಂದರಲ್ಲಿ ನೌಕರನಾಗಿದ್ದ. ಆತನ ಪತ್ನಿ ಅಪಘಾತಕ್ಕೀಡಾದಾಗ ಆಕೆಯ ಕೈಬೆರಳುಗಳು ಜಖಂಗೊಂಡಿದ್ದವು. ಎರಡು ಮೂರು ದಿನಗಳಿಗೆ ಒಮ್ಮೆಯಾದರೂ ಗಾಯದ ಸುತ್ತ ಸುತ್ತಿದ್ದ ಬಟ್ಟೆಯನ್ನು ಬದಲಿಸಬೇಕಿತ್ತು. ಅಲ್ಲದೆ ಆತ ನ ಪತ್ವಿ ಆಗಾಗ್ಗೆ ಅಡುಗೆ ಮನೆಯಲ್ಲಿ ತರಕಾರಿ ಹೆಚ್ಚುವಾಗ ಗಾಯ ಮಾಡಿಕೊಳ್ಳುತ್ತಿದ್ದಳು. ಪದೇಪದೆ ಗಾಯದ ಸುತ್ತ ಬಟ್ಟೆ ಬದಲಿಸುವುದೇ ಕೆಲಸವಾದಾಗ ಅರ್ಲ್, ರೋಸಿ ಹೋಗಿದ್ದ.

ಮೊದಲ ಬ್ಯಾಂಡ್‌ ಏಡ್‌
ಅದಕ್ಕಾಗಿ ಆತ ಒಂದು ಪರಿಹಾರವನ್ನು ಕಂಡುಕೊಂಡ. ಶಸ್ತ್ರಚಿಕಿತ್ಸೆಯ ಸಮಯದಲ್ಲಿ ಬಳಸಲ್ಪಡುತ್ತಿದ್ದ ಟೇಪ್‌ ರೋಲನ್ನು ಕೈಗೆತ್ತಿಕೊಂಡು ಅದರ ಮೇಲೆ ಔಷಧಿ ಲೇಪಿಸಿದ. ಅದರ ಮೇಲೆ ತೆಳುವಾದ ಬಟ್ಟೆಯನ್ನು ಹೊದಿಸಿ ಕವರ್‌ ಮಾಡಿದ. ಈಗ ಬೇಕೆಂದಾಗ ಟೇಪ್‌ ರೋಲನ್ನು ತನಗೆ ಬೇಕಾದಷ್ಟು ಮಾತ್ರವೇ ಕಟ್‌ ಮಾಡಿಕೊಂಡು ಗಾಯದ ಮೇಲೆ ಕಟ್ಟಬಹುದಿತ್ತು. ಇದು ಜಗತ್ತಿನ ಮೊದಲ ಬ್ಯಾಂಡ್‌ ಏಡ್‌!

ಬದಲಾಯ್ತು ಸ್ವರೂಪ
ಜಗತ್ತಿನ ಮೊದಲ ಬ್ಯಾಂಡ್‌ ಏಡ್‌ ಮಾರುಕಟ್ಟೆಗೆ ಬಂದಿದ್ದು 1921ರಲ್ಲಿ. ಖಾಸಗಿ ಸಂಸ್ಥೆ ಜಾನ್ಸನ್‌ ಅಂಡ್ ಜಾನ್ಸನ್‌ ಅದರ ಮೂಲ ಸ್ವರೂಪವನ್ನು ಬದಲಿಸಿ ಮೇಲಿಂದ ಮೇಲೆ ಅನೇಕ ಬದಲಾವಣೆಗಳನ್ನು ಮಾಡಿಕೊಂಡಿತು. ಬ್ಯಾಂಡ್‌ ಏಡ್‌ ಮೇಲೆ ಗಾಳಿಯಾಡಲು ಚಿಕ್ಕ ಚಿಕ್ಕ ರಂಧ್ರಗಳು, ಔಷಧ ಪಟ್ಟಿ ಇವೆಲ್ಲವೂ ಆನಂತರದ ಸುಧಾರಣೆಗಳು.

ಹಿತ

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

  • ಮೀನು ಯಾರಿಗೂ ಏನೂ ಮಾಡೋಲ್ಲ ಅನ್ನೋದೇನೋ ನಿಜ. ಆದರೆ, ಅದರಲ್ಲೂ ವಿಷಕಾರಿ ಮೀನುಗಳು ಉಂಟು ಅನ್ನೋದಕ್ಕೆ ಈ ಜೆಲ್ಲಿ ಮೀನೇ ಉದಾಹರಣೆ. ಈ ಮೀನು ಎಲ್ಲವನ್ನೂ ಕಾಲಿನ ಮೂಲಕವೇ...

  • ಹಿಮಕ್ಕೂ, ಹಿಮಕರಡಿಗಳಿಗೂ ಅವಿನಾಭಾವ ನಂಟು. ಹಿಮ ಇಲ್ಲದೇ ಹೋದರೆ ಹಿಮಕರಡಿ ಭೂಮಿಯಿಂದಲೇ ಇಲ್ಲವಾಗುವವು. ಹಿಮಕರಡಿಗಳು ಉತ್ತರಧೃವದಲ್ಲಿ ವಾಸಿಸುವ ಜೀವಿಗಳು....

  • "ಕುಮಾರ ಬಂದಾಗ, ಸೈನಿಕರು ಮತ್ತು ಸೇವಕರು ಎಲ್ಲರೂ ಸೇರಿಕೊಂಡು ರಾಜನಿಗೆ ಜಯವಾಗಲಿ ಅಂತ ಹೇಳಬೇಕು' ಎಂದು ಶಂಕರ ಹೇಳಿದ. ಎಲ್ಲರೂ ತಲೆಯಲ್ಲಾಡಿಸಿದರು. ಆದರೆ ಒಬ್ಬಳು...

  • ಪ್ರಮುಖ ವ್ಯಕ್ತಿಗಳ ಪರಿಚಯವನ್ನು ಕೇವಲ ಹತ್ತೇ ಹತ್ತು ಪಾಯಿಂಟ್‌ಗಳಲ್ಲಿ ಕಟ್ಟಿ ಕೊಡುವ ಪ್ರಯತ್ನವಿದು... 1. ಮಂಗನಿಂದ ಮಾನವ "ವಿಕಾಸವಾದ ಸಿದ್ಧಾಂತ'ವನ್ನು ಪ್ರತಿಪಾದಿಸಿದ...

  • ಬೇಕಾದ ಪರಿಕರ: ಒಂದು ಕಾರ್ಡಿನ ಮೇಲೆ ಸಂಖ್ಯೆ ಬರೆಯಲಾದ ಮುಳ್ಳಿಲ್ಲದ ಗಡಿಯಾರ. ಪರಿಣಾಮ: ನಿಮ್ಮ ಸಭಿಕರಲ್ಲಿ ಒಬ್ಬರಿಗೆ ಹನ್ನೆರಡಕ್ಕಿಂತ ಕಡಿಮೆ ಸಂಖ್ಯೆಯನ್ನು...

ಹೊಸ ಸೇರ್ಪಡೆ