ಓ ಕಾಲವೇ ಓಡದಿರು…!

Team Udayavani, Aug 16, 2019, 5:00 AM IST

ಕಾಲೇಜು ಲೈಫ‌ು ನಮಗೆಲ್ಲ ಸಾಕು, ಕ್ಯಾಂಪಸ್ಸಲ್ಲಿ ಸೈಟೊಂದು ಬರೆದಾಕೂ…’ ಆಹಾ! ಹಾಗೇನಾದರೂ ಇರುತ್ತಿದ್ದರೆ, ನಾವೆಲ್ಲಾ ಕಾಲೇಜಲ್ಲೇ ಸೈಟು ಖರೀದಿ ಮಾಡುತ್ತಿದ್ದೆವು!

ಹೌದಲ್ವಾ ಸ್ನೇಹಿತರೇ, ಕಾಲೇಜಿಗೆ ಹೋಲುವ ಸ್ವರ್ಗ ಬೇರೊಂದಿಲ್ಲ. ನೆನಪಿರಲಿ, ಕ್ಲಾಸೊಂದನ್ನು ಹೊರತುಪಡಿಸಿ! ಅ ಣ್ಣಾವ್ರು “ಸಾಯೋದರೊಳಗೆ ಒಮ್ಮೆ ನೋಡು ಜೋಗದ ಗುಂಡಿ’ ಅಂದ್ರು. ಆದರೆ, ನಾನು ಅವರ ಕ್ಷಮೆ ಕೋರಿ ಹೇಳ್ತೇನೆ, “ಸಾಯೋದರೊಳಗೆ ಒಮ್ಮೆ ಸೇರು ಕಾಲೇಜು ಕ್ಯಾಂಪಸ್‌’ ಅಂತ. ಮಗುವಿಗೆ ತಾಯಿಯ ಮಡಿಲು ಹೇಗೋ, ತರುಣರಿಗೆ ಕಾಲೇಜು ಹಾಗೇ. ಕಾಲೇಜಿನ ರಸನಿಮಿಷಗಳನ್ನು ಅನುಭವಿಸದೇ ಇದ್ದರೆ ಜೀವನವೇ ವೇಸ್ಟು. ಕಾಲೇಜು ಸೇರಿದವರಿಗೆ ಅದರಲ್ಲೂ ಅಂತಿಮ ವರ್ಷದಲ್ಲಿರುವವರ ದುಃಖದ ಪಾಡು ಹೇಳತೀರದು. ದಿನಾ ಬೆಳಗ್ಗೆ ಹೋಗಿ ಹಾಯ್‌ ಹೇಳುವುದರಿಂದ ಹಿಡಿದು, ಮೋಜು-ಮಸ್ತಿ ಮಾಡಿ, ಬರುವಾಗ ಬಾಯ್‌ ಹೇಳುವ ಆ ದಿನಗಳು ಮತ್ತೆ ಬರುತ್ತದೋ ಇಲ್ಲವೋ, ಅಬ್ಟಾ! ನೆನಪಿಸಿಕೊಂಡರೇ ಭಯ ಆಗುತ್ತೆ.

“ಪರಿಚಯ ಆಕಸ್ಮಿಕ, ಅಗಲುವಿಕೆ ಅನಿವಾರ್ಯ’ ಅಂತಾರೆ. ಒಮ್ಮೊಮ್ಮೆ ಈ ಸಮಯ ಯಾಕಾದರೂ ಸಾಗುತ್ತಪ್ಪಾ ಎಂದು ಅನ್ನಿಸುತ್ತದೆ. ಏನು ಮಾತು, ಆಡಿದಷ್ಟು ಮುಗಿಯುವುದಿಲ್ಲ. ತರಗತಿಗಳು ಮಲಗಿದರೂ ವಿಷಯಗಳು ಮುಗಿಯುವುದಿಲ್ಲ. ಹೇಳಿದಷ್ಟು ತೀರುವುದೂ ಇಲ್ಲ. ಪ್ರತಿದಿನ ಫ್ರೆಂಡ್ಸ್‌ ಜೊತೆ ಹೇಳಲು ವಿಷಯವಂತೂ ಇದ್ದೇ ಇರುತ್ತದೆ. ವಿಷಯ ತಿಳಿಸಲು ದಿನ ಬೆಳಗಾಗುವುದನ್ನೇ ಕಾಯುವ ನಮಗೆ ಮನೆ ತಲುಪಿದಾಗ ಹೇಳದೇ ಉಳಿದ ವಿಷಯ ನೆನೆದು ಮತ್ತೆ ಹತಾಶೆ. ಗೆಳತಿಯರಿಗೆ ಬರುವ ಪ್ರಮೋಸಲ್‌ಗ‌ಳು, ಅದನ್ನು ತಪ್ಪಿಸಲು ನಾವು ಕೊಡುವ ಡಬ್ಬ ಐಡಿಯಾಗಳು, ಮನೆಯಲ್ಲಿ ನಡೆದ ಹಾಸ್ಯಮಯ ಸಂಗತಿಗಳು, ರಾತ್ರಿಯೆಲ್ಲ ಕೂತು ಅತ್ತ ಕ್ಷಣಗಳು, ಕ್ಲಾಸ್‌ ತಪ್ಪಿಸಲು ಹೇಳುವ ಕುಂಟು ನೆಪಗಳು, ಸುಳ್ಳು ಹೇಳಿ ವಾಶ್‌ರೂಮಿಗೆ ಹೋಗಿ ಎಷ್ಟು ಹೊತ್ತಾದರೂ ಬಾರದ ಸೋಮಾರಿಗಳು, ಮಾಡಿದ ಕಿತಾಪತಿ ಮತ್ತೆ ಮತ್ತೆ ಹೇಳಿ ನಗುವ ಸನ್ನಿವೇಶಗಳು, ಇತರರನ್ನು ನೋಡಿ ಕಮೆಂಟ್ಸ್‌ ಮಾಡುವ ಮಾತುಗಳು ಪ್ರಿನ್ಸಿಪಾಲ್‌ನ್ನು ಕಂಡರೆ ಓಡುವ ಓಟಗಳು, ನ್ಪೋಟ್ಸ್‌ ಡೇ ದಿನ ಹಾಕುವ ಬೊಬ್ಬೆಗಳು, ಎಲೆಕ್ಷನ್‌ ದಿನ ಕೂಗುವ ಎನರ್ಜಿಗಳು, ಟಿಫಿನ್‌ನಲ್ಲೇ ಹಂಚುವ ತುತ್ತುಗಳು ಇನ್ನು ಬರಿಯ ನೆನಪುಗಳು ಮಾತ್ರ ಎನ್ನಿಸುತ್ತವೆ.

ಇಲ್ಲ ! ಸಾಧ್ಯವೇ ಇಲ್ಲ. ಈ ಕ್ಷಣಗಳನ್ನು ಬೀಳ್ಕೊಡಲು ನನ್ನಿಂದ ಸಾಧ್ಯವೇ ಇಲ್ಲ. ಕಣ್ಣಂಚಲ್ಲೇ ಹಾಗೇ ಗೊತ್ತಿಲ್ಲದೆ ನೀರು ಜಿನುಗುತ್ತಿದೆ. ಫ್ರೆಂಡ್ಸೆà ನನಗೆ ಎಲ್ಲ. ನನ್ನಲ್ಲೇನಾದರೂ ಟೈಮ್‌ ಮಿಷನ್‌ ಇರುತ್ತಿದ್ದರೆ ಹಾಗೇ ರಿವೈಂಡ್‌ ಮಾಡಿ ಮತ್ತೆ ಮೊದಲ ದಿನಕ್ಕೆ ಇಟ್ಟುಬಿಡುತ್ತಿದ್ದೆ. ಅಯ್ಯೋ! ಸಾಧ್ಯವಿಲ್ಲದ ಸಂಗತಿಗಳನ್ನು ಆಸೆ ಪಡುತ್ತಿದ್ದೇನೆ. ಕಾಲವೇ ನೀನು ನಿಶ್ಚಿಲವಾಗಿರು!

ಆಯಿಷತ್ತೂಲ್‌ ಮುನೀರಾ
ಅಂತಿಮ ಬಿ. ಎ., ಮಿಸ್ಬಾಸ್‌ ವುಮನ್ಸ್‌ ಕಾಲೇಜ್‌, ಕಾಟಿಪಳ್ಳ

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.



ಈ ವಿಭಾಗದಿಂದ ಇನ್ನಷ್ಟು

  • ಅಬ್ಟಾ ! ಅದೆಷ್ಟು ಚೆಂದ ಈ ಬಣ್ಣ ಬಣ್ಣದ ಚಕ್ರಗಳು. ಈ ಬಣ್ಣಬಣ್ಣದ ಚಕ್ರಗಳೇ ಗಿರ್‌ಗಿಟ್ಲೆ ಅಥವಾ ಗಿರ್ಗಿಟ್‌. ಇದು ಹೆಚ್ಚಾಗಿ ಜಾತ್ರೆಗಳಲ್ಲಿ, ದೇವಸ್ಥಾನ ಉತ್ಸವಗಳಲ್ಲಿ...

  • ದೇವರೇ, ನಾಳೆ ಸ್ವಲ್ಪ ಲೇಟಾಗಿ ಬೆಳಗಾಗುವ ಹಾಗೆ ಮಾಡಪ್ಪ' ಎಂದು ಬೇಡಿ 3-4 ಗಂಟೆ ಕಳೆಯಿತೇನೊ. ಒಮ್ಮೆಲೇ ದಢಾರ್‌ ಎಂದು ಸದ್ದಾಯಿತು. ಯಾರೋ ನಾಲ್ಕೈದು ಜನ ದಾಂಡಿಗರು...

  • ಫೈನಲ್‌ ಇಯರ್‌ ಎಂಟ್ರಿ ಆಗ್ತಿದ್ದ ಹಾಗೆ ಮೊದಲು ತಲೆ ಕೊರೆಯುವ ಚಿಂತೆ "ಕ್ಯಾಂಪಸ್‌ ಡ್ರೈವ್‌'. ಯಾವ ಬ್ರಾಂಚೇ ಆಗಲಿ, ಕೋರ್ಶೇ ಆಗಲಿ, ಮಾರ್ಕ್ಸ್, ರ್‍ಯಾಂಕ್‌ ಏನೇ...

  • ಪ್ರತಿಯೊಬ್ಬರ ದೃಷ್ಟಿಯಲ್ಲಿಯೂ ಜೀವನದ ಅರ್ಥ ಬೇರೆಯಾಗಿ ಕಾಣುತ್ತದೆ. ಯಾರಿಗೆ ಹೇಗೆ ಕಂಡರೂ ಜೀವನದ ಅಂತ್ಯವೆಂಬುದು ಸಾವೇ ಆಗಿರುತ್ತದೆ. ಸಾವಿಗಿಂತ ಮೊದಲು ಏನಾದರೂ...

  • ನಮ್ಮ ಕಡೆ ಆಷಾಢದಲ್ಲಿ ಯಾವ ಕಾರ್ಯಕ್ರಮ ಕೂಡ ಮಾಡಬಾರದು ಎಂಬ ನಂಬಿಕೆ ಇದೆ. ಕಾಕತಾಳೀಯವೋ ಎಂಬಂತೆ ನಾವು ನಿರ್ಧರಿಸಿದ್ದ ಫ್ರೆಷರ್ಸ್‌ ಡೇಗೆ ಒಳ್ಳೆಯ ದಿನಗಳು ಸಿಗುತ್ತಲೇ...

ಹೊಸ ಸೇರ್ಪಡೆ