RBI; 2 ವರ್ಷದಲ್ಲಿ ಗೃಹ ಸಾಲ ಬಾಕಿ 10 ಲಕ್ಷ‌ ಕೋಟಿ ರೂ.ಗೆ ಏರಿಕೆ

Team Udayavani, May 6, 2024, 1:46 AM IST

ಹೊಸದಿಲ್ಲಿ: ಕಳೆದ ಎರಡು ವಿತ್ತ ವರ್ಷದಲ್ಲಿ ಗೃಹ ವಲಯದ ಸಾಲ ಬಾಕಿಯು 10 ಲಕ್ಷ ಕೋಟಿ ರೂ.ಗೆ ಏರಿಕೆಯಾಗಿದ್ದು, ಅದು ಪ್ರಸಕ್ತ ಹಣಕಾಸು ವರ್ಷದ ಮಾರ್ಚ್‌ ತಿಂಗಳಲ್ಲಿ 27.23 ಲಕ್ಷ ಕೋಟಿ ರೂ.ಗೆ ತಲುಪಿದೆ ಎಂದು ಭಾರತೀಯ ರಿಸರ್ವ್‌ ಬ್ಯಾಂಕ್‌(ಆರ್‌ಬಿಐ) ವರದಿ ತಿಳಿಸಿದೆ. ವಾಣಿಜ್ಯಾತ್ಮಕ ಸಾಲ ಬಾಕಿ ಕೂಡ 2024ರ ಮಾರ್ಚ್‌ ತಿಂಗಳಲ್ಲಿ 4,48,145 ಕೋಟಿ ರೂ.ಗೆ ತಲುಪಿದೆ. ಇದು 2022 ಮಾರ್ಚ್‌ ತಿಂಗಳಲ್ಲಿ 2,97,231 ಕೋಟಿ ರೂ. ಇತ್ತು ಎಂದು ಆರ್‌ಬಿಐ ವರದಿಯಲ್ಲಿ ತಿಳಿಸಲಾಗಿದೆ. ಕೋವಿಡ್‌ ಸಾಂಕ್ರಾಮಿಕ ಅನಂತರ ವಸತಿ ಆಸ್ತಿ ಮಾರುಕಟ್ಟೆಯಲ್ಲಾಗುತ್ತಿರುವ ಪುನಶ್ಚೇತನವು ಈ ಬೆಳವಣಿಗೆಗೆ ಕಾರಣ ಎಂದು ಬ್ಯಾಂಕ್‌ ಮತ್ತು ರಿಯಲ್‌ ಎಸ್ಟೇಟ್‌ ವಲಯದ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.