ಸರಕಾರದ ಏರ್ ಲಿಫ್ಟ್ ಸಾಹಸದ ಬಗ್ಗೆ ನಿಮ್ಮ ಅಭಿಪ್ರಾಯವೇನು?

Team Udayavani, May 7, 2020, 5:06 PM IST

ಮಣಿಪಾಲ: ವಿವಿಧ ದೇಶಗಳಲ್ಲಿ ಸಿಲುಕಿರುವ ಭಾರತೀಯರನ್ನು ಕರೆತರಲು ಸರಕಾರ ಏರ್ ‌ಲಿಫ್ಟ್ ಸಾಹಸಕ್ಕೆ ಮುಂದಾಗಿದೆ.  ಕೇಂದ್ರ ಸರಕಾರದ ಈ ಹೆಜ್ಜೆಯ ಕುರಿತು ನಿಮ್ಮ ಅಭಿಪ್ರಾಯವೇನು ಎಂದು ಉದಯವಾಣಿ ಕೇಳಿದ್ದು, ಆಯ್ದ ಅಭಿಪ್ರಾಯಗಳು ಇಲ್ಲಿದೆ.

ಯಾಕುಬ್ ಕಾರ್ಕಳ:  ಭಾರತ ಸರಕಾರದ ಈ ಕೆಲಸ ತುಂಬಾ ಒಳ್ಳೇದು ಹೊರ ದೇಶದಲ್ಲಿ ಭಾರತದ ಪ್ರಜೆಗಳು ಕಷ್ಟದಲ್ಲಿ ಇರುವವರನ್ನು ಕರೆ ತರುದು ನಮ್ಮ ಸರಕಾರದ ಜವಾಬ್ದಾರಿಯಾಗಿದೆ. ಕೊಲ್ಲಿ ರಾಷ್ಟ್ರದ ಕುವೈಟ್ ನಲ್ಲಿ ನೆಲಸಿರುವ ಹಲವು ವರ್ಷಗಳಿಂದ, ಪಾಸ್ಪೋರ್ಟ್ ಇಲ್ಲದೆ, ಇಲ್ಲಿಯ ಕೆಲಸದ ರೆಸಿಡೆನ್ಸಿಯನ್ನು ರಿನೀವಲ್ ಮಾಡದೇ ತಪ್ಪಿಸಿ ಕೊಂಡವರು ಮತ್ತು ಇನ್ನಿತರ ಕಷ್ಟ ಇದ್ದು ಊರಿಗೆ ಹೋಗದೆ ಇದಂತಹ ಭಾರತೀಯರಿಗೆ ಕುವೈಟ್ ಸರಕಾರ ವು 20 ದಿನಗಳಿಂದ ಮೇಲ್ಕಂಡ ಭಾರತೀಯರ ಎಲ್ಲಾ ಖರ್ಚು ವೆಚ್ಚಗಳನ್ನು ಉಚಿತವಾಗಿ ನೀಡುತ್ತಿದ್ದು ಅದರೊಂದಿಗೆ ವಿಮಾನದ ಟಿಕೇಟಿನ ಹಣವನ್ನು ಕುವೈಟ್ ಸರಕಾರ ಬರಿಸಲಿದೆ ಭಾರತ ಸರಕಾರ ಹಾಗೂ ಕುವೈಟ್ ಸರಕಾರಕ್ಕೆ ತುಂಬು ಹೃದಯದ ಅಭಿನಂದನೆಗಳು

ಭಾಗ್ಯ ಎಸ್ ಎಸ್: ಏನೇ ಆಗ್ಲಿ, ಅವರು ನಮ್ಮವರು. ನಮ್ಮ ದೇಶದವರು. ಶೀಘ್ರವಾಗಿ ಕ್ರಮ ತೆಗೆದುಕೊಳ್ಳಬೇಕು

ಮಂಜುನಾಥ್ ಮಂಜು: ಈಗಾಗಲೇ ಭಾರತ ದೇಶದಲ್ಲಿ ಕೋವಿಡ್ ಬಹಳ ತಾಂಡವವಾಡುತ್ತಿದೆ ಈ ಸಮಯದಲ್ಲಿ ಅವರನ್ನು ಬೇರೆ ದೇಶದಿಂದ ನಮ್ಮ ದೇಶಕ್ಕೆ ನಮ್ಮ ಭಾರತ ದೇಶಕ್ಕೆ ಕರೆತಂದರೆ ನಮಗೆ ತೊಂದರೆಯಾಗುವುದರಲ್ಲಿ ಯಾವುದೇ ಸಂಶಯವಿಲ್ಲ ಆದರೂ ಸಹ ಅವರು ನಮ್ಮ ಭಾರತೀಯರು ಅಂತಲೂ ನಾವು ಮರೆಯುವಂತಿಲ್ಲ ಹಾಗಾಗಿ ಅವರನ್ನು ನಮ್ಮ ಭಾರತ ದೇಶಕ್ಕೆ ಕರೆತಂದಾಗ ಅವರಿಗೆ ಸುಸಜ್ಜಿತ ರೀತಿಯಲ್ಲಿ ಸರಿಯಾದ ಕ್ರಮದಲ್ಲಿ ಅವರನ್ನು ಒಂದು ಕೊಠಡಿಯಲ್ಲಿಟ್ಟು ಸರಿಯಾದ ರೀತಿಯಲ್ಲಿ ಅವರಿಗೆ ಔಷಧೋಪಚಾರಗಳನ್ನು ಕೊಟ್ಟು ಅವರನ್ನು ಸರಿಯಾದ ಸಮಯಕ್ಕೆ ಹಾಗೂ ಸರಿಯಾದ ರೀತಿಯಲ್ಲಿ ಆರೋಗ್ಯಕರವಾಗಿ ಮಾಡಿ ಮನೆಗೆ ಕಳುಹಿಸುವುದು ನನ್ನ ಈ ಒಂದು ಕ್ರಮ

ಅಂಬಿ ಜೀವನಿ: ಇದನ್ನು ಮಾಡುವುದು ಒಳ್ಳೆಯ ಕೆಲಸ ಆದರೆ ಎಲ್ಲರಿಗೂ ಸಮಾನ ಕೆಲಸ ಮಾಡಬೇಕು ಅದರಲ್ಲೂ ನಮ್ಮ ಕರ್ನಾಟಕ ವನ್ನು ಎಲ್ಲದರಲ್ಲೂ ಕಡೆಗಣಿಸುವುದು ಖಂಡನೀಯ

ವೇಣು ಎಸ್ ವೇಣು: ಕಾರ್ಫೋರೇಟರುಗಳ ವಿಷಯ ಇರಲಿ ಅವರ ಮಕ್ಕಳು ವಿದೇಶಗಳಲ್ಲಿ ನೆಮ್ಮದಿಯಾಗಿ ವಿದೇಶದ ಮನೆಯಲ್ಲಿ ತಿಂದುಕೊಂಡು ಇದ್ದಾರೆ ಹಾಗಾಗಿ  ಮೊದಲು ತನ್ನ ದೇಶಕ್ಕಾಗಿ ದುಡಿಯುತ್ತಿದ್ದ, ದೇಶದ ವಿವಿಧ ರಾಜ್ಯಗಳಲ್ಲಿ ಸಿಲುಕಿ ಒದ್ದಾಡುತ್ತಿರುವ ಕೂಲಿಕಾರ್ಮಿಕರನ್ನು ಅವರ ಮನೆ ಸೇರಿಸಿ. ನಂತರ ವಿದೇಶಿ ವ್ಯಾಮೋಹದಿಂದ ವಿದೇಶಕ್ಕೆ ಹಾರಿಹೋಗಿ, ಅಲ್ಲೇ ಉಳಿದಿರುವ, ಕೋಟಿ ಕೋಟಿ ಕುಳಗಳ ಮಕ್ಕಳನ್ನು ಕರೆತರಲಿ.

ದಾವೂದ್ ಕೂರ್ಗ್: ಈ ಎರ್ ಲಿಫ್ಟ್ ಅಂದ್ರೆ ಫ್ರೀ ಆಗಿ ಕರೆದುಕೊಂಡು ಬರುವುದು ಎಂದೇ ಎಲ್ಲರು ಭಾವಿಸಿದ್ದಾರೆ. ಅನಿವಾಸಿ ಭಾರತೀಯರಿಂದ ಪ್ರಯಾಣಕ್ಕೆ 3 ಪಟ್ಟು ಹೆಚ್ಚು ದುಡ್ಡನ್ನು ವಸೂಲಿ ಮಾಡ್ತಿದ್ದಾರೆ. ಇವರು ಲಿಫ್ಟ್ ಕೊಡದೇ ಇರುವುದು ಉತ್ತಮ  ಕೋವಿಡ್ ಮುಗಿದಮೇಲೆ ಕಡಿಮೆ ವೆಚ್ಚದ ಟಿಕೆಟ್ ನಲ್ಲೇ ಬರಲಿ ಪಾಪ.