Udayavni Special

ನಮ್ಮ ಮೇಲೆ ಯಾರ ವಕ್ರದೃಷ್ಟಿಯೂ ಬೀಳದಿರಲಿ…


Team Udayavani, Jan 16, 2018, 3:10 PM IST

19-33.jpg

ನನಗೆ ಗೆಲುವನ್ನು ಕರುಣಿಸಿದ್ದು ನಿನ್ನ ಚೆಂದದ ನಗು. ನನ್ನೊಳಗಿನ ಕೋಪದ ಜಮದಗ್ನಿಯನ್ನು ತಣ್ಣಗಾಗಿಸಿದ್ದು ನಿನ್ನ ಹುಸಿ ಮೌನ. ನನ್ನ ಕಷ್ಟ-ನೋವು, ಚಿಂತೆ- ಆತಂಕಗಳಿಗೆ ಸಮಾಧಾನ ತಂದಿದ್ದು ನಿನ್ನ ಮಾತುಗಳು. 

ಅಂದು ಮೊದಲ ಬಾರಿ ನೀನು ದಾರಿಯಲ್ಲಿ ಸಿಕ್ಕು, ತುಸು ನಕ್ಕು ಸಾಗಿದಾಗಲೇ ನನ್ನೊಳಗೊಬ್ಬ ಸಲೀಂ, ರೋಮಿಯೋ, ದೇವದಾಸನೆಂಬ ಅಮರ ಪ್ರೇಮಿ ಹುಟ್ಟಿದ್ದ. ಅಂದಿನಿಂದ ಅನಾರ್ಕಲಿಯನ್ನು ಅಣಕಿಸುವಂತೆ, ಜೂಲಿಯಟ್‌ಳನ್ನೇ ಜರಿಯುವಂತೆ, ಪಾರ್ವತಿಯೇ ಪರಿತಪಿಸುವಂತೆ ನಾನು ನಿನ್ನನ್ನು ಪ್ರೀತಿಸಲು ಶುರುವಿಟ್ಟುಕೊಂಡೆ. ಜಾತಿ-ಸಂಪ್ರದಾಯ, ಆಸ್ತಿ-ಅಂತಸ್ತುಗಳೆಂಬ ಕ್ಷುಲ್ಲಕತೆಗೆ ಬೆಲೆಕೊಡದೆ ಬೆಂಬಿಡದೆ ಕಾಡಿ ನಿನ್ನನ್ನು ಒಲಿಸಿಕೊಂಡೆ. 

 ಕೊಲ್ಲುವ ನಿನ್ನ ಕಣ್ಣೋಟ ನನ್ನೊಳಗಿನ ಕವಿಯನ್ನು ಬರೆಯಲು ಹಚ್ಚಿತ್ತು. ಬಳುಕುವ ನಿನ್ನ ನಡಿಗೆಯ ಗೆಜ್ಜೆಯ ದನಿಯು ನನ್ನಿಂದ ತಾಳ ಹಾಕಿಸುತ್ತಿತ್ತು. ಜಾರುವ ನಿನ್ನ ಮುಂಗುರುಳು ಮತ್ತೆ ಮತ್ತೆ ನನ್ನ ಕೆಣಕುತ್ತಿತ್ತು. ನಿನ್ನ ಆಕರ್ಷಕ ಮೈಮಾಟ ನನ್ನ ಕುಂಚಕೆ ಕೆಲಸ ನೀಡುತ್ತಿತ್ತು. ಹೊಗಳಿಕೆಗೆ ಅರಳುತ್ತಿದ್ದ ನಿನ್ನ ಕೆನ್ನೆಯ ರಂಗು ನಾನು ನಿಂತಲ್ಲೇ ನಲಿದಾಡಲು ಕಾರಣವಾಗುತ್ತಿತ್ತು. ಸೌಂದರ್ಯ ಸಿರಿಯ ಶಿಖರ ನೀನಾಗಿದ್ದರೂ, ರೂಢಿಸಿಕೊಂಡ ನಿನ್ನ ಸರಳತೆ ನನ್ನ ಹೃದಯವನ್ನೇ ಕದ್ದುಬಿಟ್ಟಿತ್ತು.

ಅಲ್ಲಿಂದ ಮುಂದೆ ದಿನಗಳನ್ನು ಕ್ಷಣಗಳಂತೆ ಉರುಳಿಸಿದ್ದು ನಿನ್ನ ಒಲವಿನ ಸಾಂಗತ್ಯ. ಪ್ರತಿ ಹೆಜ್ಜೆಯಲ್ಲಿಯೂ ನನಗೆ ಗೆಲುವನ್ನು ಕರುಣಿಸಿದ್ದು ನಿನ್ನ ಚೆಂದದ ನಗು. ನನ್ನೊಳಗಿನ ಕೋಪದ ಜಮದಗ್ನಿಯನ್ನು ತಣ್ಣಗಾಗಿಸಿದ್ದು ನಿನ್ನ ಹುಸಿ ಮೌನ. ನನ್ನ ಕಷ್ಟ-ನೋವು, ಚಿಂತೆ-ಆತಂಕಗಳಿಗೆ ಸಮಾಧಾನ ತಂದಿದ್ದು ನಿನ್ನ ಮಾತುಗಳು. ಭವಿಷ್ಯದ ಯೋಚನೆ-ಯೋಜನೆಗಳಿಗೆ ಭದ್ರ ಬುನಾದಿ ಹಾಕಿದ್ದು ಕೊನೆವರೆಗೂ ನನ್ನೊಂದಿಗಿರುತ್ತೇನೆ ಎಂದು ಹೇಳಿದ ನಿನ್ನ ಭರವಸೆ.

ಎರಡು ವರ್ಷವಾದರೂ ಒಮ್ಮೆಯೂ ನಮ್ಮಿಬ್ಬರ ಮಧ್ಯೆ ಉದ್ಭವಿಸದ ಭಿನ್ನಾಭಿಪ್ರಾಯಗಳಿಗೆ, ಕಾಡದ ಸಣ್ಣ-ಪುಟ್ಟ ಮುನಿಸು, ಕೋಪ-ತಾಪಗಳಿಗೆ, ಬೇಡದ ಅತೀಯಾದ ನಿರೀಕ್ಷೆಗಳಿಗೆ, ನಮ್ಮನ್ನು ನೋಡಿ ಹೊಟ್ಟೆ ಉರಿದುಕೊಂಡು ಹುಳಿ ಹಿಂಡದ ಹಿತಶತ್ರುಗಳಿಗೆ, ನಾವಿಬ್ಬರೂ ಅನುರಾಗದ ಅಲೆಯಲ್ಲಿ ತೇಲುತ್ತಿರುವುದು ಗೊತ್ತಿದ್ದೂ ಇಲ್ಲದ್ದನ್ನು ಕಲ್ಪಿಸಿಕೊಂಡು ನಮ್ಮನ್ನಗಲಿಸುವ ಹುಚ್ಚು ಸಾಹಸಕ್ಕೆ ಕೈ ಹಾಕದ ನಮ್ಮಿಬ್ಬರ ಹೆತ್ತವರಿಗೆ, ಎಲ್ಲಕ್ಕಿಂತ ಹೆಚ್ಚಾಗಿ ಪ್ರೇಮದ ಗುಂಗಿನಲ್ಲಿ ಹಾಳಾಗದ ನಮ್ಮ ವಿದ್ಯಾರ್ಥಿ ಜೀವನಕ್ಕೆ ಥ್ಯಾಂಕ್ಸ್‌ ಮತ್ತು ಥ್ಯಾಂಕ್ಸ್‌.

ಎಷ್ಟೊಂದು ಸುಂದರವಾಗಿದೆ ಈ ಬದುಕು? ಅದೇನು ಪುಣ್ಯ ಮಾಡಿದ್ದೆವೋ ನಾವಿಬ್ಬರೂ ಹೀಗಿರಲು. ಯಾವ ಜನ್ಮದ ಬಂಧವೋ ಏನೋ ನಾವು ಒಂದಾಗಿದ್ದೇವೆ. ನಗುನಗುತ ಸಾಗಿದ್ದೇವೆ. ಯಾರ ವಕ್ರದೃಷ್ಟಿಯೂ ನಮ್ಮ ಮೇಲೆ ಬೀಳದಿರಲಿ. ನಮ್ಮಿಬ್ಬರ ವಿಶಾಲ ಹೃದಯದ ಸ್ವತ್ಛಂದ ಬಯಲಿನಲ್ಲಿ ವಿಷಾದದ ಬಿರುಕು ಕಾಣದಿರಲಿ. ನೂರ್ಕಾಲ ನಾವು ಹೀಗೇ ಇರೋಣ. ನಮ್ಮದೇ ಪ್ರಪಂಚದಲ್ಲಿ ಸಣ್ಣದೊಂದು ಪ್ರೇಮಲೋಕ ಸೃಷ್ಟಿಸಿಕೊಂಡು ಸ್ವತಂತ್ರವಾಗಿ ಸ್ವೇಚ್ಛೆಯಿಂದ ಮನಸೋ ಇಚ್ಛೆ ತೇಲಾಡೋಣ. ಜೋಡಿ ಹಕ್ಕಿಗಳಾಗಿ ಹಾರಾಡೋಣ. ಏನಂತಿಯಾ?

ನಿನ್ನೊಲವಿನ ಆರಾಧಕ
ಅಶೋಕ ವಿ. ಬಳ್ಳಾರಿ

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ವಿಜಯಪುರ : ಬಬಲೇಶ್ವರ ತಾಲೂಕಿನ ಹಳ್ಳಿಗಳಲ್ಲಿ ಚಿರತೆ ಪ್ರತ್ಯಕ್ಷ! ಜನರಲ್ಲಿ ಆತಂಕ

ವಿಜಯಪುರ : ಬಬಲೇಶ್ವರ ತಾಲೂಕಿನ ಹಳ್ಳಿಗಳಲ್ಲಿ ಚಿರತೆ ಪ್ರತ್ಯಕ್ಷ! ಜನರಲ್ಲಿ ಆತಂಕ

ರಾಯಚೂರು ಸಿಡಿಲು ಬಡಿದು ನಾಲ್ಕು ಜಾನುವಾರು ಸಾವು

ರಾಯಚೂರು ಸಿಡಿಲು ಬಡಿದು ನಾಲ್ಕು ಜಾನುವಾರು ಸಾವು

ಬಾಡಿಗೆ ತಾಯಂದಿರಿಗೆ ಜನಿಸಿದ ನವಜಾತ ಶಿಶುಗಳು ಉಕ್ರೇನ್‌ ಆಸ್ಪತ್ರೆಗಳಲ್ಲೇ ಬಾಕಿ!

ಬಾಡಿಗೆ ತಾಯಂದಿರಿಗೆ ಜನಿಸಿದ ನವಜಾತ ಶಿಶುಗಳು ಉಕ್ರೇನ್‌ ಆಸ್ಪತ್ರೆಗಳಲ್ಲೇ ಬಾಕಿ!

ಹಾಲಿನ ಬೃಹತ್‌ ಟ್ಯಾಂಕ್‌ ಸಿದ್ಧಪಡಿಸಿದ ರೈಲ್ವೇ ; 44,660 ಲೀ. ಸಂಗ್ರಹ

ಹಾಲಿನ ಬೃಹತ್‌ ಟ್ಯಾಂಕ್‌ ಸಿದ್ಧಪಡಿಸಿದ ರೈಲ್ವೇ ; 44,660 ಲೀ. ಸಂಗ್ರಹ

ಮೂಳೂರು : ವಾಹನಗಳೆರಡು ಢಿಕ್ಕಿ : ಸಂಚಾರ ಅಸ್ತವ್ಯಸ್ತ

ಮೂಳೂರು : ವಾಹನಗಳೆರಡು ಢಿಕ್ಕಿ, ಸಂಚಾರ ಅಸ್ತವ್ಯಸ್ತ

ಬಾಳೆಗೂ ಬಂತು ಬನಾನಾ ಕೋವಿಡ್‌ ; ಉತ್ತರ ಪ್ರದೇಶ, ಬಿಹಾರವೇ ಪ್ರಧಾನ ಹಾಟ್‌ಸ್ಪಾಟ್‌

ಬಾಳೆಗೂ ಬಂತು ಬನಾನಾ ಕೋವಿಡ್‌ ; ಉತ್ತರ ಪ್ರದೇಶ, ಬಿಹಾರವೇ ಪ್ರಧಾನ ಹಾಟ್‌ಸ್ಪಾಟ್‌

ಲಡಾಖ್, ಎಲ್ ಎಸಿ ಬಳಿ ಸೇನೆ ಜಮಾವಣೆ; ಯುದ್ಧ ಸನ್ನದ್ಧರಾಗಿ ಎಂದು ಕರೆ ಕೊಟ್ಟ ಚೀನಾ

ಲಡಾಖ್, ಎಲ್ ಎಸಿ ಬಳಿ ಸೇನೆ ಜಮಾವಣೆ; ಯುದ್ಧ ಸನ್ನದ್ಧರಾಗಿ ಎಂದು ಕರೆ ಕೊಟ್ಟ ಚೀನಾ

ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

duty episode

ಮೊದಲ ದಿನದ ಡ್ಯೂಟಿ ಪ್ರಸಂಗ

kot taraha

ಕೈ ಬರಹ ಕೋಟಿ ತರಹ…

lov adjust

ಕೊಂಚ ಹೆಚ್ಚೆನಿಸಿದರೆ ಅಡ್ಜೆಸ್ಟ್‌ ಮಾಡ್ಕೋ…

lati-hidi

ಲಾಠಿ ಹಿಡಿವ ಬದಲು ಬೆತ್ತ ಹಿಡಿದೆ..!

shale-jail

ಶಾಲೆಯೆಂದರೆ ಅದೊಂದು ಜೈಲು ಅನಿಸುತ್ತಿತ್ತು!

MUST WATCH

udayavani youtube

Mattu ಗದ್ದೆಯಲ್ಲಿ ಕೃಷಿಯ ಆಟಕ್ಕಿಳಿದ Football ಆಟಗಾರ Yashodara

udayavani youtube

ಪಶುಸಂಗೋಪನೆಯಲ್ಲಿ ಯಶಸ್ವಿಯಾದ Uttam Agro Industries Poultry Farming Success Story

udayavani youtube

ಈ ಮನೆಯಲ್ಲಿದೆ ಬೀದಿನಾಯಿಗಳಿಗೆ ಪ್ರೀತಿಯ ಆಸರೆ | Udayvani

udayavani youtube

Karnataka : A Farmer who quits Private Job & became Successful in Agriculture

udayavani youtube

MOTHERSDAY ಪ್ರಯುಕ್ತ ನಾಡಿನ ಎಲ್ಲಾ ಅಮ್ಮಂದಿರಿಗೆ ಶುಭಾಶಯವನ್ನು ಕೋರಿದ SHINE SHETTY

ಹೊಸ ಸೇರ್ಪಡೆ

ಶ್ರಮಿಕ ರೈಲುಗಳಲ್ಲಿ 2.33 ಲಕ್ಷ ಕಾರ್ಮಿಕರು ಪ್ರಯಾಣ

ಶ್ರಮಿಕ ರೈಲುಗಳಲ್ಲಿ 2.33 ಲಕ್ಷ ಕಾರ್ಮಿಕರು ಪ್ರಯಾಣ

bG-TDY-2

ಸಾರಿಗೆ ಸಿಬ್ಬಂದಿಗೆ ಕೋವಿಡ್‌-19 ವಿಮೆ ವಿಸ್ತರಿಸಿ

27-May-04

ವಿದ್ಯಾರ್ಥಿಗಳ ಬೇಡಿಕೆ ಈಡೇರಿಕೆಗೆ ಆಗ್ರಹ

ವಿಜಯಪುರ : ಬಬಲೇಶ್ವರ ತಾಲೂಕಿನ ಹಳ್ಳಿಗಳಲ್ಲಿ ಚಿರತೆ ಪ್ರತ್ಯಕ್ಷ! ಜನರಲ್ಲಿ ಆತಂಕ

ವಿಜಯಪುರ : ಬಬಲೇಶ್ವರ ತಾಲೂಕಿನ ಹಳ್ಳಿಗಳಲ್ಲಿ ಚಿರತೆ ಪ್ರತ್ಯಕ್ಷ! ಜನರಲ್ಲಿ ಆತಂಕ

27-May-03

ವರದಿ ಬಾಕಿಯಿಂದ ಕ್ವಾರಂಟೈನ್‌ ಪೀಕಲಾಟ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.