ನಿರೀಕ್ಷಿತ ಅನಿರೀಕ್ಷಿತ

Team Udayavani, Aug 13, 2019, 5:00 AM IST

ರಿಚರ್ಡ್‌ ಫೆಯ್ನಮನ್‌ ವಿಜ್ಞಾನಿಯಾಗಿ ಪ್ರೊಫೆಸರ್‌ ಆಗಿ ದೊಡ್ಡ ಹೆಸರು ಮಾಡಿದ್ದವನು. ಅಮೆರಿಕಾದ ಮೊದಲ ನ್ಯೂಕ್ಲಿಯರ್‌ ಬಾಂಬ್‌ ಯೋಜನೆಯಲ್ಲಿ (ಇದು ಮ್ಯಾನ್‌ಹಟ್ಟನ್‌ ಪ್ರಾಜೆಕ್ಟ್ ಎಂದೇ ಪ್ರಸಿದ್ಧ) ಪ್ರಮುಖ ಪಾತ್ರವಸಿ ತನ್ನ ಜ್ಞಾನ ಸಾಧನೆಗಾಗಿ ಭೌತಶಾಸ್ತ್ರದ ನೊಬೆಲ್‌ ಪ್ರಶಸ್ತಿ ಪಡೆದಾತ ಫೆಯ್ನಮನ್‌. ಆತನ ಜ್ಞಾನೋಪನ್ಯಾಸಗಳಿಗೆ ದ್ಯಾಥಿಗಳಂತೆಯೇ ನೂರಾರು ಸಾಮಾನ್ಯಜನ ಕೂಡ ಸೇರುತ್ತಿದ್ದದ್ದು ಸಾಮಾನ್ಯ ದೃಶ್ಯವಾಗಿತ್ತು.

ಅದೊಂದು ದಿನ ಕಾಲೇಜು ಕ್ಯಾಂಪಸ್‌ನಲ್ಲಿ ಒಬ್ಬರು ಪ್ರೊಫೆಸರ್‌ ರಾತ್ರಿ ಹೊತ್ತು ನಡೆದು ಹೋಗುತ್ತಿದ್ದರು. ಯಾವುದೋ ಕೋಣೆಯೊಳಗಿಂದ ಪಾಠ ಕೇಳಿಬರುತ್ತಿತ್ತು. ಇಷ್ಟು ಹೊತ್ತಿನಲ್ಲಿ ಇದ್ಯಾವುದಪ್ಪ ಕ್ಲಾಸು ಎಂದು ಕುತೂಹಲಗೊಂಡ ಅವರು ಮೆಲ್ಲನೆ ಅತ್ತ ಹೋಗಿ ಇಣುಕಿದರು. ಕ್ಲಾಸಿನಲ್ಲಿ ಫೆಯ್ನಮನ್‌ ಪಾಠ ಮಾಡುತ್ತಿದ್ದ. ಆದರೆ ಕ್ಲಾಸ್‌ನಲ್ಲಿ ಆತನನ್ನು ಬಿಟ್ಟರೆ ಒಂದು ನರಪಿಳ್ಳೆಯೂ ಇರಲಿಲ್ಲ! ಖಾಲಿ ತರಗತಿಗೆ, ಅದು ಭರ್ತಿಯಾಗಿಬಿಟ್ಟಿದೆಯೇನೋ ಎಂಬಂತೆ, ಥರ್ಮೋಡೈನುಕ್ಸ್‌ ವಿಷಯದಲ್ಲಿ ಉಪನ್ಯಾಸ ನೀಡುತ್ತಿದ್ದ ಫೆಯ್ನಮನ್‌. ಕುತೂಹಲದಿಂದ ಪ್ರಾಧ್ಯಾಪಕರು ಸುಮಾರು ಹೊತ್ತು ಈ ಏಕವ್ಯಕ್ತಿ ಪ್ರದರ್ಶನವನ್ನು ನೋಡಿ ನಂತರ ಸದ್ದಿಲ್ಲದೆ ಸರಿದು ತನ್ನ ಮನೆದಾರಿ ಡಿದರು.

ಮರುದಿನ ಫೆಯ್ನಮನ್‌ನ ಒಂದು ಉಪನ್ಯಾಸ ಕಾಲೇಜು ಆವರಣದಲ್ಲಿ ಏರ್ಪಾಟಾಗಿತ್ತು. ಸಭಾಂಗಣ ಎಂದಿನಂತೆ ಕಿಕ್ಕಿರಿದು ತುಂಬಿತ್ತು. ಫೆಯ್ನಮನ್‌ ವೇದಿಕೆ ಮೇಲೆ ಬಂದು, ಹಾ! ಇಂದು ಯಾವ ವಿಷಯದ ಬಗ್ಗೆ ಮಾತಾಡೋಣ? ಎಂದು ಕೇಳಿದ. ಮೆಕಾನಿಕ್ಸ್‌, ಸಾಲಿಡ್‌ ಸ್ಟೇಟ್‌ ಫಿಸಿಕ್ಸ್‌, ವೇವ್ಸ್‌, ಆಪ್ಟಿಕ್ಸ್‌ಗೆ ಹತ್ತು ಕೊರಳುಗಳು ಹತ್ತು ವಿಷಯಗಳ ಒರಲಿದವು. ಈ ಎಲ್ಲ ಗದ್ದಲದ ನಡುವಲ್ಲಿ ಒಬ್ಬಳು ಹುಡುಗಿ ಥರ್ಮೋಡೈನುಕ್ಸ್‌ ಎಂದೂ ಕೂಗಿದಳು. ಫೆಯ್ನಮನ್‌ ಸಾಕು! ಸಾಕು! ಎಂಬಂತೆ ಸೂಚಿಸಿ ತರಗತಿಯನ್ನು ಮೌನವಾಗಿಸಿ, ಹತ್ತು ಷಯಗಳ ನಡುವೆ ಒಂದನ್ನು ಯಾದೃಚ್ಛಿಕವಾಗಿ ((random ಆಗಿ) ಆರಿಸುವಂತೆ ನಟಿಸುತ್ತ ಆ ಹುಡುಗಿಯತ್ತ ತಿರುಗಿ ಒಂದು ನೋಟ ಬೀರಿ, ಸರಿ, ಥರ್ಮೋಡೈನುಕ್ಸ್‌ ಎತ್ತಿಕೊಳ್ಳೋಣ. ಅದರ ಬಗ್ಗೆ ಇಂದಿನ ಉಪನ್ಯಾಸ ಎಂದು ಹೇಳಿ ಪಾಠ ಶುರುಮಾಡಿದ.ಹಿಂದಿನ ರಾತ್ರಿ ಕದ್ದುಮುಚ್ಚಿ ಪಾಠ ಕೇಳಿದ್ದ ಪ್ರಾಧ್ಯಾಪಕರೂ ಕುತೂಹಲಕ್ಕೆ ಈ ಉಪನ್ಯಾಸಕ್ಕೆ ಹಾಜರಿ ಹಾಕಿದ್ದರು. ಅವರಿಗಿದು ರೀಪ್ಲೇ ಶೋ! ಆದರೆ ಉಳಿದಷ್ಟೂ ಜನ ಮಾತ್ರ ಫೆಯ್ನಮನ್‌ ಅದ್ಭುತ ವ್ಯಕ್ತಿ! ಯಾವ ವಿಷಯವನ್ನು ಅವರತ್ತ ಎಸೆದರೂ ಅದರ ಮೇಲೆ ಅಸ್ಮರಣೀಯವಾಗುವ ಉಪನ್ಯಾಸ ಕೊಡುತ್ತಾರೆ ಎಂದು ಮಾತಾಡಿಕೊಂಡರು.

– ರೋಹಿತ್‌ ಚಕ್ರತೀರ್ಥ

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಪ್ರೀತಿ ಅನ್ನೋದು ಆಳವಾದ ಸಮುದ್ರ ಕಣೋ. ಕೆರೆ, ಬಾವಿ, ನದಿಗಳ ನೀರು ಬತ್ತಬಹುದು, ಆದರೆ, ಸಮುದ್ರದ ನೀರು ಎಂದೂ ಬತ್ತಲ್ಲ; ಬತ್ತಿದ ಬಗ್ಗೆ ಮಾಹಿತಿಯೂ ಇಲ್ಲ ಬಿಡು. ಅಂಥ‌...

  • ನಮ್ಮೂರು ಹೀಗಿರಬೇಕು ಅಂತ ಕನಸು ಕಂಡ ಮೇಲೆ ಈ ಗುಂಪು ಸಮ್ಮನೆ ಕೂರಲಿಲ್ಲ. ಊರಿನ ಗಲ್ಲಿ ಗಲ್ಲಿ ತಿರುಗಿ, ಕಸ, ನೀರಿನ ಮಹತ್ವ ತಿಳಿಸುವುದರ ಜೊತೆಗೆ ತಾವೇ ಸ್ವತ್ಛತಾ...

  • ಪ್ರಿಯ ಇವನೇ, ನನಗಂತೂ ಇತ್ತೀಚಿಗೆ ಮೊಬೈಲ್‌ ಗೀಳು. ಅವರಿವರ ಮೇಸೇಜು, ಪ್ರೊಫೈಲ್‌ ತಡಕಾಡುವುದು,ಅಪಡೇಟ್‌ ನೋಡುವ ಕೆಲಸವಲ್ಲ. ನೀನೇನಾದರೂ ಫೇಸ್‌ಬುಕ್ಕಲ್ಲಿ ಫ್ರೆಂಡ್‌...

  • ಚೈತ್ರಮಾಸ, ಪುನರ್ವಸು ನಕ್ಷತ್ರ, ನವಮಿ ತಿಥಿಯಲ್ಲಿ ಹುಟ್ಟಿದ ಶ್ರೀರಾಮ ಜೀವಿಸಿದ್ದ ಕಾಲಾವಧಿ ಯಾವುದು? ಅದನ್ನು ನಿರ್ದಿಷ್ಟವಾಗಿ ಹೇಳುವುದು ಕಷ್ಟ. ಈಗ ಐದು ಸಾವಿರ...

  • ಮಳೆಗಾಲ ಎಂದರೆ ಮಕ್ಕಳ ಮನಸ್ಸು ಗಾಂಧೀ ಬಜಾರು. ಶಾಲೆ ಮುಂದೆ ಹರಿಯುವ ಝರಿಯಲ್ಲಿ ಆಟವಾಡುವುದು, ಹೆಂಚುಗಳ ಅಂಚಿಂದ ಸುರಿಯುವ ನೀರ ಕೆಳಗೆ ಕುಣಿಯುವುದು, ಮಳೆ ಹೆಚ್ಚಾಗಲಿ,...

ಹೊಸ ಸೇರ್ಪಡೆ