ವಿನಾಯಕ ಚಿತ್ರಕಥಾ

Team Udayavani, Sep 7, 2019, 1:43 PM IST

ಪೌರಾಣಿಕ ಜಗತ್ತಿನ ಅದ್ಭುತಗಳನ್ನು ಒಂದು ಸಾಲಿನಲ್ಲಿ ನಿಲ್ಲಿಸುತ್ತಾ ಹೋದರೆ, ಅಲ್ಲಿನ ಪ್ರಥಮಪಂಕ್ತಿಯಲ್ಲಿ ಗಜಮುಖನೇ ಕಾಣಿಸುತ್ತಾನೆ. ಅದರಲ್ಲೂ ಮಕ್ಕಳಿಗೆ ಗಣಪತಿಯ ರೂಪವೇ ಒಂದು ಕುತೂಹಲದ ಆಕರ್ಷಣೆ. ಮನುಷ್ಯನಂತೆ ಇದ್ದ ದೇವರಿಗೆ, ಆನೆಯ ಮುಖ ಹೇಗೆ ಬಂತು ಎನ್ನುವ ಪ್ರಶ್ನೆ ಎಲ್ಲರ ಬಾಲ್ಯದಲ್ಲೂ ಕಾಡಿದ ಸಹಜ ಸುಂದರ ಪ್ರಶ್ನೆ. ಗಣೇಶನ ಈ ಜನ್ಮವೃತ್ತಾಂತವನ್ನು ತೆರೆದಿಡುವ ಪಾರ್ಕ್‌ ಒಂದು ಜನರನ್ನು ಸೆಳೆಯುತ್ತದೆ. ಹೊನ್ನಾವರದಿಂದ ಇಡಗುಂಜಿಗೆ ಬರುವ ದಾರಿಯಲ್ಲಿ ವಿನಾಯಕ ಪ್ರತಿದಿನ ಬರುವ ಪ್ರವಾಸಿಗರನ್ನು ಸ್ವಾಗತಿಸಿ, ತನ್ನ ಜನ್ಮ ವೃತ್ತಾಂತವನ್ನು ಹೇಳುತ್ತಿದ್ದಾನೆ. ಈ “ವಿನಾಯಕ ವನ’ದಲ್ಲಿರುವ ಪ್ರತಿ ಕಲಾಕೃತಿಗಳೂ, ಜೀವದೃಶ್ಯಗಳಾಗಿ ಕತೆ ಹೇಳುತ್ತವೆ.

ಪಾರ್ವತಿ ಸ್ನಾನಕ್ಕೆ ಹೋಗುವಾಗ ಬಾಗಿಲು ಕಾಯುವ ಗಣಪ; ಅದೇ ಸಮಯಕ್ಕೆ ಆಗಮಿಸಿದ ಶಿವನನ್ನು ತಡೆದ ಬಾಲ ಗಣಪ; ಕೋಪಗೊಂಡ ಶಿವನು ಗಣಪನ ಶಿರವನ್ನು ಕತ್ತರಿಸಿದಾಗ, ಪಾರ್ವತಿಯ ಗೋಳಾಟ; ಆಗ ವ್ಯಕ್ತವಾಗುವ ಪಾರ್ವತಿಯ ಮಾತೃಪ್ರೇಮ… ಇವೆಲ್ಲವನ್ನೂ ಕಣ್ಣಿಗೆ ಕಟ್ಟಿದ ಹಾಗೆ ಇಲ್ಲಿನ ಕಲಾಕೃತಿಗಳಲ್ಲಿ ನಿರೂಪಿಸಲಾಗಿದೆ. ಶಿವನ ಸೂಚನೆಯಂತೆ ಉತ್ತರ ದಿಕ್ಕಿಗೆ ಮಲಗಿದ ವ್ಯಕ್ತಿಯ ತಲೆಯನ್ನು ತರಲು ಹೊರಟವನಿಗೆ ಕಂಡಿದ್ದು ಆನೆ. ಅದರ ತಲೆಯನ್ನು, ಗಣಪನಿಗೆ ಜೋಡಿಸಿ, ಜೀವ ತುಂಬಿದ ರೋಮಾಂಚಕ ಕ್ಷಣ, ಹಾವನ್ನು ಬಿಗಿದು ಕಟ್ಟಿದ ಡೊಳ್ಳು ಹೊಟ್ಟೆಯ ಲಂಬೋದರನ ಬದುಕಿನ ನಾನಾ ಸನ್ನಿವೇಶಗಳು ಇಲ್ಲಿ ಹೃನ್ಮನ ಸೆಳೆಯುವಂತೆ ಕೆತ್ತಲಾಗಿದೆ.

ಇದೆಲ್ಲದರ ಜತೆಗೆ ಪೋಷಕರಿಗೊಂದು ಪಾಠವೂ ಇಲ್ಲಿ ದರ್ಶನವಾಗುತ್ತದೆ. ಯಾವುದೇ ಮಗು “ವಿಶೇಷ’ ರೂಪದಲ್ಲಿ ಜನಿಸಿದರೆ ಅದನ್ನು ಕಡೆಗಣಿಸಬೇಡಿ, ಪ್ರೀತಿಯಿಂದ ನೋಡಿಕೊಳ್ಳಿ. ಅದಕ್ಕೆ ಆತ್ಮವಿಶ್ವಾಸ ತುಂಬಿ. ಅದಕ್ಕೂ ವಿಶೇಷ ಶಕ್ತಿಯಿದೆ. ಅದನ್ನು ಗುರುತಿಸುವ ಕೆಲಸ ಮಾಡಿ… ಎನ್ನುವ ಸಂದೇಶದ ಮೂಲಕ ಈ ಗಣಪನ ದೃಶ್ಯಗಳು ನಮ್ಮ ಮನದಾಳದಲ್ಲಿ ನೆಲೆ ನಿಲ್ಲುತ್ತವೆ.

 

ಚಿತ್ರ-ಲೇಖನ: ಟಿ. ಶಿವಕುಮಾರ್‌

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

  • "ಮನುಷ್ಯ ಚಿಂತೆ ಬಿಟ್ಟು, ನೆಮ್ಮದಿ ಕಾಣಲು ತಿಂಥಣಿಗೆ ಬರಬೇಕು' ಎಂಬ ಮಾತಿದೆ. ತಿಂಥಣಿ ಮೌನೇಶ್ವರನಿಗೆ ಜಾತಿ, ಧರ್ಮ ಮೀರಿದ ಭಕ್ತರಿದ್ದಾರೆ. ಯಾದಗಿರಿ ಜಿಲ್ಲೆಯ ಸುರಪುರ...

  • ಕರ್ನಾಟಕದ ವಾಸ್ತುಶಿಲ್ಪದ ಕೊಡುಗೆಯಲ್ಲಿ ಶೈವ ದೇಗುಲಗಳ ಪಾತ್ರ ಗಣನೀಯ. ಕದಂಬರ ಕಾಲದಿಂದಲೂ ಹಲವು ಶೈವ ಗುಡಿಗಳು ನಮ್ಮ ನಾಡಿನಲ್ಲಿ ನಿರ್ಮಾಣಗೊಂಡಿದ್ದು, ಅವುಗಳಲ್ಲಿ...

  • ಕುಪ್ಪಳಿಯಲ್ಲಿನ ಕುವೆಂಪು ಮನೆಯ ಒಳಕೋಣೆಯಲ್ಲಿ ಅಡಿಯಿಟ್ಟಾಗ ಸೆಳೆದದ್ದು "ಬಾಣಂತಿ ಕೋಣೆ' ಎಂಬ ಹಣೆಪಟ್ಟಿ ಹೊತ್ತ ಕೋಣೆ. ಕಬ್ಬಿಣದ ತೊಟ್ಟಿಲು, ಮರದ ತೊಟ್ಟಿಲು,...

  • ಬಹುತೇಕ ಭಾರತೀಯ ಸಂಸ್ಕೃತಿಗೆ ಹತ್ತಿರವಿರುವ ದೇಶ ಶ್ರೀಲಂಕಾ. ಈ ಸಾಂಸ್ಕೃತಿಕ ಬೆಸುಗೆಗೆ ಕಾರಣ, ರಾಮಾಯಣದ ಖಳನಾಯಕ ರಾವಣ. ರಾವಣನ ಆ ಸಾಮ್ರಾಜ್ಯ ಈಗ ಹೇಗಿದೆ ಎಂಬುದರ...

  • ಸಂಗಮೇಶ ಅವರು ಕಳೆದ 7 ವರ್ಷಗಳಿಂದ ಸ್ವರಕ್ತದಿಂದ ಚಿತ್ರ ಬಿಡಿಸುತ್ತಿದ್ದಾರೆ. ಇದುವರೆಗೆ 300 ಸಾಧಕರ ಚಿತ್ರವನ್ನು ನೆತ್ತರಿನ ಮೂಲಕವೇ ಚಿತ್ರಿಸಿರುವುದು ವಿಶೇಷ... ಕಲೆ-...

ಹೊಸ ಸೇರ್ಪಡೆ