“ಸಿಟ್ಟಿನ’ ಸಿಪಾಯಿ

ಅಬ್ಟಾ, ಎಂಥ ಸಿಟ್ಟು ಈ ಯಮ್ಮಂಗೆ!

Team Udayavani, May 8, 2019, 6:00 AM IST

ಹುಡುಗನೊಬ್ಬ ಸಿಟ್ಟಿಗೆದ್ದು ಕೂಗಾಡಿದರೆ ಆತ ಹೀರೋ, ಆ್ಯಂಗ್ರಿ ಯಂಗ್‌ ಮ್ಯಾನ್‌! ಆದರೆ ಹುಡುಗಿಯೊಬ್ಬಳು ತನಗನ್ನಿಸಿದ್ದನ್ನು ಹೇಳಿದರೆ ಅವಳಿಗೆ ಬಜಾರಿ, ಸಿಟ್ಟಿನ ಮಾರಿ, ರಾಕ್ಷಸಿ ಮುಂತಾದ ಹಣೆಪಟ್ಟಿ ಕಟ್ಟಿಟ್ಟ ಬುತ್ತಿ…

ಸಿನಿಮಾ ನೋಡಲು ಸಿಕ್ಕಾಪಟ್ಟೆ ರಶ್‌. ಹನುಮಂತನ ಬಾಲದಂತೆ ಕ್ಯೂ ಉದ್ದವಿತ್ತು. ತನ್ನ ಪುಟ್ಟ ಮಕ್ಕಳೊಂದಿಗೆ ಆಕೆಯೂ ಬಿಸಿಲನ್ನು ಲೆಕ್ಕಿಸದೆ ಕಾಯುತ್ತಿದ್ದಳು. ಇದ್ದಕ್ಕಿದ್ದಂತೆ ಎಲ್ಲಿಂದಲೋ ಬಂದ ಕಾಲೇಜು ಹುಡುಗ-ಹುಡುಗಿಯರ ಗುಂಪು ಕ್ಯೂ ಮಧ್ಯ ಸೇರಿತು. ಉಳಿದವರೆಲ್ಲಾ ಮುಖ ಮುಖ ನೋಡಿಕೊಂಡರೂ ಸುಮ್ಮನಿದ್ದರು. ಕಾದು ಸುಸ್ತಾಗಿದ್ದ ಆ ಮಹಿಳೆ ಮಾತ್ರ “ಏನ್ರೀ… ನಾವಿಲ್ಲಿ ನಿಂತಿರೋದು ಕಾಣ್ತಾ ಇಲ್ವಾ ?’ ಎಂದು ಸಿಟ್ಟು ಕಾರಿಕೊಂಡಳು. ಸುತ್ತಲಿದ್ದವರ ನೋಟವೆಲ್ಲಾ ಆ ಮಹಿಳೆ ಮೇಲೆ ಬಿತ್ತು! ಅಲ್ಲಿದ್ದವರೆಲ್ಲರೂ ಅಬ್ಟಾ ಎಂಥ ಸಿಟ್ಟು ಈ ಯಮ್ಮಂಗೆ! ಎಂಬ ಲುಕ್ಕು ಕೊಡುತ್ತಿದ್ದರು.

ಬೆಳಗ್ಗೆಯಿಂದ ಸಂಜೆ ತನಕ ಆಫೀಸಿನಲ್ಲಿ ದುಡಿದು ಸುಸ್ತು. ಸೊಂಟ ನೋವು ಬೇರೆ. ಮಕ್ಕಳ ಪರೀಕ್ಷೆ ಸಮಯ. ಸಂಜೆ ಬೇಗ ಊಟ ಮುಗಿಸಿ ಮಲಗಿದ್ದಷ್ಟೇ. ರಾತ್ರಿ ಊಟಕ್ಕೆ ಅನಿರೀಕ್ಷಿತವಾಗಿ ನೆಂಟರ ಆಗಮನ. ಕಷ್ಟಪಟ್ಟು ಮಾಡಿದ ಅಡುಗೆಯನ್ನು ಕಂಠಪೂರ್ತಿ ತಿಂದು ನಂತರ ಅವರ ಕೊಂಕು ಮಾತು ಕೇಳಬೇಕು! ಮನಸ್ಸು ಕುದಿವ ಅಗ್ನಿಪರ್ವತವಾಗಿದ್ದರೂ ಯಾರಿಗೇನು ಹೇಳುವುದು? ಮಾತು ತುಟಿ ಮೀರಬಾರದು. ಬಾಲ್ಯದಿಂದ ಅರೆದು ಕುಡಿಸಿದ ಪಾಠವದು. ಕಡೆಗೆ ಅಮ್ಮನ ಸಿಟ್ಟಿನ ಲಾವಾ ಸಿಡಿದಿದ್ದು ಪುಟ್ಟ ಮಕ್ಕಳ ಮೇಲೆ!

ಈ ಬದುಕು ಎಲ್ಲಾ ಸಮಯದಲ್ಲೂ ನಮಗೆ ಬೇಕಾದಂತೆ ಇರುವುದಿಲ್ಲ. ವಿವಿಧ ಪರಿಸ್ಥಿತಿಗಳು, ವಿವಿಧ ವ್ಯಕ್ತಿಗಳು ಪಯಣದ ದಿಕ್ಕನ್ನು ಪ್ರಭಾವಿಸುತ್ತಿರುತ್ತಾರೆ. ಏಳು-ಬೀಳಿನ ಈ ಸುದೀರ್ಘ‌ ಪಯಣದಲ್ಲಿ ಅಸೂಯೆ, ಆತಂಕ, ಹೆದರಿಕೆ, ನಾಚಿಕೆ, ದುಃಖ, ಖುಷಿ, ಹೆಮ್ಮೆ, ಬೇಸರ, ನೋವು ಇವೆಲ್ಲಾ ಮಾನವ ಸಹಜ ಭಾವನೆಗಳು ಎದುರಾಗುತ್ತವೆ. ಅದರೊಂದಿಗೆ ಸಿಟ್ಟು ಕೂಡಾ ಒಂದು ಸಹಜ, ಆರೋಗ್ಯಪೂರ್ಣ ಭಾವನೆ. ಕೋಪವನ್ನು ಅರ್ಥ ಮಾಡಿಕೊಂಡು ಅದನ್ನು ಸರಿಯಾಗಿ ನಿಭಾಯಿಸುವ ಉಪಾಯವನ್ನು ಕಲಿತಾಗ ಮಾತ್ರ ಸಿಟ್ಟು ಸಕಾರಾತ್ಮಕವಾಗಬಲ್ಲದು. ನಿಯಂತ್ರಣವಿಲ್ಲದ ಸಿಟ್ಟು ಕೆಟ್ಟದ್ದೇ. ಅದೇ ರೀತಿ ಸಿಟ್ಟನ್ನು ಒಳಗೊಳಗೇ ಅದುಮಿಡುವುದು ಕೂಡಾ ಕೆಟ್ಟದ್ದು. ನಗುವಿನ ಮುಖವಾಡ ತೊಟ್ಟು ಒಳಗೊಳಗೇ ಉಬ್ಬೆ ಹಾಕಿದಲ್ಲಿ ಏರಿದ ರಕ್ತದೊತ್ತಡ, ಆತಂಕ, ಒತ್ತಡ, ಖನ್ನತೆ, ಹೃದಯ ಸಂಬಂಧಿ ರೋಗಗಳು, ಉದರ ಸಮಸ್ಯೆ ಬಾಯಿಹುಣ್ಣು ಮತ್ತು ಕ್ಯಾನ್ಸರ್‌ ಬರುವ ಸಾಧ್ಯತೆ ಹೆಚ್ಚು ಎಂದು ಸಂಶೋಧನೆಗಳು ವರದಿ ಮಾಡಿವೆ.

ಹುಡುಗಿಯೊಬ್ಬಳು ತನಗನ್ನಿಸಿದ್ದನ್ನು ಹೇಳಿದರೆ ಅವಳಿಗೆ ಬಜಾರಿ, ಸಿಟ್ಟಿನ ಮಾರಿ, ರಾಕ್ಷಸಿ ಮುಂತಾದ ಹಣೆಪಟ್ಟಿ ಕಟ್ಟಿಟ್ಟ ಬುತ್ತಿ. ಅದರೆ, ಹುಡುಗನೊಬ್ಬ ಸಿಟ್ಟಿಗೆದ್ದು ಕೂಗಾಡಿದರೆ ಆತ ಹೀರೋ! ಅಂದರೆ ಆ್ಯಂಗ್ರಿ ಯಂಗ್‌ ಮ್ಯಾನ್‌! ಬಾಲ್ಯದಿಂದಲೂ ಹುಡುಗಿಯರಿಗೆ ಸಿಟ್ಟು ಒಳ್ಳೆಯದಲ್ಲ, ಸಹನೆಯೇ ಮೂಲಮಂತ್ರ ಎಂಬ ಪಾಠವನ್ನು ಮಾಡಲಾಗುತ್ತದೆ. ಸಿಟ್ಟು ಕೆಟ್ಟದ್ದೆಂದು ಒಂದೇ ಏಟಿಗೆ ಸಾಗಹಾಕಿ ಸಿಟ್ಟನ್ನು ತಡೆಹಿಡಿಯುವುದಕ್ಕೆ ಬದಲಾಗಿ ನಿಯಂತ್ರಿಸುವುದನ್ನು ಕಲಿಸಿದರೆ ಅವರ ವ್ಯಕ್ತಿತ್ವ ಸಕಾರಾತ್ಮಕವಾಗಿ ಅರಳುತ್ತದೆ. ಆತ್ಮವಿಶ್ವಾಸವೂ ಹೆಚ್ಚುತ್ತದೆ.

ಸಿಟ್ಟು ಬಂದಾಗ…
– ಒಂದೆರಡು ನಿಮಿಷ ಮೌನವಾಗಿ ಉದ್ವೇಗ ನಿಯಂತ್ರಿಸಿ.
– ವೈಯಕ್ತಿಕ ದೋಷಾರೋಪ ಬೇಡ.
– ಶಕ್ತಿಪ್ರದರ್ಶನ, ಅವಾಚ್ಯ ಬೈಗುಳದಿಂದ ದೂರವಿರಿ.
– ಅಸಹನೆಯನ್ನು ಆತ್ಮೀಯರ ಹತ್ತಿರ ಹೇಳಿಕೊಂಡು ಹಗುರಾಗಿ.
– ವ್ಯಾಯಾಮ, ತೋಟಗಾರಿಕೆ, ನೃತ್ಯ- ಹೀಗೆ ದೈಹಿಕ ಚಟುವಟಿಕೆ ಬೇಡುವ ಕೆಲಸಗಳಲ್ಲಿ ತೊಡಗಿ.

– ಡಾ. ಕೆ.ಎಸ್‌. ಚೈತ್ರಾ


ಈ ವಿಭಾಗದಿಂದ ಇನ್ನಷ್ಟು

  • ಮನೆಗೆ ಬೀಗ ಹಾಕ್ಕೊಂಡು ಎಲ್ಲರೂ ಹೋಗಬೇಕಾದ ಪರಿಸ್ಥಿತಿ ಬಂದಾಗ ಮತ್ತೂಂದಿಷ್ಟು ಹೆಚ್ಚಿನ ಜವಾಬ್ದಾರಿ. ಎಲ್ಲರ ಬಟ್ಟೆ, ಸಾಮಾನುಗಳನ್ನು ಸರಿಯಾಗಿ ಪ್ಯಾಕ್‌ ಮಾಡೋದು...

  • ಮಾವಿನ ಮರ ಹೂ ಬಿಟ್ಟಾಗಲೇ, ಈ ವರ್ಷ ಮಾವಿನ ಹಣ್ಣು ಮತ್ತು ಕಾಯಿಯಿಂದ ಯಾವೆಲ್ಲಾ ಅಡುಗೆ ಮಾಡಬಹುದು ಅಂತ ಗೃಹಿಣಿಯರು ಲೆಕ್ಕ ಹಾಕುತ್ತಾರೆ. ಮಾವಿನ ಹಣ್ಣನ್ನು ಹಾಗೇ...

  • ನಿರ್ಜಲೀಕರಣ, ಸನ್‌ಬರ್ನ್, ತುರಿಕೆ, ಬೆವರುಸಾಲೆ, ಕಜ್ಜಿ, ಬಾಯಿಹುಣ್ಣು, ಉರಿಮೂತ್ರ ಸಮಸ್ಯೆ, ನಿದ್ರಾಹೀನತೆ... ಬೇಸಿಗೆಯಲ್ಲಿ ನಮ್ಮನ್ನು ಕಾಡುವ ಸಮಸ್ಯೆಗಳು ಒಂದೇ,...

  • "ಕಾಡು ಕುದುರೆ ಓಡಿ ಬಂದಿತ್ತಾ...' ಗೀತೆಯ ಮೂಲಕ ರಾಷ್ಟ್ರಪ್ರಶಸ್ತಿಗೆ ಪಾತ್ರರಾದವರು ಶಿವಮೊಗ್ಗ ಸುಬ್ಬಣ್ಣ. ಅವರ ಸಿರಿಕಂಠವನ್ನು ಪ್ರಧಾನಿ ನೆಹರು ಅವರೂ ಮೆಚ್ಚಿಕೊಂಡಿದ್ದರು....

  • ಲಾಭ ಮಾಡುವುದೇ ವ್ಯಾಪಾರದ ಮೂಲ ಉದ್ದೇಶ ಎಂಬ ಮಾತಿದೆ. ಆದ್ರೆ, ಕೆಲವರಿಗೆ ವ್ಯಾಪಾರವೇ ಬದುಕಿನ ಮೂಲಾಧಾರ. ಸಂಸಾರದ ತಕ್ಕಡಿ ತೂಗಿಸಲು, ತಕ್ಕಡಿ ಹಿಡಿಯಲೇಬೇಕಾದ ಅನಿವಾರ್ಯಕ್ಕೆ...

ಹೊಸ ಸೇರ್ಪಡೆ

  • ಬಾಲಪ್ಪ ಎಂ. ಕುಪ್ಪಿ ಕಕ್ಕೇರಾ: ನಗರೋತ್ಥಾನ ಯೋಜನೆಯಡಿ ಕಕ್ಕೇರಾ ಪ್ರಮುಖ ವಾರ್ಡ್‌ಗಳಲ್ಲಿ 3ನೇ ಹಂತದ ಕುಡಿಯುವ ನೀರಿನ ಸೌಕರ್ಯ ಒದಗಿಸಲು ನಗರಾಭಿವೃದ್ಧಿ ಕೋಶ...

  • ಕೋಲಾರ: ರಾಜ್ಯದ ಸಮ್ಮಿಶ್ರ ಸರ್ಕಾರ ಮಾಡಿದ ಜನಪರ ಕೆಲಸಗಳನ್ನು ಜನರಿಗೆ ತಿಳಿಸುವಲ್ಲಿ ಆದ ವೈಫ‌‌ಲ್ಯವೇ ಲೋಕಸಭಾ ಚುನಾವಣೆಯ ಹಿನ್ನಡೆಗೆ ಕಾರಣವಾಯಿತು ಎಂದು ಜಿಲ್ಲಾ...

  • ದೇವದುರ್ಗ: ದೇವದುರ್ಗ ಪಟ್ಟಣ ಸೇರಿ ತಾಲೂಕಿನಾದ್ಯಂತ ಕಾನೂನು ಬಾಹಿರ ಚಟುವಟಿಕೆಗಳು ಹೆಚ್ಚುತ್ತಿವೆ. ಅಕ್ರಮ ಮರಳು ಸಾಗಾಟ, ಜೂಜಾಟ, ಮಟ್ಕಾ, ಅಕ್ರಮ ಮದ್ಯ ಮಾರಾಟ,...

  • ಭಟ್ಕಳ: ತಾಲೂಕಿನ ಮುಟ್ಟಳ್ಳಿ ಗ್ರಾಪಂ ವ್ಯಾಪ್ತಿಯಲ್ಲಿ ಹೊಳೆಯ ಪಕ್ಕದಲ್ಲಿ ಗುಂಡಿ ತೋಡಿ ನೀರು ಸರಬರಾಜು ಮಾಡುತ್ತಿರುವ ಖಾಸಗಿ ವ್ಯಕ್ತಿ ವಿರುದ್ಧ ಗ್ರಾಮಸ್ಥರು...

  • ತಾಳಿಕೋಟೆ: ತಾಲೂಕಿನ ಮೂಕಿಹಾಳ ಗ್ರಾಪಂ ವ್ಯಾಪ್ತಿಯಲ್ಲಿ ಬರುವ ಮೂಕಿಹಾಳ ದರ್ಗಾದ ಬಳಿ ಇರುವ ನಿವಾಸಿಗಳಿಗೆ ನದಿಯಿಂದ ವಾರಕ್ಕೊಮ್ಮೆ ಪೂರೈಕೆಯಾಗುವ ನೀರು ಕಲುಷಿತವಾಗಿದ್ದು...

  • ಶಿರಸಿ: ಸಿದ್ದಾಪುರ ಕಾನಸೂರು ಬಳಿ ವಿಧವಾ ಮಹಿಳೆ ಮೇಲೆ ದೌರ್ಜನ್ಯ ಎಸಗಿದ ಅರಣ್ಯಾಧಿಕಾರಿಗಳ ನಡೆ ವಿರೋಧಿಸಿ ಜಿಲ್ಲಾ ಅತಿಕ್ರಮಣದಾರರ ಹೋರಾಟ ವೇದಿಕೆ ಅಧ್ಯಕ್ಷ...