ಬಬಲ್‌ ಧಮಾಕಾ

Team Udayavani, Jun 5, 2019, 6:00 AM IST

ಒಂದಿಂಚು ಉದ್ದದ, ಸಕ್ಕರೆಯ ಬಿಲ್ಲೆಯಂಥ, ಎಳೆದಷ್ಟೂ ಉದ್ದವಾಗುವ, ನಾಲಿಗೆಯಿಂದ ಮುಂದೆ ತಳ್ಳಿ ಊದಿದರೆ ಗುಳ್ಳೆ ಸೃಷ್ಟಿಸುವ ಅದನ್ನು ತಿನ್ನೋದು ಆರೋಗ್ಯಕ್ಕೆ ಒಳ್ಳೆಯದಂತೆ. ಯಾವುದಪ್ಪಾ ಅದು ಅಂದಿರಾ? ನಾವು ಹೇಳಿದ್ದು ಬಬಲ್‌ ಗಮ್‌/ಚಿವಿಂಗ್‌ ಗಮ್‌ ಬಗ್ಗೆ. ಸುಮ್ಮನೆ ಟೈಮ್‌ಪಾಸ್‌ಗೆ ಅಂತ ಬಾಯಿಗೆ ಹಾಕ್ಕೊಂಡು, ಒಂದಷ್ಟು ಹೊತ್ತು ಜಗಿದು ಉಗೀತೀವಲ್ಲ ಆ ಬಬಲ್‌ ಗಮ್‌ನಿಂದ ಕೂಡಾ ಅನೇಕ ಉಪಯೋಗಗಳಿವೆ.

ಬಬಲ್‌ಗ‌ಮ್‌ ಜಗಿಯುವುದರಿಂದ ಆಲಸಿತನ, ನಿದ್ದೆ ದೂರವಾಗಿ, ಏಕಾಗ್ರತೆ ಹೆಚ್ಚುತ್ತದೆ. ಹಲ್ಲು ಮತ್ತು ಬಾಯಿಯ ಸ್ನಾಯುಗಳ ಆರೋಗ್ಯಕ್ಕೆ ಒಳ್ಳೆಯದು. ಈರುಳ್ಳಿ, ಬೆಳ್ಳುಳ್ಳಿಯಂಥ ಪದಾರ್ಥಗಳನ್ನು ತಿಂದ ನಂತರ ಬಬಲ್‌ಗ‌ಮ್‌ ಜಗಿದರೆ ಬಾಯಿ ವಾಸನೆಯಿಂದ ಮುಕ್ತರಾಗಬಹುದು. ಸದಾ ಕುರುಕಲು ತಿನ್ನಬೇಕು ಅಂತ ಹಪಹಪಿಸುವ ಮಂದಿಯ ಬಾಯಿ ಚಪಲವನ್ನೂ ಬಬಲ್‌ಗ‌ಮ್‌ ದೂರ ಮಾಡುತ್ತದೆ. ಬಬಲ್‌ ಗಮ್‌ ಜಗಿಯುತ್ತಾ ಗಂಟೆಗೆ 11 ಕ್ಯಾಲೊರಿ ಕಳೆದುಕೊಳ್ಳಬಹುದು ಅಂತಾವೆ ಸಮೀಕ್ಷೆಗಳು. ಅಂದರೆ, ಬಬಲ್‌ಗ‌ಮ್‌ನಿಂದ ತೂಕ ಕಡಿಮೆ ಮಾಡಿಕೊಳ್ಳಬಹುದು ಅಂತಾಯ್ತು.
ಬಬಲ್‌ಗ‌ಮ್‌ ಜಗಿಯುವುದರಿಂದ, ಮೆದುಳಿಗೆ ರಕ್ತ ಸಂಚಾರ ಸರಾಗವಾಗಿ ನೆನಪಿನ ಶಕ್ತಿಯೂ ವೃದ್ಧಿಸುತ್ತದಂತೆ. 2011ರಲ್ಲಿ ನಡೆದ ಸಂಶೋಧನೆಯ ಪ್ರಕಾರ, ದಿನವೂ ಬಬಲ್‌ಗ‌ಮ್‌ ಜಗಿಯುವುದರಿಂದ ಒತ್ತಡ, ಖನ್ನತೆಯಂಥ ಮಾನಸಿಕ ರೋಗಗಳನ್ನು ಹತೋಟಿಯಲ್ಲಿಡಬಹುದಂತೆ. ಬಬಲ್‌ಗ‌ಮ್‌ ಅನ್ನು ಜಗಿಯುವಾಗ ಬಿಡುಗಡೆಯಾಗುವ ಲಾಲಾರಸವು, ಹೊಟ್ಟೆಯಲ್ಲಿನ ಆ್ಯಸಿಡ್‌ಗಳನ್ನು ನಿಯಂತ್ರಿಸಿ ಜೀರ್ಣಶಕ್ತಿಯನ್ನು ಸರಾಗಗೊಳಿಸುತ್ತದೆ. ಅಷ್ಟೇ ಅಲ್ಲದೆ, ಸಿಗರೇಟ್‌-ಗುಟ್ಕಾ ಮುಂತಾದ ದುಶ್ಚಟಗಳಿಂದ ದೂರವಾಗಲು ಬಬಲ್‌ಗ‌ಮ್‌ ಸಹಾಯ ಮಾಡುತ್ತದೆ. ಬಬಲ್‌ಗ‌ಮ್‌ ಜಗಿಯುವುದರಿಂದ ಮುಖದ ಸ್ನಾಯುಗಳಿಗೆ ವ್ಯಾಯಾಮ ಸಿಕ್ಕಂತಾಗಿ, ಮುಖದ ಸೌಂದರ್ಯವೂ ಇಮ್ಮಡಿಸುತ್ತದಂತೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಬಟ್ಟೆಯ ಯಾವುದಾದರೂ ಒಂದು ಮೂಲೆ ಅಥವಾ ತುದಿಗೆ ದಾರ ಕಟ್ಟಿ, ಬಟ್ಟೆಯನ್ನು ಬಣ್ಣದಲ್ಲಿ ಅದ್ದಿದರೆ, ಬಟ್ಟೆ ಒಣಗಿದ ಬಳಿಕ, ಕಟ್ಟಿದ ಆ ದಾರವನ್ನು ತೆಗೆದಾಗ ಬಟ್ಟೆಯಲ್ಲಿ...

  • ಸ್ವಚ್ಛ ಭಾರತದ ಕೂಗು ಎಲ್ಲೆಡೆ ಎದ್ದಿರುವುದು ಗೊತ್ತೇ ಇದೆ. ಪ್ರಧಾನಿಯವರೇ ಪೊರಕೆ ಹಿಡಿದು ರಸ್ತೆಗಿಳಿದ ಮೇಲಂತೂ, ಎಲ್ಲರೂ ಸ್ವಚ್ಛತೆಯ ಜಪ ಮಾಡುತ್ತಿದ್ದಾರೆ....

  • "ಅಮ್ಮಾ, ತಲೆಯೊಳಗೆ ಏನೋ ಹರಿದಾಡಿದಂಗೆ ಆಗ್ತಾ ಇದೆ...' ಅಂತ ಮಗಳೇನಾದ್ರೂ ರಾಗ ಎಳೆದ್ರೆ ಅದನ್ನ ಕಡೆಗಣಿಸದೆ, ತಕ್ಷಣ ಕಾರ್ಯೋನ್ಮುಖರಾಗಿ. ಇಲ್ಲದಿದ್ದರೆ ಮಗಳ ತಲೆ...

  • "ಅತ್ತೆಗೊಂದು ಕಾಲ, ಸೊಸೆಗೊಂದು ಕಾಲ' ಎಂಬ ಗಾದೆಯಿದೆ. "ಸಾಸ್‌ ಭೀ ಕಭಿ ಬಹೂ ಥೀ' ಅಂತ ಹಿಂದಿಯಲ್ಲೂ ಹೇಳುತ್ತಾರೆ. ಎರಡರ ಅರ್ಥವೂ ಒಂದೇ! ಆದರೆ, ಸಂಬಂಧ ಸುಧಾರಿಸಲು...

  • ವಯಸ್ಸು ಆಗುತ್ತಾ ಹೋದರೂ ಚರ್ಮ ನೆರಿಗೆಗಟ್ಟಬಾರದು, ದೇಹಾಕೃತಿ ದಪ್ಪ ಆಗಬಾರದು. ಸದಾ ಸ್ಲಿಮ್‌ ಅಂಡ್‌ ಟ್ರಿಮ್‌ ಆಗಿರಬೇಕು ಎಂಬುದು ಎಲ್ಲ ಹೆಂಗಸರ ಆಸೆ. ಹಾಗಾದ್ರೆ,...

ಹೊಸ ಸೇರ್ಪಡೆ