ಹುಡ್ಗಿಗೆ ಶಿಳ್ಳೆ ಹೊಡಿಯೋಕೆ ಬರುತ್ತಾ?

ಸೀಟಿ ಸೀಟಿ ಸೀಟಿ ಎಲ್ಲೆಲ್ಲೂ ಹಾಡೈತೆ..!

Team Udayavani, Jun 5, 2019, 6:00 AM IST

ಒಂದು ಸಲ ಹಾಸ್ಟೆಲ್‌ನ ಬಚ್ಚಲು ಮನೆಯಲ್ಲಿ ಶಿಳ್ಳೆ ಹೊಡೆಯುತ್ತ ಸ್ನಾನ ಮಾಡುತ್ತಿರಬೇಕಾದರೆ, ಹೊರಗೆ ಸಾಲಿನಲ್ಲಿ ನಿಂತ ಕೆಲ ಹುಡುಗಿಯರು ನನ್ನನ್ನು ಪ್ರಶಂಸಿಸಿದ್ದರು. ಇನ್ನು ಕೆಲವರು, ಹಾಸ್ಟೆಲ್‌ ಲೀಡರ್‌ಗೆ ಕಂಪ್ಲೇಂಟ್‌ ಕೊಟ್ಟು ಅವಳನ್ನೂ ಅಲ್ಲಿಗೆ ಕರೆ ತಂದಿದ್ದರು! ಆಗ ನನಗೆ, ಶಿಳ್ಳೆ ಹೊಡೆಯುವುದು ನನ್ನ ಪ್ರತಿಭೆಯೋ ಅಥವಾ ಕೆಟ್ಟ ಚಾಳಿಯೋ ಎಂದು ಗೊಂದಲವಾಯ್ತು…

ಶಿಳ್ಳೆ ಹೊಡೆಯುವುದು ಎಂದೊಡನೆ, ಅಪಾರ್ಥ ಮಾಡಿಕೊಳ್ಳುವ ಜನರೇ ಹೆಚ್ಚು. ಶಿಳ್ಳೆ ಎಂಬುದು ಲೈಂಗಿಕ ಪ್ರಚೋದನೆಗೆ ಸಂಬಂಧಪಟ್ಟಿದ್ದು ಎಂಬ ಭಾವ ಮೂಡುತ್ತದೆ. ವ್ಯಕ್ತಿಯ ಮನೋಭಾವ ಕೊಂಚ ಮೇಲ್ಮಟ್ಟದ್ದಾದರೆ, ಸಿನಿಮಾ ಥಿಯೇಟರ್‌ನಲ್ಲಿ ನಾಯಕ/ನಾಯಕಿ ಎಂಟ್ರಿ ಆದಾಗ ಹೊಡೆಯುವ ಶಿಳ್ಳೆ ನೆನಪಾಗುತ್ತದೆ. ಆದರೆ, ಹುಡುಗಿಯೊಬ್ಬಳು ಶಿಳ್ಳೆ ಹೊಡೆಯುವುದನ್ನು ಅರಗಿಸಿಕೊಳ್ಳುವುದು ಸ್ವಲ್ಪ ಕಠಿಣವೇ ಸರಿ. ಆ ಹುಡುಗಿ ತುಂಬಾ “ಜೋರು’ ಎಂಬ ಪಟ್ಟವಂತೂ ಕಟ್ಟಿಟ್ಟ ಬುತ್ತಿ!

ಚಿಕ್ಕಂದಿನಿಂದಲೂ ನನಗೆ ಕೊಳಲು ಕಲಿಯಬೇಕೆಂಬ ಆಸೆ ಇತ್ತು. ಆದರೆ ಕಲಿಯುವ ಅವಕಾಶ ದೊರೆಯದೇ, ಆಸೆ ಎದೆಯಾಳದಲ್ಲಿ ಉಳಿಯಿತು. ಅದರ ಪ್ರತಿಫ‌ಲವಾಗಿ ನಾನು ಶಿಳ್ಳೆ ಹೊಡೆಯುವುದನ್ನು ಕಲಿತೆ. ಎಷ್ಟರ ಮಟ್ಟಿಗೆ ಎಂದರೆ, ಬಹುತೇಕ ಎಲ್ಲ ಹಾಡುಗಳನ್ನೂ ಅವುಗಳ ಧಾಟಿಯಲ್ಲೇ ಶಿಳ್ಳೆಯ ದನಿಯಲ್ಲೇ ಕೇಳಿಸಬಲ್ಲೆ.

ಒಂದು ಸಲ ಹಾಸ್ಟೆಲ್‌ನ ಬಚ್ಚಲು ಮನೆಯಲ್ಲಿ ಶಿಳ್ಳೆ ಹೊಡೆಯುತ್ತ ಸ್ನಾನ ಮಾಡುತ್ತಿರಬೇಕಾದರೆ, ಹೊರಗೆ ಸಾಲಿನಲ್ಲಿ ನಿಂತ ಕೆಲ ಹುಡುಗಿಯರು ನನ್ನನ್ನು ಪ್ರಶಂಸಿಸಿದ್ದರು. ಇನ್ನು ಕೆಲವರು, ಹಾಸ್ಟೆಲ್‌ ಲೀಡರ್‌ಗೆ ಕಂಪ್ಲೇಂಟ್‌ ಕೊಟ್ಟು ಅವಳನ್ನೂ ಅಲ್ಲಿಗೆ ಕರೆ ತಂದಿದ್ದರು! ಆಗ ನನಗೆ, ಶಿಳ್ಳೆ ಹೊಡೆಯುವುದು ನನ್ನ ಪ್ರತಿಭೆಯೋ ಅಥವಾ ಕೆಟ್ಟ ಚಾಳಿಯೋ ಎಂದು ಗೊಂದಲವಾಯ್ತು.

ಚಿಕ್ಕ ವಯಸ್ಸಿನಲ್ಲಿ ಶಿಳ್ಳೆ ಹೊಡೆಯುವುದನ್ನು ಕೇಳಿದ್ದ ಅಮ್ಮ ಏನೂ ತಕರಾರು ಎತ್ತಿರಲಿಲ್ಲ. ಬೆಳೀತಾ ಬೆಳೀತಾ ಹೆಚ್ಚು ಕಡಿಮೆ ಎಲ್ಲ ಸುಪ್ರಸಿದ್ಧ ಹಾಡುಗಳನ್ನು ಶಿಳ್ಳೆ ಹೊಡೆಯುವುದನ್ನು ಕಂಡು ಕೆಂಡಾಮಂಡಲರಾಗಿದ್ದರು. ಇವೆಲ್ಲ ಚಿಕ್ಕ ವಯಸ್ಸಿನಲ್ಲಷ್ಟೇ ಚಂದ ಎಂದು ಖಾರವಾಗಿ ಹೇಳಿದ್ದರು. ಬಹುತೇಕ ಎಲ್ಲ ಅಮ್ಮಂದಿರೂ ಹಾಗೇ ಹೇಳಿರುತ್ತಿದ್ದರು. ಇವೆರಡೂ ಘಟನೆಗಳಿಗೆ ವಿರುದ್ಧವಾದಂತೆ ನಡೆದ ಘಟನೆಯೆಂದರೆ, ಶಾಲೆಯಲ್ಲಿ¨ªಾಗ ಪಕ್ಷಿವೀಕ್ಷಣೆಗೆಂದು ಹೋದಾಗ, ಹಕ್ಕಿಗಳಂತೆ ಶಿಳ್ಳೆ ಹಾಕಿ ಗುರುಗಳಿಂದ ಶಹಬ್ಟಾಸ್‌ಗಿರಿ ಪಡೆದಿದ್ದು!

ಶಿಳ್ಳೆ ಹೊಮ್ಮಿಸುವುದರಿಂದ ಆರೋಗ್ಯಕ್ಕೂ ಲಾಭವಾಗುತ್ತದೆ ಅಂತ ಮಾತ್ರ ಇತ್ತೀಚೆಗೆ ತಿಳಿಯಿತು. ಅದೂ ವೈದ್ಯೆಯಾಗಿರುವ ಅಕ್ಕ ಹೇಳಿದಾಗಲೇ! ಆಕೆ ಹೇಳಿದಂತೆ, ಶಿಳ್ಳೆ ಹೊಡೆಯುವುದರಿಂದ ಏನೇನಾಗುತ್ತೆ ಗೊತ್ತಾ?

– ಇದು ಉಸಿರಾಟಕ್ಕೆ ಸಂಬಂಧಪಟ್ಟಿದ್ದರಿಂದ ಶ್ವಾಸಕೋಶಗಳ ಸಾಮರ್ಥ್ಯ ಹೆಚ್ಚುತ್ತದೆ.
– ಅತಿಯಾದ ಮಾನಸಿಕ ಒತ್ತಡವನ್ನು ಕಡಿಮೆ ಮಾಡಲು ಶಿಳ್ಳೆ ಹೊಡೆಯುವುದು ಒಂದು ಉತ್ತಮ ವಿಧಾನ.
– ಯೋಗ ಶಾಸ್ತ್ರದ ಪ್ರಕಾರ, ಶಿಳ್ಳೆ ಹೊಡೆಯುವುದರಿಂದ ವೇಗಸ್‌ ನರ್ವ್‌ ಸಿಸ್ಟಮ್‌ ಉತ್ತೇಜನಗೊಳ್ಳುತ್ತದೆ.
– ಶಿಳ್ಳೆ ಹೊಡೆಯುವಾಗ ಮುಖದ ಭಾಗವು ಕ್ರಿಯಾಶೀಲವಾಗುವುದರಿಂದ ಅಧಿಕ ಕೊಬ್ಬು ಕರಗಿ, ವ್ಯಕ್ತಿಯ ವಯಸ್ಸನ್ನು ಮರೆಮಾಚುತ್ತದೆ.
ಮತ್ತಿನ್ಯಾಕೆ ಅಂಜಿಕೆ? ನೀವೂ ಶಿಳ್ಳೆ ಹೊಡೆದುಬಿಡಿ…

ಅನುಪಮಾ ಕೆ. ಬೆಣಚಿನಮರ್ಡಿ

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಬಟ್ಟೆಯ ಯಾವುದಾದರೂ ಒಂದು ಮೂಲೆ ಅಥವಾ ತುದಿಗೆ ದಾರ ಕಟ್ಟಿ, ಬಟ್ಟೆಯನ್ನು ಬಣ್ಣದಲ್ಲಿ ಅದ್ದಿದರೆ, ಬಟ್ಟೆ ಒಣಗಿದ ಬಳಿಕ, ಕಟ್ಟಿದ ಆ ದಾರವನ್ನು ತೆಗೆದಾಗ ಬಟ್ಟೆಯಲ್ಲಿ...

  • ಸ್ವಚ್ಛ ಭಾರತದ ಕೂಗು ಎಲ್ಲೆಡೆ ಎದ್ದಿರುವುದು ಗೊತ್ತೇ ಇದೆ. ಪ್ರಧಾನಿಯವರೇ ಪೊರಕೆ ಹಿಡಿದು ರಸ್ತೆಗಿಳಿದ ಮೇಲಂತೂ, ಎಲ್ಲರೂ ಸ್ವಚ್ಛತೆಯ ಜಪ ಮಾಡುತ್ತಿದ್ದಾರೆ....

  • "ಅಮ್ಮಾ, ತಲೆಯೊಳಗೆ ಏನೋ ಹರಿದಾಡಿದಂಗೆ ಆಗ್ತಾ ಇದೆ...' ಅಂತ ಮಗಳೇನಾದ್ರೂ ರಾಗ ಎಳೆದ್ರೆ ಅದನ್ನ ಕಡೆಗಣಿಸದೆ, ತಕ್ಷಣ ಕಾರ್ಯೋನ್ಮುಖರಾಗಿ. ಇಲ್ಲದಿದ್ದರೆ ಮಗಳ ತಲೆ...

  • "ಅತ್ತೆಗೊಂದು ಕಾಲ, ಸೊಸೆಗೊಂದು ಕಾಲ' ಎಂಬ ಗಾದೆಯಿದೆ. "ಸಾಸ್‌ ಭೀ ಕಭಿ ಬಹೂ ಥೀ' ಅಂತ ಹಿಂದಿಯಲ್ಲೂ ಹೇಳುತ್ತಾರೆ. ಎರಡರ ಅರ್ಥವೂ ಒಂದೇ! ಆದರೆ, ಸಂಬಂಧ ಸುಧಾರಿಸಲು...

  • ವಯಸ್ಸು ಆಗುತ್ತಾ ಹೋದರೂ ಚರ್ಮ ನೆರಿಗೆಗಟ್ಟಬಾರದು, ದೇಹಾಕೃತಿ ದಪ್ಪ ಆಗಬಾರದು. ಸದಾ ಸ್ಲಿಮ್‌ ಅಂಡ್‌ ಟ್ರಿಮ್‌ ಆಗಿರಬೇಕು ಎಂಬುದು ಎಲ್ಲ ಹೆಂಗಸರ ಆಸೆ. ಹಾಗಾದ್ರೆ,...

ಹೊಸ ಸೇರ್ಪಡೆ