ಮೊತ್ತ ಮೊದಲ ಸಂ-ಭಾವನೆಯ ಸಂಭ್ರಮ

Team Udayavani, Jun 14, 2019, 5:44 AM IST

ಸಾಂದರ್ಭಿಕ ಚಿತ್ರ

ಹಾ! ನನ್ನ ಮೊದಲ ಸಂಭಾವನೆ. ಎಲ್ಲರಿಗೂ ಅವರ ಜೀವನದ ಮೊದಲ ಸಂಭಾವನೆ ಅಂದರೆ ಏನೋ ಒಂದು ಆತ್ಮೀಯ ಭಾವ. ಅದು ಮೊತ್ತದ ಮೇಲೆ ಬಿಂಬಿತವಾಗುವುದಿಲ್ಲ. ಎಷ್ಟೇ ಆಗಿರಲಿ, ಅದು ತನ್ನ ಮೊದಲ ಸಂಭಾವನೆ ಅಷ್ಟೇ. ಅದು ಬಿಟ್ಟು ಮತಾöವ ಚಿಂತನೆಯಿಲ್ಲ. ತಾನು ದುಡಿದ ಅಥವಾ ತನಗೆ ದೊರೆತ ಸಂಭಾವನೆಯ ಮುಂದೆ ಬೇರೆ ಯಾವ ಕಾಸೂ ಗಣನೆಗೆ ಬರಲ್ಲ. ಅದಕ್ಕಿರುವ ಗೌರವವೇ ಬೇರೆ ! ಈಗ ನಾನು ಮಾತಾಡಹೊರಟಿರುವುದು ಇದರ ಬಗ್ಗೆಯೇ. ಇದು ನನ್ನ ಮೊದಲ ಬರಹದ ಸಂಭಾವನೆ ದೊರೆತ ಘಟನೆ.

ಅಂದು ಪ್ರಾಯೋಗಿಕ ತರಗತಿ ಮುಗಿದ ನಂತರದ ಉಪನ್ಯಾಸವಿತ್ತು. ಹೊಟ್ಟೆ ಬೇರೆ ಚುರ್ರೆನ್ನಿಸುತ್ತಿತ್ತು. ಲ್ಯಾಬ್‌ನ ನಂತರ ತರಗತಿಗೆ ಹೊಂದಿಕೊಳ್ಳಲು ಕೊಂಚ ಸಮಯಾವಕಾಶವಿತ್ತು. ನಂತರ ಪಾಠ ಶುರು. ಆಗ ಒಮ್ಮೆಲೇ ಉಪನ್ಯಾಸಕರು ನನ್ನ ಹೆಸರು ಕರೆದರು. ನನ್ನ ಎದೆ ಝಲ್ಲೆನಿಸಿತು. ಮನದಲ್ಲೇ ನನ್ನ ಹೆಸರು ಯಾಕಪ್ಪ ಕರೆದ್ರು ಅಂತ ಯೋಚಿಸುವಾಗಲೇ “ಕೆಳಗೆ ರಿಸೆಪ್ಶನ್‌ಗೆ ಹೋಗು’ ಎನ್ನುವ ಮಾತು ಹೊರಬಂತು. ಮೊದಲೇ ಝಲ್ಲೆಂದಿದ್ದ ಎದೆಗೆ ಸಾವರಿಸಲು ಇನ್ನಷ್ಟು ಸಮಯ ತಗಲಿತು. ತಲೆಯಲ್ಲಿ ನೂರಾರು ತುಮುಲ-ಗೊಂದಲಗಳು. ನಾನೇನು ತಪ್ಪು ಮಾಡಿದ್ದೇನೆಯೆ ಅಥವಾ ನನಗೆ ಯಾವುದಾದರೂ ವಿದ್ಯಾರ್ಥಿವೇತನ ಬಂದಿದೆಯೆ? ಬರಬೇಕಾದದ್ದೆಲ್ಲ ಬಂದಾಗಿದೆ, ಮತ್ತಿನ್ನೇನು ಇರಬಹುದು ಎಂದು ಎರಡನೇ ಮಹಡಿಯಿಂದ ಮೆಟ್ಟಿಲಿಳಿದು ಕೆಳ ಮಹಡಿಗೆ ಬರುವ ತನಕ ಎದೆ ಜೋರಾಗಿ ಢವಢವ ಅಂತ ಬಡಿದುಕೊಳ್ಳುತ್ತಾ ಇತ್ತು. ಅಲ್ಲಿ ಹೋದ ಮೇಲೆ, “ನೀನಾ ಪ್ರೇಕ್ಷಾ” ಅಂತ ಕೇಳಿದರು.

“ಹಾ” ಅಂತ ತಲೆ ಅಲ್ಲಾಡಿಸಿದೆ. “ನಿನಗೊಂದು ಪತ್ರ ಬಂದಿದೆ’ ಅಂತ ಕೈಗಿತ್ತರು. ತೆರೆದು ನೋಡಿದೆ. ಉದಯವಾಣಿಯವರ ಪತ್ರ. ಕುಣಿದಾಡುವಷ್ಟು ಅತೀವ ಖುಷಿಯಾಯಿತು. ಎಷ್ಟಿದರೂ ಅದು ನನ್ನ ಮೊದಲ ಲೇಖನಕ್ಕೆ ಸಂದ ಸಂಭಾವನೆ ಅಲ್ಲವೆ! ಮೆಟ್ಟಿಲು ಹತ್ತಿ ಕ್ಲಾಸ್‌ ರೂಮ್‌ಗೆ ಬಂದು ಗೆಳತಿಯ ಬಳಿ ಹೇಳಿಕೊಂಡು ಸಂಭ್ರಮಿಸಿದೆ. ನನ್ನ ಮೊದಲ ಸಂಭಾವನೆ ನನ್ನನ್ನು ಮುಂದೆಯೂ ಹೀಗೆಯೇ ಬರವಣಿಗೆಯಲ್ಲಿ ತೊಡಗಿಕೊಳ್ಳಲು ಪ್ರೋತ್ಸಾಹ ನೀಡಿದೆ!

– ಪ್ರೇಕ್ಷಾ
ದ್ವಿತೀಯ ಬಿಇ ಶ್ರೀ ಮಧ್ವ ವಾದಿರಾಜ ಇನ್‌ಸ್ಟಿಟ್ಯೂಟ್‌ ಆಫ್ ಟೆಕ್ನಾಲಜಿ, ಬಂಟಕಲ್‌, ಉಡುಪಿ

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

  • ಪ್ರೇಮವೆಂದರೆ ದಿನವೂ ಸಂಭ್ರಮ. "ಅಚ್ಚಾಗಿದೆ ಎದೆಯಲಿ ನಿನ್ನದೇ ಹಸಿಬಿಸಿ ಸಂದೇಶ' ಎನ್ನುತ್ತ ಪಿಸುಗುಡುವ ಪ್ರೇಮಿಗಳಿಗೆ ವ್ಯಾಲೆಂಟೈನ್ಸ್‌ ಡೇ ಒಂದು ನೆಪ. ಮನುಷ್ಯನ...

  • ಹೂವು ಅರಳುವ ಕ್ಷಣವನ್ನು ಪತ್ತೆ ಹಚ್ಚಿಯೇ ತೀರುತ್ತೇನೆ ಎಂದುಕೊಂಡು, ಕುತೂಹಲಿಯೊಬ್ಬ ರಾತ್ರಿಯಿಡೀ ಎಚ್ಚರವಿದ್ದನಂತೆ. ಆದರೆ, ಹೂವಾದರೂ ಸ್ವಿಚ್‌ ಅದುಮಿದಾಗ...

  • ಅಂಗೈಗೆ ಮೊಬೈಲ್‌ ಎಂಬ ಸಂಗಾತಿ ಬಂದ ಬಳಿಕ, ಪ್ರೀತಿ ಪ್ರೇಮ ಪ್ರಣಯದ ವರಸೆಯೇ ಬದಲಾಗಿದೆಯೆ? ಅದರಲ್ಲೇನು ವಿಶೇಷ ಎಂದು ಪ್ರಶ್ನಿಸುತ್ತಾರೆ, ಹೊಸತಲೆಮಾರಿನ ಪ್ರೇಮಿಗಳು....

  • ಖಾಲಿ ಜೀವನದಲ್ಲಿ ಕವಿತೆಗಳು ಬೇಗನೇ ಹುಟ್ಟಿಕೊಳ್ಳುತ್ತವೆ ಎನ್ನುವ ಮಾತುಂಟು. ಇದನ್ನು ಎರಡು ರೀತಿಯಲ್ಲಿ ಅರ್ಥೈಸಿಕೊಳ್ಳಬಹುದು. ಒಂದು ಇನ್ನೂ ಹಸಿಯಾದ ತಿಳಿ...

  • ಮಗುವೊಂದು ಓಡಾಡುತ್ತಿದ್ದರೆ ಮನೆಯಲ್ಲಿ ಸಂತಸದ ಹೊನಲೇ ಹರಿಯುತ್ತಿರುತ್ತದೆ. ಇನ್ನು ಅವಳಿ ಮಕ್ಕಳು ಹುಟ್ಟಿದರೆ ಪ್ರತಿದಿನವೂ ಹಬ್ಬದಂತೆ. ಇಬ್ಬರು ಮಕ್ಕಳನ್ನು...

ಹೊಸ ಸೇರ್ಪಡೆ