Udayavni Special

ಗಿವ್‌ ಮಿ “ರೆಡ್‌’ಮಿ


Team Udayavani, Jul 8, 2019, 5:00 AM IST

n-10

ಹೊಚ್ಚ ಹೊಸ ಬಜೆಟ್‌ ಫೋನ್‌ ರೆಡ್‌ಮಿ 7ಎ

ಭಾರತದಲ್ಲಿ ಕಡಿಮೆ ಬೆಲೆಗೆ ಉತ್ತಮ ಸವಲತ್ತುಗಳನ್ನು ನೀಡಿ ಜನಪ್ರಿಯತೆ ಗಳಿಸಿದ ಶಿಯೋಮಿ ಕಂಪೆನಿ, ರೆಡ್‌ಮಿ 7ಎ ಎಂಬ ಹೊಸ ಆರಂಭಿಕ ದರ್ಜೆಯ ಸ್ಮಾರ್ಟ್‌ಫೋನನ್ನು ಬಿಡುಗಡೆ ಮಾಡಿದೆ. ಸ್ನಾಪ್‌ಡ್ರಾಗನ್‌ 439 ಎಂಟು ಕೋರ್‌ಗಳ ಪ್ರೊಸೆಸರ್‌ ಉಳ್ಳ, ಇದು 12 ಮೆಪಿ. ಸೋನಿ ಕ್ಯಾಮರಾ ಹೊಂದಿದೆ. ಇದರ ದರ 5,799 ರೂ. ಮತ್ತು 5,999 ರೂ.

ಇಂದು ಮೊಬೈಲ್‌ ಫೋನ್‌ ಎಂಬುದು ಲಕ್ಸುರಿಯಾಗಿ ಉಳಿದಿಲ್ಲ. ಕೀಪ್ಯಾಡ್‌ ಫೋನ್‌ ಬಳಸುತ್ತಿದ್ದವರೂ ಈಗ ಸ್ಮಾರ್ಟ್‌ ಫೋನ್‌ಗಳನ್ನು ಕೊಳ್ಳುತ್ತಿದ್ದಾರೆ. ಎಷ್ಟೋ ಜನರು ಮೊಬೈಲ್‌ ಫೋನ್‌ಗಳಲ್ಲಿರುವ ತಾಂತ್ರಿಕ ಸೌಲಭ್ಯಗಳಿಗೆ ಹೋಲಿಸಿದರೆ ಹೆಚ್ಚು ಬೆಲೆ ತೆತ್ತು ಕಡಿಮೆ ಗುಣವಿಶೇಷಗಳುಳ್ಳ ಫೋನ್‌ಗಳನ್ನು ಕೊಂಡು ಬಿಡುತ್ತಾರೆ. ಅವರಿಗದರ ಬಗ್ಗೆ ಗೊತ್ತಿರುವುದಿಲ್ಲ. ಕೆಲವರಿಗೆ ಕರೆ ಮಾಡಲು, ವಾಟ್ಸಪ್‌, ಫೇಸ್‌ಬುಕ್‌ ನೋಡಲು ಒಂದು ಸಾಧಾರಣ ಮೊಬೈಲ್‌ ಬೇಕಿರುತ್ತದೆ. ಕೆಲವು ದುಬಾರಿ ಕಂಪೆನಿಗಳು, 2 ಜಿಬಿ ರ್ಯಾಮ್‌ ಉಳ್ಳ ಫೋನ್‌ಗಳನ್ನೇ 10 ಸಾವಿರ ದರಕ್ಕೆ ಮಾರುತ್ತವೆ. ಅದರಲ್ಲಿ ಎಷ್ಟು ರ್ಯಾಮ್‌, ಎಷ್ಟು ಆಂತರಿಕ ಸಂಗ್ರಹ ಇದೆ ಎಂದು ತಿಳಿಯದೆಯೇ 10-12 ಸಾವಿರಕ್ಕೆ 2 ಜಿಬಿ ರ್ಯಾಮ್‌ ಫೋನ್‌ ಕೊಂಡಿರುವುದನ್ನು ನೋಡಿದ್ದೇನೆ.

ಇಂಥ ಗ್ರಾಹಕರನ್ನು ಗಮನದಲ್ಲಿಟ್ಟುಕೊಂಡು ಶಿಯೋಮಿ ಕಂಪೆನಿ ಹಲವಾರು ಫೋನ್‌ಗಳನ್ನು ಹೊರತರುತ್ತಲೇ ಇದೆ. ಅದರ ಎ ಸರಣಿಯ ಫೋನ್‌ಗಳು ಕಡಿಮೆ ಬೆಲೆಯವು. ಪ್ರತಿಯೊಂದು ಹೊಸ ಮಾದರಿ ಬಂದಾಗ ಹೊಸ ವಿಶೇಷಗಳು ಇನ್ನಷ್ಟು ಹೊಸ ಸೌಲಭ್ಯಗಳನ್ನು ಕಂಪೆನಿ ನೀಡುತ್ತಿದೆ. ಅದರ 3ಎ, 4ಎ,5ಎ, 6ಎ ಸರಣಿಯ ಫೋನ್‌ಗಳು ಕಡಿಮೆ ದರದ ಫೋನ್‌ಗಳನ್ನು ಬಯಸುವ ಗ್ರಾಹಕರನ್ನು ದೃಷ್ಟಿಯಲ್ಲಿಟ್ಟುಕೊಂಡೇ ತಯಾರಿಸಿರುವಂಥವು. ಈ ಸರಣಿಗೆ ಇನ್ನೊಂದು ನೂತನ ಸ್ಮಾರ್ಟ್‌ಫೋನನ್ನು ಶಿಯೋಮಿ ತನ್ನ ರೆಡ್‌ಮಿ ಬ್ರಾಂಡ್‌ ಅಡಿಯಲ್ಲಿ ಕಳೆದ ಗುರುವಾರವಷ್ಟೇ ಭಾರತದಲ್ಲಿ ಬಿಡುಗಡೆ ಮಾಡಿದೆ. 2ಜಿ.ಬಿ ರ್ಯಾಮ್‌ 16 ಜಿಬಿ ಆಂತರಿಕ ಸಂಗ್ರಹದ ಫೋನಿನ ದರ 5,799 ರೂ., 2ಜಿಬಿ ರ್ಯಾಮ್‌, 32 ಜಿಬಿ ಆಂತರಿಕ ಸಂಗ್ರಹದ ಆವೃತ್ತಿಯ ಬೆಲೆ 5,999 ರೂ.ಗಳು!

ಪವರ್‌ಫ‌ುಲ್‌ ಸ್ನಾಪ್‌ಡ್ರ್ಯಾಗನ್‌
ಇಷ್ಟು ಕಡಿಮೆ ಬೆಲೆಗೆ ಕೊಡುವಾಗ ಒಂದು ಮಟ್ಟಕ್ಕೆ ತೃಪ್ತಿಕರವಾದ ತಾಂತ್ರಿಕ ಸವಲತ್ತುಗಳನ್ನೇ ರೆಡ್‌ ಮಿ ನೀಡಿದೆ. ಮೊದಲಿಗೆ ಈ ದರಕ್ಕೆ ಕ್ವಾಲ್‌ಕಾಂ ಸ್ನಾಪ್‌ಡ್ರಾಗನ್‌ 439 ಪ್ರೊಸೆಸೆರ್‌ ನೀಡಿದೆ! ನಿಮಗೆ ಗೊತ್ತಿರಬಹುದು. ಮೊಬೈಲ್‌ನ ಮಿದುಳಾದ ಪ್ರೊಸೆಸರ್‌ಗಳಲ್ಲಿ ಸ್ನಾಪ್‌ಡ್ರಾಗನ್‌ ಕಂಪೆನಿಗೆ ಉನ್ನತ ಸ್ಥಾನವಿದೆ. ಕೆಲವು ಕಂಪೆನಿಗಳು ಈ ಕಂಪೆನಿಯ ಪ್ರೊಸೆಸರ್‌ಗಳನ್ನು 15 ಸಾವಿರದ ಮೊಬೈಲ್‌ಗ‌ಳಲ್ಲೂ ಸಹ ನೀಡುವುದಿಲ್ಲ. ಯಾಕೆಂದರೆ, ಇದರ ದರ ಉಳಿದ ಪ್ರೊಸೆಸರ್‌ಗಿಂತ ಹೆಚ್ಚು. ಇನ್ನೊಂದು ವಿಶೇಷವೆಂದರೆ ಈ ಕನಿಷ್ಟ ದರ ಪಟ್ಟಿಯಲ್ಲಿ ಇದುವರೆಗೆ 4 ಕೋರ್‌ಗಳ ಪ್ರೊಸೆಸರ್‌ ಅಷ್ಟೇ ನೀಡಲಾಗುತ್ತಿತ್ತು. ಇದು ಎಂಟು ಕೋರ್‌ಗಳ ಪ್ರೊಸೆಸರ್‌! ಅಂದರೆ 4 ಕೋರ್‌ಗಳಿಗಿಂತ ಎರಡು ಪಟ್ಟು ವೇಗದಲ್ಲಿ ಕೆಲಸ ಮಾಡುತ್ತದೆ. 2 ಗಿಗಾ ಹಟ್ಜ್ ವೇಗ ಹೊಂದಿದೆ.

ಸೂಪರ್‌ ಪರದೆ
ಈ ದರದ ಫೋನ್‌ಗಳಲ್ಲಿ ಇನ್ನೂ ಅಂಡ್ರಾಯ್ಡ 9 ಪೀ ಆವೃತ್ತಿ ನೀಡಿರಲಿಲ್ಲ. ಇದರಲ್ಲಿ ಅಂಡ್ರಾಯ್ಡ 9 ಪೀ ಕಾರ್ಯಾಚರಣೆ ವ್ಯವಸ್ಥೆ ಇದೆ. ಇದಕ್ಕೆ ಎಂಐ ಯೂಸರ್‌ ಇಂಟರ್‌ಫೇಸ್‌ ನೀಡಲಾಗಿದೆ. ಎರಡು ಸಿಮ್‌ಗಳನ್ನೂ 4ಜಿ ಬಳಸಬಹುದು. ಅಲ್ಲದೇ 256ಜಿಬಿವರೆಗೂ ಮೆಮೊರಿ ಕಾರ್ಡ್‌ ಹಾಕಲು ಪ್ರತ್ಯೇಕ ಸ್ಲಾಟ್‌ ನೀಡಲಾಗಿದೆ. (2 ಸಿಮ್‌ ಪ್ಲಸ್‌ ಮೆಮೊರಿ ಕಾರ್ಡ್‌) 5.45 ಇಂಚಿನ ಐಪಿಎಸ್‌ ಎಲ್‌ಸಿಡಿ ಪರದೆ ಹೊಂದಿದೆ. ಎಚ್‌ಡಿ ಪ್ಲಸ್‌ ಅಂದರೆ 720*1440 ಪಿಕ್ಸಲ್‌ಗ‌ಳು. 295 ಪಿಪಿಐ, ಪರದೆಯ ಅನುಪಾತ 18.9 ಇದೆ. ಮೊಬೈಲ್‌ನಲ್ಲಿ ಎಫ್ ಎಂ ರೇಡಿಯೋ ಆಲಿಸುವವರಿಗೆ ಒಂದು ಅಡಚಣೆ ಎಂದರೆ ಇಯರ್‌ಫೋನ್‌ ಹಾಕಿರಲೇಬೇಕು. ಆದರೆ ಈ ಮೊಬೈಲ್‌ನಲ್ಲಿ ವೈರ್‌ಲೆಸ್‌ ಎಫ್.ಎಂ. ಸೌಲಭ್ಯ ನೀಡಲಾಗಿದೆ. ಇದಕ್ಕೆ ಬೆರಳಚ್ಚು ಸ್ಕ್ಯಾನರ್‌ ಇಲ್ಲ. ಆದರೆ ಫೇಸ್‌ ಅನ್‌ಲಾಕ್‌ ಫೀಚರ್‌ ಇದೆ. ಮೊಬೈಲ್‌ ದೇಹ ಲೋಹದ್ದಲ್ಲ. ಪಾಲಿಕಾಬೊನೇಟ್‌ (ಪ್ಲಾಸ್ಟಿಕ್‌)ನದ್ದು.

ಜಬರ್‌ದಸ್ತ್ ಬ್ಯಾಟರಿ
ಇದು 4000 ಎಂಎಎಚ್‌ ಸಾಮರ್ಥ್ಯದ ಜಬರ್‌ದಸ್ತ್ ಬ್ಯಾಟರಿ ಹೊಂದಿದೆ. ಇದು ಆರಂಭಿಕ ದರ್ಜೆಯ ಫೋನ್‌ ಆಗಿರುವುದರಿಂದ 4000 ಎಂಎಎಚ್‌ ಬ್ಯಾಟರಿ ಹೆಚ್ಚು ಬಾಳಿಕೆ ಬರುತ್ತದೆ. ಸಾಧಾರಣ ಬಳಕೆದಾರರಿಗೆ ಒಂದೂವರೆ ದಿನದಿಂದ ಎರಡು ದಿನ ಬ್ಯಾಟರಿ ದೊರಕುತ್ತದೆ.

165 ಗ್ರಾಂ ತೂಕವಿದ್ದು, 70.4 ಎಂ.ಎಂ. ಅಗಲ, 146 ಎಂ.ಎಂ. ಎತ್ತರ, 9.55 ಎಂ.ಎಂ. ದಪ್ಪ ಹೊಂದಿದೆ. ಇದರ ಖಅR() ವ್ಯಾಲ್ಯೂ ಕಡಿಮೆ ಇರುವುದು ಸಮಾಧಾನಕರ. ತಲೆಯ ಖಅR ಮೌಲ್ಯ 0.744ವ್ಯಾಟ್ಸ್‌/ಕೆಜಿ, ದೇಹದ ಖಅR ಮೌಲ್ಯ 0.785 ವ್ಯಾಟ್ಸ್‌/ಕೆ.ಜಿ. ಇದೆ. ಭಾರತದಲ್ಲಿ ಖಅR ಮೌಲ್ಯ 1.6ವ್ಯಾಟ್ಸ್‌/ಕೆಜಿ. ಮೀರುವಂತಿಲ್ಲ.

ಎರಡು ವರ್ಷ ವಾರೆಂಟಿ
ಸಾಮಾನ್ಯವಾಗಿ ಮೊಬೈಲ್‌ ಫೋನ್‌ಗಳಿಗೆ ಒಂದು ವರ್ಷ ವಾರಂಟಿ ನೀಡಲಾಗುತ್ತದೆ. ಈ ಮಾದರಿಗೆ ಎರಡು ವರ್ಷಗಳ ವಾರಂಟಿಯನ್ನು ರೆಡ್‌ಮಿ ನೀಡಿರುವುದು ವಿಶೇಷ. ಈ ಮೊಬೈಲ್‌ ಕಪ್ಪು, ನೀಲಿ ಮತ್ತು ಚಿನ್ನದ ಬಣ್ಣಗಳಲ್ಲಿ ದೊರಕುತ್ತದೆ. ಜುಲೈ 11 ರಿಂದ ಫ್ಲಿಪ್‌ಕಾರ್ಟ್‌, ಮಿ.ಕಾಂ, ಮಿ ಸ್ಟೋರ್‌ಗಳಲ್ಲಿ ದೊರಕುತ್ತದೆ. ಕೀ ಪ್ಯಾಡ್‌ ಫೋನ್‌ಗಿಂತ ತುಸು ಮುಂದಕ್ಕೆ ಹೋಗಬೇಕು. ಬೆಲೆ 5-6 ಸಾವಿರ ಇರಬೇಕು ಎನ್ನುವಂಥವರಿಗೆ ಇದು ಉತ್ತಮ ಆಯ್ಕೆ ಎನ್ನಬಹುದು.

ಅಐ- ಅತಿ ಶೀಘ್ರದಲ್ಲಿ…
ಸೋನಿ ಐಎಂಎಕ್ಸ್‌ 486 ಕ್ಯಾಮರಾ ನೀಡಲಾಗಿದೆ. ಹಿಂಬದಿಗೆ 12 ಮೆಗಾ ಪಿಕ್ಸಲ್‌ ಹಾಗೂ ಸೆಲ್ಫಿಗೆ 5 ಮೆಗಾಪಿಕ್ಸಲ್‌ ಕ್ಯಾಮರಾ ಇದೆ. ಹಿಂಬದಿ ಕ್ಯಾಮರಾಕ್ಕೆ ಎಲ್‌ಇಡಿ ಫ್ಲಾಶ್‌ ಕೂಡ ಇದೆ. ಕ್ಯಾಮರಾ ಆನ್‌ ಮಾಡಿದಾಗ ಆಯಾ ಸನ್ನಿವೇಶಕ್ಕೆ ಹೊಂದಿಕೊಳ್ಳುವ ಕೃತಕ ಬುದ್ದಿಮತ್ತೆ ಎಐ(ಆರ್ಟಿಫಿಷಿಯಲ್‌ ಇಂಟೆಲಿಜೆನ್ಸ್‌) ಡಿಟೆಕ್ಷನ್‌ ಸವಲತ್ತನ್ನು ಮುಂದಿನ ಸಾಫ್ಟ್ವೇರ್‌ ಅಪ್‌ಡೇಟ್‌ ಸಮಯದಲ್ಲಿ ನೀಡಲಾಗುವುದೆಂದು ಕಂಪೆನಿ ತಿಳಿಸಿದೆ.

ಕೆ.ಎಸ್‌. ಬನಶಂಕರ ಆರಾಧ್ಯ

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ಅನಧಿಕೃತ ಹತ್ತಿಬೀಜ ದಾಸ್ತಾನು ಮೇಲೆ ದಾಳಿ: 2 ಕೋಟಿಗೂ ಅಧಿಕ ಮೌಲ್ಯದ ಹತ್ತಿ ಬೀಜ ಜಪ್ತಿ

ಅನಧಿಕೃತ ಹತ್ತಿಬೀಜ ದಾಸ್ತಾನು ಮೇಲೆ ದಾಳಿ: 2 ಕೋಟಿಗೂ ಅಧಿಕ ಮೌಲ್ಯದ ಹತ್ತಿ ಬೀಜ ಜಪ್ತಿ

ವಲಸೆ ಕಾರ್ಮಿಕರ ಮಕ್ಕಳಿಗೆ ಇದ್ದಲ್ಲಿಯೇ ಪರೀಕ್ಷೆ ಬರೆಯಲು ಅವಕಾಶ

ವಲಸೆ ಕಾರ್ಮಿಕರ ಮಕ್ಕಳಿಗೆ ಇದ್ದಲ್ಲಿಯೇ ಪರೀಕ್ಷೆ ಬರೆಯಲು ಅವಕಾಶ

ಬೀದರ್ ಜಿಲ್ಲೆಯಲ್ಲಿ ಕೋವಿಡ್ ಗೆ ಐದನೇ ಬಲಿ

ಬೀದರ್ ಜಿಲ್ಲೆಯಲ್ಲಿ ಕೋವಿಡ್ ಗೆ ಐದನೇ ಬಲಿ

ಸ್ಪೀಕರ್‌ ವಿರುದ್ಧ ಹಕ್ಕು ಚ್ಯುತಿ ಮಂಗಳವಾರ ನಿರ್ಧಾರ: ಎಚ್‌.ಕೆ. ಪಾಟೀಲ್‌

ಸ್ಪೀಕರ್‌ ವಿರುದ್ಧ ಹಕ್ಕು ಚ್ಯುತಿ ಮಂಗಳವಾರ ನಿರ್ಧಾರ: ಎಚ್‌.ಕೆ. ಪಾಟೀಲ್‌

ಅನಿವಾಸಿ ಕನ್ನಡಿಗರಿಗೆ ವಿಮಾನ ಸೇವೆ ಕಲ್ಪಿಸಲು ಸಿದ್ದರಾಮಯ್ಯ ಪತ್ರ

ಅನಿವಾಸಿ ಕನ್ನಡಿಗರಿಗೆ ವಿಮಾನ ಸೇವೆ ಕಲ್ಪಿಸಲು ಸಿದ್ದರಾಮಯ್ಯ ಪತ್ರ

ಮದುವೆಗೂ ಮುನ್ನ ಅಪ್ಪನಾಗುತ್ತಿರುವ ಹಾರ್ದಿಕ್‌ ಪಾಂಡ್ಯಾ  

ಮದುವೆಗೂ ಮುನ್ನ ಅಪ್ಪನಾಗುತ್ತಿರುವ ಹಾರ್ದಿಕ್‌ ಪಾಂಡ್ಯ

suresh-kumar

ಮಕ್ಕಳ ಸುರಕ್ಷತೆ, ಆತ್ಮವಿಶ್ವಾಸಕ್ಕೆ  ಮೊದಲ ಆದ್ಯತೆ: ಸುರೇಶ್‌ ಕುಮಾರ್‌

ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

reela reallla

ರೀಲಾ, ರಿಯಲ್ಲಾ?: ರಿಯಲ್‌ ಎಸ್ಟೇಟ್‌ ಸ್ಥಿತಿಗತಿ

tenta-banta

ತೆಂತಾ ಬಂತಾ?

score-yesht

ಸ್ಕೋರ್‌ ಎಷ್ಟಾಯ್ತು?

dablu s

ಸೂಪರ್‌ ಟ್ರೈಬರ್‌: ಲಾಕ್‌ಡೌನ್‌ ನಡುವೆಯೇ ರಿಲೀಸ್‌ ಆಯ್ತು ಕಾರು!

lat fan

ಮಡಚುವ ಫ್ಯಾನ್‌!

MUST WATCH

udayavani youtube

COVID-19 : ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುವ Homeopathy Medicine | Udayavani

udayavani youtube

Preserving the heritage -World Famous Udupi Mattugulla Documentary by Udayavani

udayavani youtube

Mattu ಗದ್ದೆಯಲ್ಲಿ ಕೃಷಿಯ ಆಟಕ್ಕಿಳಿದ Football ಆಟಗಾರ Yashodara

udayavani youtube

ಪಶುಸಂಗೋಪನೆಯಲ್ಲಿ ಯಶಸ್ವಿಯಾದ Uttam Agro Industries Poultry Farming Success Story

udayavani youtube

ಈ ಮನೆಯಲ್ಲಿದೆ ಬೀದಿನಾಯಿಗಳಿಗೆ ಪ್ರೀತಿಯ ಆಸರೆ | Udayvani

ಹೊಸ ಸೇರ್ಪಡೆ

ಶ್ರೀಮಂತನಷ್ಟೇ ಅಲ್ಲ ಉದಾರಿ ಬಿಲ್‌ಗೇಟ್ಸ್‌ ; ಅರ್ಧದಲ್ಲೇ ಶಾಲೆ ಬಿಟ್ಟವ, ಸಾಧಕನಾದ

ಶ್ರೀಮಂತನಷ್ಟೇ ಅಲ್ಲ ಉದಾರಿ ಬಿಲ್‌ಗೇಟ್ಸ್‌ ; ಅರ್ಧದಲ್ಲೇ ಶಾಲೆ ಬಿಟ್ಟವ, ಸಾಧಕನಾದ

ಸ್ಫೂರ್ತಿ – ಅದು ನಿರಂತರ ಬೆಳೆಯುವ ಭತ್ತವಿದ್ದಂತೆ

ಸ್ಫೂರ್ತಿ – ಅದು ನಿರಂತರ ಬೆಳೆಯುವ ಭತ್ತವಿದ್ದಂತೆ

ಮಕ್ಕಳಲ್ಲಿ ಏಳಿಗೆಯನ್ನು ಕಾಣುವ ಇವರು ನನ್ನ ಆದರ್ಶ ಗುರು

ಮಕ್ಕಳಲ್ಲಿ ಏಳಿಗೆಯನ್ನು ಕಾಣುವ ಇವರು ನನ್ನ ಆದರ್ಶ ಗುರು

ಆಕಾಶಕ್ಕೆ ಏಣಿ: ಬದುಕೆಂಬ ತಿರುವು – ಮುರುವಿನ ಹಾದಿ

ಆಕಾಶಕ್ಕೆ ಏಣಿ: ಬದುಕೆಂಬ ತಿರುವು – ಮುರುವಿನ ಹಾದಿ

ಸಾಧನೆಗೆ ಅಂಕಗಳೇ ಮಾನದಂಡವಾಗದಿರಲಿ

ಸಾಧನೆಗೆ ಅಂಕಗಳೇ ಮಾನದಂಡವಾಗದಿರಲಿ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.