Udayavni Special

ಔಷಧೀಯ ಗುಣದ ಸ್ವಾತಿ ಮಳೆ

ಸ್ವಾತಿ ಮುತ್ತಿನ ಮಳೆಹನಿಯೆ...

Team Udayavani, Oct 26, 2019, 3:42 AM IST

a-73

“ಸ್ವಾತಿ ಮುತ್ತಿನ ಮಳೆ ಹನಿಯೆ| ಮೆಲ್ಲ ಮೆಲ್ಲನೆ ಧರೆಗಿಳಿಯೆ||…’ ಸಿನೇಮಾ ಹಾಡು ಈಗಲೂ ಗುನುಗುನಿಸುತ್ತಿರಬಹುದು, ಕೆ(ಹ)ಲವರ ಮನದಲ್ಲಿಯಾದರೂ… ಅ. 24ರ ಸಂಜೆಯಿಂದ ಸ್ವಾತಿ ನಕ್ಷತ್ರದ ಮಳೆ ಆರಂಭವಾಗಿದೆ. ನ. 6ರ ವರೆಗೆ ಈ ಮಳೆಯ ಕಾಲಾವಧಿ. ಸ್ವಾತಿ ನಕ್ಷತ್ರದ ಮಳೆಗೆ ಭಾರೀ ಮಹತ್ವವಿದೆ. ಇದು ಮಳೆಗಾಲದ ಕೊನೆಯಲ್ಲಿ ಬರುವ ಮಳೆಯಾದ ಕಾರಣ ಮಳೆ ನೀರು ಕೊಯ್ಲು ಮಾಡುವವರಿಗೆ ಅಮೂಲ್ಯ. ಹೀಗಾಗಿಯೋ ಏನೋ ಸ್ವಾತಿ ಮಳೆ ಬಂದರೆ ಬೇಸಗೆಯಲ್ಲಿ ನೀರಿನ ಬರ ಬಾರದು ಎಂಬ ನಂಬಿಕೆ ಬೆಳೆದು ಬಂದಿದೆ. ಹಾಗೆಂದು ಈ ನಂಬಿಕೆಯನ್ನು ಆಧರಿಸಿ ನೀರನ್ನು ಪೋಲು ಮಾಡಿದರೆ ಬರ ಬಾರದಿರದು ಎಂಬ ಎಚ್ಚರಿಕೆಯೂ ಬೇಕಾಗುತ್ತದೆ.

ಸ್ವಾತಿ ಬಿಸಿಲೂ ಪರಿಣಾಮಕಾರಿ
ಸ್ವಾತಿ ನಕ್ಷತ್ರದ ಮಳೆಯಂತೆ ಬಿಸಿಲಿಗೂ ಔಷಧೀಯ ಗುಣವಿದೆ. ಹಳೆಯ ಪುಸ್ತಕಗಳನ್ನು, ಉತ್ತಮ ಬಟ್ಟೆಗಳನ್ನು ಈ ಬಿಸಿಲಿಗೆ ಹಾಕುತ್ತಿದ್ದರು. ಸ್ವಾತಿ ಬಿಸಿಲಿನಿಂದಾಗಿ ಹುಳಹುಪ್ಟಟೆ ಹಿಡಿದು ಹಾಳಾಗುವುದು ತಪ್ಪುತ್ತಿತ್ತು. ಈ ಬಾರಿ ಧಾರಾಳ ಸ್ವಾತಿ ನಕ್ಷತ್ರದ ಮಳೆಯಾಗುತ್ತಿದ್ದು ಇದರ ಸಂಪೂರ್ಣ ಪ್ರಯೋಜನವನ್ನು ಜನರು ಪಡೆಯಬೇಕಾಗಿದೆ. ಸಂಗ್ರಹ ಕ್ರಮ ಶರದೃತುವಿನ ಈ ಕಾಲಘಟ್ಟದಲ್ಲಿ ಪ್ರಕೃತಿಯೂ ಶಾಂತವಾಗಿರುತ್ತದೆ. ಹೀಗಾಗಿ ಈಗ ಬರುವ ಮಳೆಯಲ್ಲಿಯೂ ಶಾಂತಿ ಇರುತ್ತದೆ. ಇದರಲ್ಲಿ ರೋಗನಿರೋಧಕ ಗುಣವಿದೆ. ಚಿಪ್ಪಿನ ಮೇಲೆ ಈ ಮಳೆ ಬಿದ್ದಾಗಲೇ ಇದು ಮುತ್ತಾಗುತ್ತದೆ. ಈ ಮಳೆಯನ್ನು ಏಳು ಪದರಗಳ ವಸ್ತ್ರದಿಂದ ಸೋಸಿ ಸಂಗ್ರಹಿಸಿಟ್ಟು ಕುಡಿಯುವುದು ಉತ್ತಮ. ಇದರ ಬಗೆಗೆ ಗುಜರಾತಿನಲ್ಲಿ ವಿಶೇಷ ಅಧ್ಯಯನ ನಡೆದಿದೆ. ಆಯುರ್ವೇದ ಶಾಸ್ತ್ರದಲ್ಲಿ ಮುತ್ತಿನ ಬಳಕೆಯೂ ಇದೆ ಎನ್ನುತ್ತಾರೆ ಉಪ್ಪುಂದದ ವೈದ್ಯೆ ಡಾ|ಅನುರಾಧಾ ಕಾಮತ್‌ .

ಈ ಮಳೆಯನ್ನು ಮಣ್ಣಿನ, ಪಿಂಗಾಣಿ, ತಾಮ್ರದ ಅಥವಾ ಗಾಜಿನ ಪಾತ್ರೆಯಲ್ಲಿ ಹಿಡಿದಿಟ್ಟುಕೊಂಡು ಬಳಸಬೇಕು. ನೇರ ಆಕಾಶದಿಂದ ಬೀಳುವ ನೀರನ್ನು ಹಿಡಿಯಬೇಕು ಎಂದು ಮಂಗಳೂರು ಪಿಲಿಕುಳ ನಿಸರ್ಗಧಾಮದ ಔಷಧೀಯ ಸಸ್ಯಗಳ ಮೇಲ್ವಿಚಾರಕ ಉದಯಕುಮಾರ ಶೆಟ್ಟಿಯವರು ಸಲಹೆ ನೀಡುತ್ತಾರೆ.

ಮಖಾ ನಕ್ಷತ್ರದ ಮಳೆಗೂ ಮಹತ್ವ
ಹಿಂದೆ ಪೆರ್ಡೂರು ದೇವಸ್ಥಾನದಲ್ಲಿ ಸಿಂಹ ಸಂಕ್ರಮಣದ ಮಖಾ ನಕ್ಷತ್ರದ ನೀರಿನಿಂದ ಅಭಿಷೇಕ ಮಾಡಿದ ತೀರ್ಥವನ್ನು ಶಿವಮೊಗ್ಗ ಜಿಲ್ಲೆಯಿಂದ ಆಗಮಿಸಿದ ಕೃಷಿಕರು ಕೊಂಡೊಯ್ದು ತೋಟ, ಗದ್ದೆಗಳಿಗೆ ಚಿಮುಕಿಸುತ್ತಿದ್ದರು ಎಂಬ ಮಾತು ಇದೆ. ಇದನ್ನು ಯಾರೂ ನೋಡಿದವರಿಲ್ಲ ಎನ್ನುತ್ತಾರೆ ಪೆರ್ಡೂರು ಪ್ರೌಢಶಾಲಾ ನಿವೃತ್ತ ಮುಖ್ಯಶಿಕ್ಷಕ ರಾಮಚಂದ್ರ ಐತಾಳ್‌.

ಮಖಾ ನಕ್ಷತ್ರದ ಮಳೆಗೂ ಸ್ವಾತಿ ನಕ್ಷತ್ರದ ಮಳೆಯಷ್ಟೇ ಮಹತ್ವವಿದೆ. ಈ ಮಳೆ ಬಂದರೆ ಕೃಷಿ ಸಹಿತ ಲೋಕಕ್ಕೆ ಶುಭಫ‌ಲ ಕೊಡುತ್ತದೆ ಎಂಬ ನಂಬಿಕೆ ಇದೆ. ಇದನ್ನೂ ಸಂಗ್ರಹಿಸಿ ಔಷಧಿಯಾಗಿ ಬಳಸುವ ಕ್ರಮವಿದೆ. ಚಿಕ್ಕ ಮಕ್ಕಳಿಗೆ ಒಂದೆರಡು ಚಮಚ ಈ ನೀರನ್ನು ಕುಡಿಯಲು ಕೊಟ್ಟರೆ ಹೊಟ್ಟೆಹುಳದ ಬಾಧೆ ನಿವಾರಣೆಯಾಗುತ್ತದೆ. ಸ್ವಾತಿ ಮಳೆ ನೀರನ್ನು ಮೊಸರು, ಮಜ್ಜಿಗೆಗೆ ಬಳಸುವುದು ಔಷಧೀಯ ಗುಣವಿರುವುದರಿಂದಲೇ ಎಂದು ಡಾ|ಅನುರಾಧಾ ಕಾಮತ್‌ ಬೆಟ್ಟು ಮಾಡುತ್ತಾರೆ.

ಹೆಪ್ಪು ಹಾಕುವಾಗ, ಹಾಲು ಉಕ್ಕಿಸುವಾಗ…
ಸ್ವಾತಿ ನಕ್ಷತ್ರದ ಮಳೆಯ ನೀರನ್ನು ಉತ್ತರ ಕರ್ನಾಟಕದಲ್ಲಿ ಹೊಸದಾಗಿ ಹೆಪ್ಪು ಹಾಕಲು ಬಳಸುವ ಕ್ರಮವಿದೆ. ಸಾಮಾನ್ಯವಾಗಿ ಹಿಂದಿನ ದಿನದ ಹೆಪ್ಪು ಬಳಸುತ್ತಾ ಹಳತಾಗುತ್ತದೆ. ವರ್ಷಕ್ಕೊಮ್ಮೆ ಹೊಸ ಹೆಪ್ಪು ಮಾಡಲು ಈ ಮಳೆ ನೀರನ್ನು ಬಳಸುವ ಕ್ರಮವಿದೆ. ಔಷಧೀಯ ಗುಣ ವಿರುವುದರಿಂದಲೇ ಈ ಪ್ರಯೋಗ ಬಂದಿರಬಹುದು. ಈ ನೀರನ್ನು ಹಾಲು, ಮೊಸರಿನ ಜತೆ ಮಿಶ್ರ ಮಾಡುವುದಿದೆ.
ಬ್ಯಾಕ್ಟೀರಿಯ ನಾಶಕ ಗುಣ ಇರುವುದರಿಂದ ಹಾಲು ಕುದಿಯುವಾಗ (ಉಕ್ಕುವ ಸಂದರ್ಭ) ಸ್ವಾತಿ ನಕ್ಷತ್ರದ ಮಳೆ ನೀರನ್ನು ನಮ್ಮ ಹಿಂದಿನವರು ಬಳಸುತ್ತಿದ್ದರು ಎಂಬುದನ್ನು ಪೆರ್ಡೂರು ದೇವಸ್ಥಾನದ ಅರ್ಚಕ ರಾಮದಾಸ ಆಚಾರ್ಯ ನೆನಪಿಸುತ್ತಾರೆ.

ತಾತ್ಯಾಗೌಡರ ಅಬ್ಸರ್ವೇಶನ್‌ ಸೈನ್ಸ್‌
ಬೆಳಗಾವಿ ಜಿಲ್ಲೆ ಹುಕ್ಕೇರಿ ತಾಲೂಕಿನ ಎಲಿಮನ್ನೋಳಿ ಗ್ರಾಮದ ತಾತ್ಯಾಗೌಡ ಮಲಗೌಡನವರ್‌ ಅವರು ಬಿಎಸ್ಸಿ ಪದವೀಧರ, ಕೃಷಿಕ. ಈಗ 63 ವರ್ಷ. ಇವರ ಅಬ್ಸರ್ವೇಶನ್‌ ಸೈನ್ಸ್‌ ಪ್ರಯೋಗ ಅದ್ಭುತವಾದುದು. ಇವರ ಹಿರಿಯರು ರೇಷ್ಮೆ ಬಟ್ಟೆಯನ್ನು ಸ್ವಾತಿ ನಕ್ಷತ್ರದ ವೇಳೆ ಮಳೆಯಾದರೂ, ಬಿಸಿಲಾದರೂ ಹೊರಗೆ ಹಾಕುತ್ತಿದ್ದರು. ಮಳೆಯಾದರೆ ಒದ್ದೆಯಾದ ಬಟ್ಟೆಯನ್ನು ಒಣಗಲು ಹಾಕುತ್ತಿದ್ದರು. ಬಟ್ಟೆಯ ಬಾಳಿಕೆ ಹೆಚ್ಚಿಗೆ ಬರುತ್ತಿತ್ತು. ಸ್ವಾತಿ ಮಳೆ ಬಂದ ಬಳಿಕ ಹೊಲದ ಬೆಳೆಯ ರೋಗಗಳು ನಿವಾರಣೆಯಾಗುತ್ತಿತ್ತು. ಸ್ವಾತಿ ನಕ್ಷತ್ರದ ಮಳೆಯಲ್ಲಿ ನೆನೆದ ಜಾನುವಾರುಗಳಲ್ಲಿ ಈ ಮೊದಲಿದ್ದ ಗಾಯಗಳು ವಾಸಿಯಾಗುತ್ತಿದ್ದವು. ಇದನ್ನು ಕಂಡ ತಾತ್ಯಾಗೌಡರಿಗೆ ಕುತೂಹಲ ಮೂಡಿತು. ಈ ನೀರನ್ನು ಸಂಗ್ರಹಿಸಿ ಗಾಯವಾದಾಗ ಜಾನುವಾರುಗಳಿಗೆ ಹಾಕಿದಾಗ ಬೇಗನೆ ಗುಣಮುಖವಾಗುತ್ತಿತ್ತು. ಜಾನುವಾರುಗಳಿಗೆ ಬರುವ ಒಣಗು (ಉಣ್ಣಿ) ಈ ನೀರನ್ನು ಹಾಕಿದಾಗ ಹೋಗುತ್ತಿತ್ತು. ಕ್ರಮೇಣ ಈ ಪ್ರಯೋಗವನ್ನು ಮನುಷ್ಯರ ಮೇಲೂ ಮಾಡಿ ಸಾವಿರಾರು ಜನರ ರೋಗಗಳನ್ನು ಗುಣಪಡಿಸಿದ ಹಿರಿಮೆ ಇವರಿಗೆ ಇದೆ.

ಗ್ಯಾಂಗ್ರಿನ್‌ ಗಾಯವಾದವರು ಸಹಜ ನೀರು ಹಾಕಿ ತೊಳೆದ ಬಳಿಕ ಈ ನೀರನ್ನು ಸ್ವಲ್ಪ ಹಾಕಿದರೆ ಒಂದು ವಾರದಲ್ಲಿ ಗುಣವಾಗುತ್ತದೆ. ಇದು ಕ್ಯಾನ್ಸರ್‌ ರೋಗಕ್ಕೂ ಅತ್ಯುಪಯುಕ್ತ ಎನ್ನುವುದನ್ನು ಗೌಡರು ಕಂಡುಕೊಂಡಿದ್ದಾರೆ. ಸ್ವಾತಿ ನಕ್ಷತ್ರದ ಮಳೆ ನೀರನ್ನು ಸಂಗ್ರಹಿಸಿ ಒಂದೋ ಕುಡಿಯಲು ಹೇಳುತ್ತಾರೆ, ಇಲ್ಲವೇ ನೋವಿದ್ದ/ಗಾಯದ ಮೇಲೆ ಸಿಂಪಡಿಸಲು ಹೇಳುತ್ತಾರೆ. ವೈದ್ಯಕೀಯ/ ಔಷಧ ಸಂಬಂಧಿತ ಕಾನೂನಿನವರಿಂದ ನಿಮಗೇನೂ ತೊಂದರೆ ಬರಲಿಲ್ಲವೆ ಎಂದು ಪ್ರಶ್ನಿಸಿದಾಗ “ಇದು ನೈಸರ್ಗಿಕ ವಸ್ತು. ಯಾರೋ ಕಷ್ಟದಲ್ಲಿದ್ದವರು ಬಂದು ಹೇಳಿದಾಗ ಅವರಿಗೆ ನಮ್ಮಲ್ಲಿ ಸಂಗ್ರಹಿಸಿದ ಮಳೆ ನೀರನ್ನು ಬಳಸಲು ಹೇಳುತ್ತೇನೆ. ನಾನೇನೂ ಹಣ ತೆಗೆದುಕೊಳ್ಳುವುದಿಲ್ಲ. ಜನರಿಗೆ ಪ್ರಯೋಜನವಾಗುವುದು ಮುಖ್ಯ. ಇದರಿಂದ ಕಾನೂನಿನ ಸಮಸ್ಯೆ ಹೇಗಾಗುತ್ತದೆ?’ ಎಂದು ಕೇಳುತ್ತಾರೆ.

ಸಂಸ್ಕೃತದ ಗ್ರಂಥದಲ್ಲಿ 280 ರೋಗಗಳಿಗೆ ಇದು ಪರಿಣಾಮಕಾರಿ ಎಂದು ಇದೆಯಂತೆ. ನಾನು 10-15 ಕಾಯಿಲೆ ಇದ್ದವರಿಗೆ ಪ್ರಯೋಗ ಮಾಡಿದ್ದೇನೆ. ಪ್ರಯೋಜನವಾಗಿದೆ. ಸಾಮಾನ್ಯ ಜನರೂ ದಿನಕ್ಕೆ ಒಂದು ಚಮಚ ಈ ನೀರನ್ನು ಬಳಸಿದರೆ ಆರೋಗ್ಯವೃದ್ಧಿ ಆಗುತ್ತದೆ. ನನ್ನಲ್ಲಿ ಹಲವು ಔಷಧೀಯ ಸಸ್ಯಗಳೂ ಇವೆ. ಇದರ ಪ್ರಯೋಜನವನ್ನೂ ಜನರಿಗೆ ಹೇಳುತ್ತೇನೆ ಎಂದು ತಾತ್ಯಾಗೌಡರು ಹೇಳುತ್ತಾರೆ.

ಮಟಪಾಡಿ ಕುಮಾರಸ್ವಾಮಿ

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ವಲಸೆ ಕಾರ್ಮಿಕರ ಮಕ್ಕಳಿಗೆ ಇದ್ದಲ್ಲಿಯೇ ಪರೀಕ್ಷೆ ಬರೆಯಲು ಅವಕಾಶ

ವಲಸೆ ಕಾರ್ಮಿಕರ ಮಕ್ಕಳಿಗೆ ಇದ್ದಲ್ಲಿಯೇ ಪರೀಕ್ಷೆ ಬರೆಯಲು ಅವಕಾಶ

ಬೀದರ್ ಜಿಲ್ಲೆಯಲ್ಲಿ ಕೋವಿಡ್ ಗೆ ಐದನೇ ಬಲಿ

ಬೀದರ್ ಜಿಲ್ಲೆಯಲ್ಲಿ ಕೋವಿಡ್ ಗೆ ಐದನೇ ಬಲಿ

ಸ್ಪೀಕರ್‌ ವಿರುದ್ಧ ಹಕ್ಕು ಚ್ಯುತಿ ಮಂಗಳವಾರ ನಿರ್ಧಾರ: ಎಚ್‌.ಕೆ. ಪಾಟೀಲ್‌

ಸ್ಪೀಕರ್‌ ವಿರುದ್ಧ ಹಕ್ಕು ಚ್ಯುತಿ ಮಂಗಳವಾರ ನಿರ್ಧಾರ: ಎಚ್‌.ಕೆ. ಪಾಟೀಲ್‌

ಅನಿವಾಸಿ ಕನ್ನಡಿಗರಿಗೆ ವಿಮಾನ ಸೇವೆ ಕಲ್ಪಿಸಲು ಸಿದ್ದರಾಮಯ್ಯ ಪತ್ರ

ಅನಿವಾಸಿ ಕನ್ನಡಿಗರಿಗೆ ವಿಮಾನ ಸೇವೆ ಕಲ್ಪಿಸಲು ಸಿದ್ದರಾಮಯ್ಯ ಪತ್ರ

ಮದುವೆಗೂ ಮುನ್ನ ಅಪ್ಪನಾಗುತ್ತಿರುವ ಹಾರ್ದಿಕ್‌ ಪಾಂಡ್ಯಾ  

ಮದುವೆಗೂ ಮುನ್ನ ಅಪ್ಪನಾಗುತ್ತಿರುವ ಹಾರ್ದಿಕ್‌ ಪಾಂಡ್ಯ

suresh-kumar

ಮಕ್ಕಳ ಸುರಕ್ಷತೆ, ಆತ್ಮವಿಶ್ವಾಸಕ್ಕೆ  ಮೊದಲ ಆದ್ಯತೆ: ಸುರೇಶ್‌ ಕುಮಾರ್‌

ದಿಲ್ಲಿಯಲ್ಲಿ ಕೋವಿಡ್‌ ಪ್ರಕರಣಗಳು ದಾಖಲೆ ಏರಿಕೆ  

ದಿಲ್ಲಿಯಲ್ಲಿ ಕೋವಿಡ್‌ ಪ್ರಕರಣಗಳು ದಾಖಲೆ ಏರಿಕೆ  

ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಗುರು ಬಸವಣ್ಣನವರು ತೋರಿದ ದಾರಿಯಲ್ಲಿ…

ಗುರು ಬಸವಣ್ಣನವರು ತೋರಿದ ದಾರಿಯಲ್ಲಿ…

sanatana

ಸನಾತನ , ಶ್ರೀಮಂತ ಕೊಂಕಣಿ ಭಾಷೆ – ಸಾಹಿತ್ಯ – ಸಂಸ್ಕೃತಿ

mk-34

ಪುಣ್ಯ ಪರ್ವದಿನ ಸಂಕ್ರಮಣ

j-17

ಕೆ.ಕೆ.ಪೈ ಮತ್ತು ಪರ್ಯಾಯದ ಪಳಮೆ

n-40

ಉತ್ತಮರಾಗೋಣ, ಉಪಕಾರಿಗಳಾಗೋಣ…

MUST WATCH

udayavani youtube

COVID-19 : ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುವ Homeopathy Medicine | Udayavani

udayavani youtube

Preserving the heritage -World Famous Udupi Mattugulla Documentary by Udayavani

udayavani youtube

Mattu ಗದ್ದೆಯಲ್ಲಿ ಕೃಷಿಯ ಆಟಕ್ಕಿಳಿದ Football ಆಟಗಾರ Yashodara

udayavani youtube

ಪಶುಸಂಗೋಪನೆಯಲ್ಲಿ ಯಶಸ್ವಿಯಾದ Uttam Agro Industries Poultry Farming Success Story

udayavani youtube

ಈ ಮನೆಯಲ್ಲಿದೆ ಬೀದಿನಾಯಿಗಳಿಗೆ ಪ್ರೀತಿಯ ಆಸರೆ | Udayvani

ಹೊಸ ಸೇರ್ಪಡೆ

ವಲಸೆ ಕಾರ್ಮಿಕರ ಮಕ್ಕಳಿಗೆ ಇದ್ದಲ್ಲಿಯೇ ಪರೀಕ್ಷೆ ಬರೆಯಲು ಅವಕಾಶ

ವಲಸೆ ಕಾರ್ಮಿಕರ ಮಕ್ಕಳಿಗೆ ಇದ್ದಲ್ಲಿಯೇ ಪರೀಕ್ಷೆ ಬರೆಯಲು ಅವಕಾಶ

ಬೀದರ್ ಜಿಲ್ಲೆಯಲ್ಲಿ ಕೋವಿಡ್ ಗೆ ಐದನೇ ಬಲಿ

ಬೀದರ್ ಜಿಲ್ಲೆಯಲ್ಲಿ ಕೋವಿಡ್ ಗೆ ಐದನೇ ಬಲಿ

ಸ್ಪೀಕರ್‌ ವಿರುದ್ಧ ಹಕ್ಕು ಚ್ಯುತಿ ಮಂಗಳವಾರ ನಿರ್ಧಾರ: ಎಚ್‌.ಕೆ. ಪಾಟೀಲ್‌

ಸ್ಪೀಕರ್‌ ವಿರುದ್ಧ ಹಕ್ಕು ಚ್ಯುತಿ ಮಂಗಳವಾರ ನಿರ್ಧಾರ: ಎಚ್‌.ಕೆ. ಪಾಟೀಲ್‌

ಅನಿವಾಸಿ ಕನ್ನಡಿಗರಿಗೆ ವಿಮಾನ ಸೇವೆ ಕಲ್ಪಿಸಲು ಸಿದ್ದರಾಮಯ್ಯ ಪತ್ರ

ಅನಿವಾಸಿ ಕನ್ನಡಿಗರಿಗೆ ವಿಮಾನ ಸೇವೆ ಕಲ್ಪಿಸಲು ಸಿದ್ದರಾಮಯ್ಯ ಪತ್ರ

ಒಲಿಂಪಿಕ್‌ ತ್ರಿವಳಿ ಸ್ವರ್ಣ ವಿಜೇತ ಬಾಬಿ ಜೋ ಮೋರೊ ನಿಧನ

ಒಲಿಂಪಿಕ್‌ ತ್ರಿವಳಿ ಸ್ವರ್ಣ ವಿಜೇತ ಬಾಬಿ ಜೋ ಮೋರೊ ನಿಧನ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.