ಈ ಸಂಡೇ ಯಾಕಾಗಿದೆ…
Team Udayavani, Mar 12, 2019, 12:30 AM IST
ವೀಕೆಂಡ್ ಬಂತು ಅಂದ್ರೆ, ಈ ಬೆಂಗಳೂರಿನಿಂದ ಪುರ್ರನೆ ಹಾರೋದೇ ನಮ್ಮ ಕೆಲಸ. ಬೇರೆ ಬೇರೆ ಐಟಿ ಕಂಪನಿಗಳಲ್ಲಿ ಕೆಲಸ ಮಾಡುವ ಸಮಾನ ಮನಸ್ಕರೆಲ್ಲ ಸೇರಿಕೊಂಡು, ಹೀಗೆ ಜುಮ್ಮನೆ ಟ್ರಿಪ್ ಹೋಗಿ, ಅಲ್ಲಿ ಟ್ರೆಕ್ಕಿಂಗ್ ಮಾಡೋದು ಅಂದ್ರೆ ಅದೇನೋ ಖುಷಿ. ನಮ್ಮ ವಾರಾಂತ್ಯದ ಟ್ರೆಕ್ಕಿಂಗ್ ಸಾಹಸದ ಅಪ್ಡೇಟ್ಗೆಂದೇ ವಾಟ್ಸಾಪ್ ಗ್ರೂಪ್ ಮಾಡಿಕೊಂಡಿದ್ದೇವೆ. ಅದರ ಹೆಸರು, ಗಾಂಪರ ಗುಂಪು.
ಒಮ್ಮೆ ವಯ್ನಾಡಿಗೆ ಟ್ರೆಕ್ಕಿಂಗ್ಗೆ ಹೋಗಿದ್ದೆವು. ನಮ್ಮ ಗುಂಪಿನಲ್ಲಿದ್ದ ಕಾವ್ಯಾ ಯಾವಾಗಲೂ 5ಜಿ ವೇಗದಲ್ಲಿ ಮುಂದೆ ಹೋಗಿ, ಪ್ರಕೃತಿಯ ಫಸ್ಟ್ ಲುಕ್ ಅನ್ನು ಕಣ್ತುಂಬಿಕೊಳ್ಳುವ ಹುಚ್ಚು ಸಾಹಸಿ. ಅವತ್ತೂ ಹಾಗೆಯೇ ಆಯ್ತು, ಇನ್ನೊಬ್ಬಳು ಗೆಳತಿಯೊಂದಿಗೆ ವೇಗದಲ್ಲಿ ಬೆಟ್ಟ ಏರಿಯೇಬಿಟ್ಟಿದ್ದಳು. ನಾವೆಲ್ಲ ತೀರಾ ದಣಿದಿದ್ದರಿಂದ ನಿಧಾನಕ್ಕೆ ಹೆಜ್ಜೆ ಊರುತ್ತಾ, ಅಲ್ಲಲ್ಲಿ ಕೂರುತ್ತಾ, ಬೆಟ್ಟವೇರಲು ಬಹಳ ಒದ್ದಾಡುತ್ತಿದ್ದೆವು. ನಮ್ಮನ್ನು ಬೇಗನೆ ಕರೆಸಿಕೊಳ್ಳಲು ಆಕೆ, “ಅಯ್ಯೋ ನನ್ನ ಪರ್ಸ್ ಇಲ್ಲಿ ಬೆಟ್ಟದ ಕೆಳಗೆ ಬಿದೊಗಿದೆ. ನೀವೆಲ್ಲ ಬೇಗ ಬನ್ನಿ’ ಎಂದು ಗ್ರೂಪ್ನಲ್ಲಿ ಪೋಸ್ಟ್ ಮಾಡಿದಳು. ನಾವೆಲ್ಲ ಏದುಸಿರು ಬಿಡುತ್ತಾ, ಅಲ್ಲಿಗೆ ಹೋದಾಗ ಅವಳು, ನಗುತ್ತಾ ಕುಳಿತಿದ್ದನ್ನು ನೋಡಿ ಅಚ್ಚರಿ ಆಯ್ತು. ಆದರೂ ಗಾಬರಿಯಿಂದಲೇ, “ಪರ್ಸ್ ಎಲ್ಲಿ ಬಿತ್ತು? ನಾವು ಹೆಲ್ಪ್ ಮಾಡ್ತೀವಿ’ ಅಂದಾಗ ಅವಳ ನಗು ಇನ್ನೂ ಜಾಸ್ತಿ ಆಯ್ತು. “ನನ್ನ ಪರ್ಸ್ ಎಲ್ಲೂ ಹೋಗಿಲ್ಲ… ನನ್ನ ಬಳಿಯೇ ಇದೆ, ನಿಮ್ಮನ್ನು ಕರೆಸಿಕೊಳ್ಳಲು ಈ ನಾಟಕ ಆಡಿದೆ’ ಅಂದಳು, ಮತ್ತೆ ನಗುತ್ತಾ. ನಮಗೆ ತೋರಿಸಲೆಂದು ಬ್ಯಾಗ್ನ ಹಿಂಬದಿ ಕೈಹಾಕಿ ನೋಡಿದಾಗ, ಅಲ್ಲಿ ಅವಳಿಗೆ ಪರ್ಶೇ ಸಿಗಲಿಲ್ಲ. ನಿಜಕ್ಕೂ ಪರ್ಸ್ ಕಳೆದುಹೋಗಿತು! ಇಡೀ ಬೆಟ್ಟದ ತಪ್ಪಲನ್ನೆಲ್ಲ ಹುಡುಕಿದೆವು, ಎಲ್ಲೂ ಸಿಗಲಿಲ್ಲ. ನಾವು ಬರುವ ಟ್ರೈನಿನಲ್ಲೇ ಆ ಪರ್ಸ್ ಕಳೆದುಹೋಗಿತ್ತೇನೋ. ಇಷ್ಟಾದರೂ, ಆಕೆ ದಾರಿಯುದ್ದಕ್ಕೂ “ಈ ಸಂಡೇ ಯಾಕಾಗಿದೆ…’ ಅಂತ ಹಾಡುತ್ತಾ, ಆ ದುಃಖವನ್ನು ಮರೆತಿದ್ದಳು. ಭಯಂಕರ ಪಾಸಿಟಿವ್ ಹುಡುಗಿ ಆಕೆ..!
ಗ್ರೂಪ್ ಹೆಸರು: ಗಾಂಪರ ಗುಂಪು
ಅಡ್ಮಿನ್: ಶ್ರೀನಿಧಿ ಹೆಗ್ಡೆ, ಅನ್ವಿತಾ ಭಟ್, ಕಾವ್ಯ ಮಧುಗಿರಿ, ಶರಣ್ಯ ಬೆಂಕಿಪುರ ಇತರರು…
ದೀಪಾಲಿ, ಮೈಸೂರು
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
WhatsApp ಭಾರತದಲ್ಲಿ ಸ್ಥಗಿತಗೊಳಿಸ್ತೇವೆ; ಹೈಕೋರ್ಟ್ ಮೆಟ್ಟಿಲೇರಿದ ಪ್ರಕರಣ, ಏನಿದು?
ಏ.26ರಂದು 2ನೇ ಹಂತದ ಚುನಾವಣೆ;ರಾಹುಲ್, ತರೂರ್, ಹೇಮಾ ಮಾಲಿನಿ ಹಲವು ಘಟಾನುಘಟಿಗಳು ಕಣದಲ್ಲಿ
Eletion: ತೀರ್ಥಹಳ್ಳಿಯಲ್ಲಿ ಪ್ರಚಾರದ ವೇಳೆ ತಮಿಳಿನಲ್ಲೆ ಮಾತನಾಡಿದ ನಟ ಶಿವರಾಜ್ ಕುಮಾರ್
LS Polls: ರಾಜ್ಯದಲ್ಲಿ ಕಾಂಗ್ರೆಸ್ ವಿರೋಧಿ ಅಲೆ: ರಾಘವೇಂದ್ರ
Lok Sabha Election: ಮೋದಿಗೆ ಪರ್ಯಾಯ ನಾಯಕ ಮತ್ತೊಬ್ಬರಿಲ್ಲ… ಗಾಯಿತ್ರಿ ಸಿದ್ದೇಶ್ವರ