Udayavni Special

ನಿನ್ನ ಉತ್ತರಕ್ಕಾಗಿ 15 ದಿನ ಕಾಯ್ತೇನೆ…


Team Udayavani, May 21, 2019, 6:00 AM IST

lett

ನಿನ್ನ ಪ್ರೇಮ ನನ್ನ ಬಾಳಿನಲ್ಲಿ ಹೊಂಬೆಳಕನ್ನು, ನವ ಚೈತನ್ಯವನ್ನು ತುಂಬುತ್ತದೆಂದು ಅಂದುಕೊಂಡಿದ್ದೆ. ಅದುವೇ ಬದುಕಿಗೆ ಮುಳ್ಳಾಗಬಹುದೆಂಬ ಕಲ್ಪನೆ ಕನಸಿನಲ್ಲಿಯೂ ಹುಟ್ಟಿರಲಿಲ್ಲ.

ನನಗೀಗಲೂ ನಿನ್ನ ನೆನಪಿದೆ. ಆದರೆ, ಬರುಬರುತ್ತಾ ನಿನಗೆ ನನ್ನ ನೆನಪು ಕಡಿಮೆಯಾಗುತ್ತಿದೆಯೇನೋ ಎಂಬ ಹೆದರಿಕೆ ಶುರುವಾಗಿದೆ. ನಿನ್ನ ನಡವಳಿಕೆಗಳು ನೂರಾರು ಅನುಮಾನದ ಅಲೆಗಳನ್ನು ಸೃಷ್ಟಿಸಿವೆ. ನಂಬಿಕೆಯ ಗೋಪುರ ಸಂಶಯವೆಂಬ ಸುಂಟರಗಾಳಿಯ ಸುಳಿಗೆ ಸಿಲುಕಿ ನೆಲಕಚ್ಚುವ ಸ್ಥಿತಿ ತಲುಪಿದೆ. ನಿನ್ನ ಒಲವಿನ ಅರಮನೆಯಲ್ಲಿ ರಾಣಿಯಾಗಿ ಮೆರೆಯಬೇಕೆಂಬ ನನ್ನಾಸೆಯನ್ನು ಮಣ್ಣು ಪಾಲು ಮಾಡಲು ಯೋಚಿಸುತ್ತಿದ್ದೀಯ?

“ಪ್ರೀತಿ ಕುರುಡು’ ಎನ್ನುವ ಮಾತನ್ನು ಕೇಳಿದ್ದೆ. ಆದರೆ, ನನ್ನ ಬಾಳಿನಲ್ಲಿ ಆ ಮಾತು ನಿಜವಾಗುತ್ತದೆ ಅಂತ ನಾನು ಭಾವಿಸಿರಲಿಲ್ಲ. ನಿನ್ನ ಪ್ರೇಮ ನನ್ನ ಬಾಳಿನಲ್ಲಿ ಹೊಂಬೆಳಕನ್ನು, ನವ ಚೈತನ್ಯವನ್ನು ತುಂಬುತ್ತದೆಂದು ಅಂದುಕೊಂಡಿದ್ದೆ. ಅದುವೇ ಬದುಕಿಗೆ ಮುಳ್ಳಾಗಬಹುದೆಂಬ ಕಲ್ಪನೆ ಕನಸಿನಲ್ಲಿಯೂ ಹುಟ್ಟಿರಲಿಲ್ಲ.

ಪ್ರಾರಂಭದಲ್ಲಿ ಪ್ರಣಯದ ನೌಕೆ ಏರುವಾಗ ನೀನಾಡಿದ ಮಾತು ನೆನಪಿದೆಯೇ? “ಉಸಿರಿರುವವರೆಗೆ ಜಂಟಿಯಾಗಿರೋಣ’ ಅಂತ ಹೇಳಿದ್ದೆ. ಆದರೀಗ, ನನ್ನನ್ನು ಒಂಟಿ ಮಾಡಲು ಹೊರಟಿರುವುದೇಕೆ? ಅಂದು ನೀನಾಡಿದ ಸಿಹಿ ನುಡಿಗಳು, ನಿನ್ನೊಂದಿಗೆ ಕಳೆದ ಮಧುರ ಕ್ಷಣಗಳು, ಪ್ರತಿ ನಿಮಿಷವೂ ನೀನು ನನಗಾಗಿ ಹಂಬಲಿಸುತ್ತಿದ್ದ ಆ ಪರಿ ಇಂದು ನನ್ನ ಜೀವ ಹಿಂಡುತ್ತಿದೆ. ಮತ್ತೆ ನೀನು ಮೊದಲಿನ ಹಾಗಾಗು ಎಂದು ಮನಸ್ಸು ಪ್ರಾರ್ಥಿಸುತ್ತಿದೆ.

ಎಳೆ ಮಗುವಿನ ಮನದಾಳದಲ್ಲಿ ಮೂಡಿದ ಪ್ರಶ್ನೆಗಳಿಗೆ, ಅನುಮಾನಗಳಿಗೆ ಉತ್ತರಿಸಬಹುದು. ಹಠ ಮಾಡಿದರೆ ಮುದ್ದು ಮಾಡಿ, ಮರುಳು ಮಾಡಬಹುದು. ಆದರೆ, ಪ್ರೀತಿಗೆ ಬಿದ್ದ ಮನಸ್ಸಿದೆಯಲ್ಲ, ಅದನ್ನು ನಿಯಂತ್ರಿಸುವುದು ಬಹಳ ಕಷ್ಟ. ಮಗುವಿಗಿಂತಲೂ ಮನಸ್ಸಿಗೆ ಹಠ ಜಾಸ್ತಿ. ನನ್ನದೇ ಮನಸ್ಸನ್ನು ನನಗೆ ಸಂಭಾಳಿಸುವುದು ಕಷ್ಟವಾಗಿದೆ.

ನಿನಗೆ ನನ್ನ ಜೊತೆ ಮಾತನಾಡದೆ, ನನ್ನನ್ನು ನೋಡದೆ ಇರಲು ಹೇಗಾದರೂ ಸಾಧ್ಯ? ಮೊದಲೆಲ್ಲ ನಾನು ಬೇಕೆಂದು ಹಠ ಹಿಡಿಯುತ್ತಿದ್ದ ನಿನ್ನ ಮನಸ್ಸು ಈಗ ನನ್ನನ್ನು ಮರೆತುಬಿಟ್ಟಿದೆಯಾ? ಆ ಮರೆವನ್ನು ನನಗೂ ಕಲಿಸಿಕೊಡಲು ನೀನೇ ಬರಬೇಕಿದೆ.

ನಾನು ನಿನ್ನ ಮುಂದೆ ನಿಂತಾಗ, ನೋಡಿದರೂ ನೋಡದ ಹಾಗೆ ಹೋಗುತ್ತೀಯಲ್ಲಾ ಆ ಕಾರಣಕ್ಕೇ ಈ ಪತ್ರ ಬರೆದಿರುವುದು. ಇದನ್ನು ಓದಿದ ಮೇಲಾದರೂ ನನ್ನೆಡೆಗೆ ಬರುವೆಯೇನೋ ಎಂಬ ಸಣ್ಣ ಆಸೆಯೊಂದು ಇನ್ನೂ ಎದೆಯಲ್ಲಿ ಜೀವಂತವಾಗಿದೆ. ನನ್ನ ನಂಬಿಕೆಯನ್ನು ಹುಸಿ ಮಾಡಬೇಡ. ನಿನ್ನ ಉತ್ತರಕ್ಕಾಗಿ ಹದಿನೈದು ದಿನ ಕಾಯುತ್ತೇನೆ.
ಸರೀನಾ?
ನಿನ್ನದೇ ನಿರೀಕ್ಷೆಯಲ್ಲಿರುವ

-ನಾಗರತ್ನ ಮತ್ತಿಘಟ್ಟ

ಟಾಪ್ ನ್ಯೂಸ್

jghjgyj

ಕೋವಿಡ್ ಮದ್ದು, ಅನ್ಯ ಕಾಯಿಲೆಗೂ ಗುದ್ದು?  

ಮಲ್ಲಿಕಾರ್ಜುನ ಖರ್ಗೆಯ ಭ್ರಷ್ಟ ಸಂಪತ್ತಿನ ಮುಂದೆ ಮಿಕ್ಕವರೆಲ್ಲ ಲೆಕ್ಕಕ್ಕಿಲ್ಲ: ಬಿಜೆಪಿ ಆರೋಪ

ಮಲ್ಲಿಕಾರ್ಜುನ ಖರ್ಗೆಯ ಭ್ರಷ್ಟ ಸಂಪತ್ತಿನ ಮುಂದೆ ಮಿಕ್ಕವರೆಲ್ಲ ಲೆಕ್ಕಕ್ಕಿಲ್ಲ: ಬಿಜೆಪಿ ಆರೋಪ

1-aa

ತೃತೀಯ ಲಿಂಗಿಗಳನ್ನು ಒಪ್ಪಿಕೊಳ್ಳದ ಕಾರಣ ನೀವು ದಂಡ ಕಟ್ಟಬೇಕು: ಪದ್ಮಶ್ರೀ ಮಂಜಮ್ಮ ಜೋಗತಿ

“ಜಾಗೃತ ಭಾರತ, ಸಮೃದ್ಧ ಭಾರತ”

ಜಾಗೃತ ಭಾರತ, ಸಮೃದ್ಧ ಭಾರತ

ffhjutgfd

ತುಮಕೂರು : ಮದುವೆ ಮಾಡಿಸುವಂತೆ ಡಿಸಿಗೆ ಅರ್ಜಿ ಸಲ್ಲಿಸಿದ ಯುವಕರು

ಇಂದಿನ ರಾಜಕಾರಣ ನನಗೆ ತೃಪ್ತಿ ಎನಿಸುತ್ತಿಲ್ಲ: ಬಸವರಾಜ ಹೊರಟ್ಟಿ

ಇಂದಿನ ರಾಜಕಾರಣ ನನಗೆ ತೃಪ್ತಿ ಎನಿಸುತ್ತಿಲ್ಲ: ಬಸವರಾಜ ಹೊರಟ್ಟಿ

ಇಂದು ಚಿರು ಹುಟ್ಟುಹಬ್ಬ: ಮೇಘನಾ ಹೊಸ ಸಿನಿಮಾ ಆರಂಭ

ಇಂದು ಚಿರು ಹುಟ್ಟುಹಬ್ಬ: ಮೇಘನಾ ಹೊಸ ಸಿನಿಮಾ ಆರಂಭ





ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ತತ್ವಜ್ಞಾನಿ ಶಾಲಾ ಮಾಸ್ತರ

ತತ್ವಜ್ಞಾನಿ ಶಾಲಾ ಮಾಸ್ತರ

ಬದುಕು ಬದಲಿಸಿದ ತಂದೂರಿ ಚಹಾ!

ಬದುಕು ಬದಲಿಸಿದ ತಂದೂರಿ ಚಹಾ!

ಮೂರ್ಖರ ದಿನ ಹುಟ್ಟಿದ್ದು ಹೀಗೆ…

ಮೂರ್ಖರ ದಿನ ಹುಟ್ಟಿದ್ದು ಹೀಗೆ…

Untitled-1

ಬಾಂಬರ್‌ ಬಾವಲಿ!

ಅಜ್ಜನನ್ನು ನೋಡಿಯೇ ಮಾತಾಡಲು ಕಲಿತೆವು!

ಅಜ್ಜನನ್ನು ನೋಡಿಯೇ ಮಾತಾಡಲು ಕಲಿತೆವು!

MUST WATCH

udayavani youtube

ಲಾರಿ ಹತ್ತಲು ಅಶ್ವತ್ಥಾಮ ಆನೆ ಹಿಂದೇಟು.

udayavani youtube

ಪರಸ್ಪರ ಮಜ್ಜಿಗೆ ಎರಚಿಕೊಂಡು ಗೌಳಿ ಬುಡಕಟ್ಟು ಸಮುದಾಯದಿಂದ ದಸರಾ ಆಚರಣೆ

udayavani youtube

ಟೀಂ ಇಂಡಿಯಾ ಮುಖ್ಯ ಕೋಚ್ ಸ್ಥಾನಕ್ಕೆ ದ್ರಾವಿಡ್ ನೇಮಕ

udayavani youtube

ಅಸಹಾಯಕ ಸ್ಥಿತಿಯಲ್ಲಿದ್ದ ವ್ಯಕ್ತಿ ಹಾಗೂ ಕೋತಿಯನ್ನು ರಕ್ಷಿಸಿ ಮಾದರಿಯಾದ ಯುವಕರು

udayavani youtube

ರಾಮನ ಹೆಸರಲ್ಲಿ ಅಧಿಕಾರಕ್ಕೆ ಬಂದವರಿಗೆ ಕುತ್ತು? ಮೈಲಾರಸ್ವಾಮಿ ಕಾರ್ಣಿಕ ನುಡಿ ಏನು ಗೊತ್ತಾ?

ಹೊಸ ಸೇರ್ಪಡೆ

Untitled-1

ಅತ್ತಿಕುಪ್ಪೆಯಲ್ಲಿ ಪಡಿತರ ಉಪಕೇಂದ್ರ ಉದ್ಘಾಟನೆ,ಡೇರಿ ಕಟ್ಟಡ ನಿರ್ಮಾಣಕ್ಕೆ ಭೂಮಿ ಪೂಜೆ

jghjgyj

ಕೋವಿಡ್ ಮದ್ದು, ಅನ್ಯ ಕಾಯಿಲೆಗೂ ಗುದ್ದು?  

Dak Seva Award for Achievers

8 ಸಾಧಕರಿಗೆ ಡಾಕ್ ಸೇವಾ ಪ್ರಶಸ್ತಿ ಪ್ರಧಾನ ಮಾಡಿದ ರಾಜ್ಯಪಾಲರು

davanagere news

ಹಿರೇಕಲ್ಮಠದೊಂದಿಗೆ ಅವಿನಾಭಾವ ಸಂಬಂಧ

12

ಕ್ಷಯ ಮುಕ್ತ ದೇಶಕ್ಕೆ ಸಹಕಾರ ಅಗತ್ಯ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.