Udayavni Special

ನನ್ನೆಲ್ಲಾ ಗೆಲುವಿಗೆ ನಿನ್ನ ನಗೆಯೇ ಕಾರಣ 


Team Udayavani, Sep 18, 2018, 8:01 AM IST

24.jpg

“ನನ್ನೆಲ್ಲ ಗೆಲುವುಗಳ ಬೆನ್ನ ಹಿಂದೆ ನಿನ್ನ ದೊಡ್ಡ ನಗೆಯ ಕೈವಾಡ ಇತ್ತು’ ಎಂದು ಒಂದೇ ಉಸಿರಲ್ಲಿ ನಿನ್ನೆದುರು ಹೇಳಬೇಕೆಂಬ ಹಪಹಪಿ ಕಾಡುತ್ತಿದೆ. ಆ ಒಂದು ನಗೆ ನನಗೆ ದಕ್ಕದೇ ಹೋಗಿದ್ದರೆ ನಾನು ನಿಂತ ನೆಲದ ಹುಡಿಯಾಗಿ ಬಿಡುತ್ತಿದ್ದೆನೇನೋ?

ಆದ ಅವಮಾನಗಳನ್ನೆಲ್ಲ ಬೆನ್ನಿಗೆ ಕಟ್ಟಿಕೊಂಡು ಉಮ್ಮಳಿಸಿ ಬರುತ್ತಿದ್ದ ದುಃಖಕ್ಕೆ ಸಾಂತ್ವನದ ಅಡ್ಡಗೋಡೆ ಕಟ್ಟಿ, ಎಲ್ಲ ಮೇರೆಗಳ ಮೀರಿ ಇಣುಕುತ್ತಿದ್ದ ಕಣ್ಣೀರನ್ನು ನೆಲಕ್ಕೆ ಕೆಡವಿ ಸಾಧಿಸಿಯೇ ತೀರುತ್ತೇನೆಂದು ಶಪಥಗೈದು, ಬರಿಗೈಯಲ್ಲಿ ಬಿರಬಿರನೆ ಮನೆಯಿಂದ ನಡೆದು ಬಂದಿದ್ದೆ. ಜೇಬಿನಲ್ಲಿ ಚಿಲ್ಲರೆ ಬಿಟ್ಟರೆ ಏನೆಂದರೆ ಏನೂ ಇರಲಿಲ್ಲ; ಆತ್ಮವಿಶ್ವಾಸ ಎದೆಯುಬ್ಬಿಸಿ ನಗುತ್ತಿತ್ತು. ಹೀಗೆ ಸಾಗಿತ್ತು ಯಾರಿಗೂ ಬೇಡವಾದವನ ಹೊಸತೊಂದು ಪಯಣ.

ಬಸ್ಸಿನಲ್ಲಿ ಕೂತವನಿಗೆ ಆದ ಘಟನೆಯ ನೆನಪು ಬೇಡಬೇಡವೆಂದರೂ ನುಗ್ಗಿ ಬರುತ್ತಿತ್ತು. ಅಂದು ಅಣ್ಣ ತರಾಟೆಗೆ ತೆಗೆದುಕೊಂಡಿದ್ದ. “ಹೀಗೆ ಉಡಾಫೆಯಿಂದ ಪಡ್ಡೆ ಹುಡುಗರ ಬೆನ್ನತ್ತಿ ಎಷ್ಟು ದಿನ ತಿರುಗಾಡುತ್ತೀಯಾ? ಅಪ್ಪ-ಅಮ್ಮ ಇಲ್ಲ ಅಂತ ಇಷ್ಟು ಮುದ್ದಿನಿಂದ ಸಾಕಿದ್ದೇ ತಪ್ಪಾಯ್ತು. ಒಂಚೂರೂ ಜವಾಬ್ದಾರಿ ಇಲ್ಲ ನಿಂಗೆ. ವಿದ್ಯೆಯಂತೂ ತಲೆಗೆ ಹತ್ತಲಿಲ್ಲ, ಯಾವುದಾದರೂ ಕೆಲಸ ಮಾಡಿ ಜೀವನ ಮಾಡಿಕೋ ಅಂತ ಬುದ್ಧಿ ಹೇಳಿದರೂ ನೀನು ಕೇರೇ ಮಾಡಲಿಲ್ಲ. ನನಗೂ ಸಂಸಾರ ಇದೆ. ಎಷ್ಟು ದಿನ ನಿನ್ನನ್ನು ತೆಪ್ಪಗೆ ಸಹಿಸಿಕೊಂಡಿರಲಿ? ಇನ್ನು ಮೇಲೆ ನೀನು ಒಂದರೆಕ್ಷಣ ಮನೇಲಿರಬೇಡ. ಎಲ್ಲಾದ್ರೂ ದುಡಿದು ತಿನ್ನು ಹೋಗು’ ಎಂದು ಮುಖಕ್ಕೆ ಹೊಡೆದಂತೆ ಹೇಳಿ ಬಾಗಿಲಿಕ್ಕಿಕೊಂಡು ಬಿಟ್ಟಿದ್ದ. ಆಗಲೇ ನಾನಂದುಕೊಂಡೆ, ಎಲ್ಲಾದ್ರೂ ಕೆಲಸ ಮಾಡಿ ಏನಾದ್ರೂ ಸಾಧಿಸಬೇಕು ಅಂತ. ಸಿಟ್ಟಿನಿಂದ ಮನೆ ಬಿಟ್ಟು ಬಂದಿದ್ದೆ. ಎಲ್ಲಿಗೆ ಹೋಗಬೇಕು ಅಂತ ಕೂಡ ಗೊತ್ತಿರಲಿಲ್ಲ.

ಬಸ್ಸಿನ ಮೂಲೆಗೆ ಕೂತು ಶೂನ್ಯವನ್ನೇ ದಿಟ್ಟಿಸುತ್ತಿದ್ದವನಿಗೆ ನಿನ್ನ ದೊಡ್ಡ ನಗೆ ಕಿರಿಕಿರಿ ಉಂಟು ಮಾಡುತ್ತಿತ್ತು. ಗೆಳತಿಯರ ಮಧ್ಯೆ ತಮಾಷೆ ಮಾಡುತ್ತಾ ಕಿಲಕಿಲನೆ ನಗುತ್ತಿದ್ದವಳ ಮೋಹಕ ಸೆಳೆತ ಮನಸಿಗೆ ಗಾಳ ಹಾಕಿತ್ತು. ತುಂಬು ಚಂದಿರನಂಥ ಮುಖ, ನೀಳ ಕೇಶರಾಶಿ, ನಕ್ಕರೆ ಸುತ್ತ ಬೆಳದಿಂಗಳು. ಎಲ್ಲ ಸೋತವನಂತೆ ಹ್ಯಾಪು ಮೋರೆ ಹಾಕಿ ಕೆದರಿದ ಕೂದಲಲ್ಲಿ ಬೆರಳಾಡಿಸುತ್ತಿದ್ದ ನನಗೆ ನಿನ್ನ ಓರೆನೋಟ, ದೊಡ್ಡ ನಗೆ ತೆಕ್ಕೆಗಟ್ಟಲೆ ಆತ್ಮಬಲ ತುಂಬಿತ್ತು. ಬದುಕು ಇಷ್ಟು ಸುಂದರ ಎಂದು ಗೊತ್ತೇ ಇರಲಿಲ್ಲ.

ಅಂದಿನಿಂದ ಇಂದಿನವರೆಗೆ ಕೆಲಸ ಬಿಟ್ಟು ಬೇರೇನೂ ಗೊತ್ತಿರಲಿಲ್ಲ ನನಗೆ. ಹಾಲು ಮಾರಿದೆ, ಪೇಪರ್‌ ಹಂಚಿದೆ, ಕಾವಲು ಕಾದೆ, ಸಿಮೆಂಟು ಕ‌ಲಸಿದೆ, ಕಲ್ಲು ಹೊತ್ತೆ, ಫ್ಯಾಕ್ಟರಿಗಳಲ್ಲಿ ದುಡಿದೆ. ಒಂದಾ… ಎರಡಾ..? ಕೆಲಸಗಳಿಗೇ ನಾಚಿಕೆಯಾಗಿರಬೇಕು ಬಿಡು. ಬಿದ್ದವ ಧೂಳು ಕೊಡವಿ, ಎಲ್ಲರೂ ಅಚ್ಚರಿಪಡುವಂತೆ ಮೇಲೆದ್ದು ನಿಂತುಬಿಟ್ಟೆ. 

ಅಣ್ಣ ಆಶ್ಚರ್ಯಪಟ್ಟಿದ್ದ. ಇದೆಲ್ಲಾ ಹೇಗೆ ಸಾಧ್ಯ ಅಂತ ನನಗೇ ಒಂದೊದಾÕರಿ ಅನ್ನಿಸಿದ್ದಿದೆ. ಆದರೆ ನಿನ್ನ ನಗೆ, ಅದರೊಳಗಿನ ಉತ್ಸಾಹದ ಸೆಲೆ ಇಷ್ಟು ದಿನ ನನ್ನೊಳಗೆ ಗಟ್ಟಿಯಾಗಿ ನಿಂತು, ಯಶಸ್ಸಿನ ತುತ್ತತುದಿ ಏರಲು ಕಾರಣವಾಯಿತು ಎಂಬುದಷ್ಟೇ ಸತ್ಯ. ಆ ದಿನದಿಂದ ಎಲ್ಲ ಕಡೆ ನನ್ನ ನಗೆಯೊಡತಿಯನ್ನು ಅರಸಿ ಅರಸಿ ದಣಿದಿದ್ದೇನೆ. ಎಷ್ಟೋ ಬಸ್ಸುಗಳ ಹತ್ತಿ ಇಳಿದು ನಿನ್ನ ತುಂಬುನಗೆ ಎಲ್ಲಿಯಾದರೂ ಕಂಡೀತಾ ಎಂದು ಕಾತರಿಸಿದ್ದೇನೆ.

“ನನ್ನೆಲ್ಲ ಗೆಲುವುಗಳ ಬೆನ್ನ ಹಿಂದೆ ನಿನ್ನ ದೊಡ್ಡ ನಗೆಯ ಕೈವಾಡ ಇತ್ತು’ ಎಂದು ಒಂದೇ ಉಸಿರಲ್ಲಿ ನಿನ್ನೆದುರು ಹೇಳಬೇಕೆಂಬ ಹಪಹಪಿ ಕಾಡುತ್ತಿದೆ. ಆ ಒಂದು ನಗೆ ನನಗೆ ದಕ್ಕದೇ ಹೋಗಿದ್ದರೆ ನಾನು ನಿಂತ ನೆಲದ ಹುಡಿಯಾಗಿ ಬಿಡುತ್ತಿದ್ದೆನೇನೋ? ಕಣ್ಣೊಳಗೆ ಆಸೆಯ ನಕ್ಷತ್ರಗಳು ಮಿನುಗಿ, ಎದೆಯ ಬಾನಲ್ಲಿ ಭರವಸೆಯ ಬೆಳಕು ಸುರಿದು, ಬದುಕಿನ ದಾರಿಯಲ್ಲೀಗ ನೂರೆಂಟು ಬಣ್ಣಗಳ ಕಾಮನಬಿಲ್ಲಿನ ಕಾವಲು. ಕನಸುಗಳ ಕೈಹಿಡಿದು ಜತನದಿ ಪೊರೆಯಲು ನಿನ್ನ ದೊಡ್ಡನಗೆಯ ನಿರೀಕ್ಷೆಯಲ್ಲಿ ನಾನಿದ್ದೇನೆ. ಸಿಗುತ್ತೀಯಲ್ಲವೆ…?

ನಾಗೇಶ್‌ ಜೆ. ನಾಯಕ 

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ, ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

Bommai

ಮಹಾರಾಷ್ಟ್ರದಲ್ಲಿರುವ ಸಾಂಗ್ಲಿ, ಸೊಲ್ಲಾಪುರವನ್ನು ರಾಜ್ಯಕ್ಕೆ ಸೇರಿಸುತ್ತೇವೆ: ಬೊಮ್ಮಾಯಿ

ಜ.26ರ ರೈತರ ಟ್ರ್ಯಾಕ್ಟರ್ Rally ಅನುಮತಿ ಬಗ್ಗೆ ದೆಹಲಿ ಪೊಲೀಸರು ನಿರ್ಧರಿಸಲಿ: ಸುಪ್ರೀಂ

ಜ.26ರ ರೈತರ ಟ್ರ್ಯಾಕ್ಟರ್ Rally ಅನುಮತಿ ಬಗ್ಗೆ ದೆಹಲಿ ಪೊಲೀಸರು ನಿರ್ಧರಿಸಲಿ: ಸುಪ್ರೀಂ

ಆನೆಗೊಂದಿ ಆದಿಶಕ್ತಿ ದೇಗುಲದ ಬಳಿ ಬೋನಿಗೆ ಬಿದ್ದ ಚಿರತೆ

ಆನೆಗೊಂದಿ ಆದಿಶಕ್ತಿ ದೇಗುಲದ ಬಳಿ ಬೋನಿಗೆ ಬಿದ್ದ ಚಿರತೆ

ಡಬಲ್ ಎಂಜಿನ್ ಗೆ ಬದ್ಧತೆ ಇದ್ದಿದ್ದರೆ ಠಾಕ್ರೆ ಹೇಳಿಕೆ ಖಂಡಿಸಬೇಕಿತ್ತು: ಕುಮಾರಸ್ವಾಮಿ

ಡಬಲ್ ಎಂಜಿನ್ ಗೆ ಬದ್ಧತೆ ಇದ್ದಿದ್ದರೆ ಠಾಕ್ರೆ ಹೇಳಿಕೆ ಖಂಡಿಸಬೇಕಿತ್ತು: ಕುಮಾರಸ್ವಾಮಿ

ಪಾಕಿಸ್ತಾನ ಸಿಂಧ್ ಪ್ರಾಂತ್ಯ; ಸ್ವಾತಂತ್ರ್ಯ ಪರ ರಾಲಿಯಲ್ಲಿ ಪ್ರಧಾನಿ ಮೋದಿ ಪೋಸ್ಟರ್

ಪಾಕಿಸ್ತಾನ ಸಿಂಧ್ ಪ್ರಾಂತ್ಯ; ಸ್ವಾತಂತ್ರ್ಯ ಪರ ರಾಲಿಯಲ್ಲಿ ಪ್ರಧಾನಿ ಮೋದಿ ಪೋಸ್ಟರ್!

ಯಡಿಯೂರಪ್ಪ ಸಿಡಿ ವಿಚಾರ ಸದನದಲ್ಲಿ ಪ್ರಸ್ತಾಪ: ಡಿ ಕೆ ಶಿವಕುಮಾರ್

ಯಡಿಯೂರಪ್ಪ ಸಿಡಿ ವಿಚಾರ ಸದನದಲ್ಲಿ ಪ್ರಸ್ತಾಪ: ಡಿ ಕೆ ಶಿವಕುಮಾರ್

siddaramaiah

ಬೆಳಗಾವಿ ನಮ್ಮದು, ನೀವೊಬ್ಬರು ಮುಖ್ಯಮಂತ್ರಿ ಎಂದು ಮರೆಯಬೇಡಿ; ಮಹಾ ಸಿಎಂ ಗೆ ಸಿದ್ದರಾಮಯ್ಯ







ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ರಿಯಲ್‌ ಹೀರೋ ವೀರಪ್ಪ :  ವೃತ್ತಿ, ರೈಲ್ವೆ ಸಹಾಯಕ ಪ್ರವೃತ್ತಿ ಶಿಕ್ಷಕ!

ರಿಯಲ್‌ ಹೀರೋ ವೀರಪ್ಪ : ವೃತ್ತಿ, ರೈಲ್ವೆ ಸಹಾಯಕ ಪ್ರವೃತ್ತಿ ಶಿಕ್ಷಕ!

ಬಿದಿರ ಕೊರಡು ಕೊನರದೇಕೆ?

ಬಿದಿರ ಕೊರಡು ಕೊನರದೇಕೆ?

ಯೋಗ ನಿರೋಗ : ಸೇತು ಬಂಧಾಸನ

ಯೋಗ ನಿರೋಗ : ಸೇತು ಬಂಧಾಸನ

ಯಾವುದಾದರೂ 10ಕ್ಕೆ ಮಾರ್ಕ್ಸ್ ಕೊಡಿ!

ಯಾವುದಾದರೂ 10ಕ್ಕೆ ಮಾರ್ಕ್ಸ್ ಕೊಡಿ!

ಹಬ್ಬದ ದಿನ ತಪ್ಪಿಸದೇ ಮನೆಗೆ ಬಾ…

ಹಬ್ಬದ ದಿನ ತಪ್ಪಿಸದೇ ಮನೆಗೆ ಬಾ…

MUST WATCH

udayavani youtube

KBCಯಲ್ಲಿ 12.5 ಲಕ್ಷ ಗೆದ್ದು ಬಡ ಮಕ್ಕಳ ಆಶಾಕಿರಣವಾದ ರವಿ ಕಟಪಾಡಿ | Udayavani

udayavani youtube

Whatsapp ಅನ್ನು ಓವರ್ ಟೇಕ್ ಮಾಡಿದ ಸಿಗ್ನಲ್!!??

udayavani youtube

ದ.ಕ ಜಿಲ್ಲೆಯಲ್ಲಿ ಕೋವಿಡ್ ಲಸಿಕೆ ವಿತರಣೆ ಅಭಿಯಾನಕ್ಕೆ ಕೋಟ ಶ್ರೀನಿವಾಸ ಪೂಜಾರಿ ಚಾಲನೆ

udayavani youtube

ಉಡುಪಿ ಜಿಲ್ಲಾಸ್ಪತ್ರೆಯಲ್ಲಿ ಕೋವಿಡ್ 19 ಲಸಿಕೆ ಅಭಿಯಾನ; ಪ್ರಥಮ ಡೋಸ್ ನೀಡಿ ಚಾಲನೆ

udayavani youtube

ಉಡುಪಿಯಲ್ಲಿ ಕೋರೋನಾ ಲಸಿಕೆ ಪಡೆದ ಮೊದಲ ವ್ಯಕ್ತಿಯ ಮಾತು

ಹೊಸ ಸೇರ್ಪಡೆ

Bommai

ಮಹಾರಾಷ್ಟ್ರದಲ್ಲಿರುವ ಸಾಂಗ್ಲಿ, ಸೊಲ್ಲಾಪುರವನ್ನು ರಾಜ್ಯಕ್ಕೆ ಸೇರಿಸುತ್ತೇವೆ: ಬೊಮ್ಮಾಯಿ

ಗ್ರಾ.ಪಂ ಅಧ್ಯಕ್ಷ- ಉಪಾಧ್ಯಕ್ಷ ಮೀಸಲಾತಿ ಆಯ್ಕೆ: ಬ್ರಹ್ಮಾವರ ತಾಲೂಕಿನ ವಿವರ

ಗ್ರಾ.ಪಂ ಅಧ್ಯಕ್ಷ- ಉಪಾಧ್ಯಕ್ಷ ಮೀಸಲಾತಿ ಆಯ್ಕೆ: ಬ್ರಹ್ಮಾವರ ತಾಲೂಕಿನ ವಿವರ

ಹುತಾತ್ಮ ದಿನಾಚರಣೆಗೆ ಆಗಮಿಸುತ್ತಿದ್ದ ಮಹಾರಾಷ್ಟ್ರ ಸಚಿವನ ವಾಪಸ್‌ ಕಳಿಸಿದ ಪೊಲೀಸರು

ಹುತಾತ್ಮ ದಿನಾಚರಣೆಗೆ ಆಗಮಿಸುತ್ತಿದ್ದ ಮಹಾರಾಷ್ಟ್ರ ಸಚಿವನ ವಾಪಸ್‌ ಕಳಿಸಿದ ಪೊಲೀಸರು

ಜ.26ರ ರೈತರ ಟ್ರ್ಯಾಕ್ಟರ್ Rally ಅನುಮತಿ ಬಗ್ಗೆ ದೆಹಲಿ ಪೊಲೀಸರು ನಿರ್ಧರಿಸಲಿ: ಸುಪ್ರೀಂ

ಜ.26ರ ರೈತರ ಟ್ರ್ಯಾಕ್ಟರ್ Rally ಅನುಮತಿ ಬಗ್ಗೆ ದೆಹಲಿ ಪೊಲೀಸರು ನಿರ್ಧರಿಸಲಿ: ಸುಪ್ರೀಂ

ಶಿಷ್ಟಾಚಾರ ಉಲ್ಲಂಘಿಸಿದ ತಹಶೀಲ್ದಾರ್‌ : ಶರಣು ಬೆಲ್ಲದ ಆರೋಪ

ಶಿಷ್ಟಾಚಾರ ಉಲ್ಲಂಘಿಸಿದ ತಹಶೀಲ್ದಾರ್‌ : ಶರಣು ಬೆಲ್ಲದ ಆರೋಪ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.