ಥ್ರಿಲ್ಲರ್ ಕಥೆಗಳು

Team Udayavani, Jan 1, 2019, 12:30 AM IST

ಈ ಕಥೆಗಳನ್ನು ಓದುತ್ತಿದ್ದಂತೆಯೇ ನಿಮಗೆ ಭಯವಾದರೆ, ಮೈ ಜುಂ ಅಂದರೆ ನಾವದಕ್ಕೆ ಜವಾಬ್ದಾರರಲ್ಲ!

1.    ಬ್ಯೂಟಿ ಪಾರ್ಲರ್‌ನಲ್ಲಿ ಜಾಸ್ತಿ ಕೆಲಸ ಇದ್ದಿದ್ದರಿಂದ, ಪಲ್ಲವಿ ಆ ರಾತ್ರಿ ಪಾರ್ಲರ್‌ನಲ್ಲಿಯೇ ಮಲಗಿದಳು. ಮಳೆಯ ಕಾರಣ ಕರೆಂಟ್‌ ಕೂಡಾ ಇರಲಿಲ್ಲ. ಮಧ್ಯರಾತ್ರಿ ಇದ್ದಕ್ಕಿದ್ದಂತೆ ಒಳಗಿನಿಂದ ನೀರು ತೊಟ್ಟಿಕ್ಕುತ್ತಿರುವ ಸದ್ದು ಕೇಳಿತು. ಗಾಬರಿಯಾಗಿ, ಬೆಂಕಿಪೊಟ್ಟಣ ಹುಡುಕಿ, ಕಡ್ಡಿ ಗೀರಿ, ಸದ್ದು ಬಂದ ಕಡೆ ತಿರುಗಿದಾಗ ಕಂಡಿದ್ದು, ಕನ್ನಡಿ ಮುಂದೆ ಕೂತು ತನ್ನ ರಕ್ತಸಿಕ್ತ ಕೈಗೆ ಮೆಹಂದಿ ಹಾಕಿಕೊಳ್ಳುತ್ತಿದ್ದ ಮಹಿಳೆ! 

2.    ಕಾಡಿನಲ್ಲಿ ಕಳೆದುಹೋಗಿದ್ದ ಪ್ರವಾಸಿಗರಿಗೆ, ಅರಣ್ಯ ಇಲಾಖೆಯ ಭೈರ ಎಂಬಾತ ಎದುರಾಗಿ, ಅವರನ್ನು ಸಮಾಧಾನ ಪಡಿಸಿ ಕಾಡಿನ ಅಂಚಿಗೆ ತಂದು ಬಿಟ್ಟು ಹೋದ. ಅಲ್ಲಿಂದ ಸೀದಾ ಅರಣ್ಯ ಇಲಾಖೆಯ ಕಚೇರಿಗೆ ಬಂದ ಪ್ರವಾಸಿಗರು, ನಡೆದ ಘಟನೆಯನ್ನು ವಿವರಿಸಿದರು. ಆಗ ಅಲ್ಲಿನ ಅಧಿಕಾರಿ, ಯಾರು, ಭೈರನೇ? ಆತ, ಆರು ತಿಂಗಳ ಹಿಂದಷ್ಟೇ ಆನೆ ದಾಳಿಗೆ ಸಿಲುಕಿ ತೀರಿಕೊಂಡನಲ್ಲ? ಎಂದಾಗ ಪ್ರವಾಸಿಗರು ಬೆಚ್ಚಿಬಿದ್ದರು.

3. ಬಾರ್‌ನಲ್ಲಿ ಕುಡಿದು ಚಿತ್ತಾದ ನಾಲ್ವರು ಗೆಳೆಯರು, ಯಾವುದಾದರೂ ವಾಹನವನ್ನು ಅಡ್ಡಗಟ್ಟಿ ಕೀಟಲೆ ಮಾಡೋಣ ಎಂದು ಯೋಚಿಸಿದರು. ಅದೇ ಸಮಯಕ್ಕೆ ಬಂದ ಆಟೋಕ್ಕೆ ಕೈ ಅಡ್ಡ ಹಾಕಿ, ಪ್ರಯಾಣಿಕರ ಸೋಗು ಹಾಕಿದರು. ಆಟೋ ಸ್ವಲ್ಪ ದೂರ ಹೋಗುತ್ತಿದ್ದಂತೆ ಡ್ರೈವರ್‌ಗೆ ಚಾಕು ತೋರಿಸಿ, ಹಣ ಕೊಡು, ಇಲ್ಲದಿದ್ದರೆ ಕೊಂದುಬಿಡುತ್ತೇವೆ ಎಂದು ಹೆದರಿಸಿದರು. ಕೊಡ್ತೀನಿ ಇನ್ನೂ ಸ್ವಲ್ಪ ಹೊತ್ತು ತಡೆಯಿರಿ ಎಂದು ಚಾಲಕ ಒಮ್ಮೆಗೆ ತನ್ನ ಇಡೀ ಕತ್ತನ್ನು ಹಿಂದೆ ತಿರುಗಿಸಿ, ಭಯಾನಕ ಮುಖ ತೋರಿದಾಗ ಕುಡಿದ ನಶೆ ಜರ್ರನೇ ಇಳಿದುಹೋಯಿತು.

ಪುರುಷೋತ್ತಮ್‌ ವೆಂಕಿ

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಏನಾದರಾಗಲಿ, ಈ ಹುಡುಗಿ ಯಾರಂತ ತಿಳಿದುಕೊಳ್ಳಲೇಬೇಕು ಅಂತ ಮನಸ್ಸು ಹಠ ಹಿಡಿಯಿತು. ಯಾವುದೋ ಅಪ್ಲಿಕೇಷನ್‌ ತುಂಬುವ ನೆಪ ಹೂಡಿ, ನಿನಗಾಗಿ ಕಾಯುತ್ತಾ ನಿಂತೆ. ಹತ್ತು...

  • ಗ್ರೂಪ್‌ನ ಹೆಸರು: ಕನ್ನಡ ಶಾಲೆ ದೋಸ್ತರು ಅಡ್ಮಿನ್‌ಗಳು: ಮುತ್ತಪ್ಪ ಎಸ್‌. ಕ್ಯಾಲಕೊಂಡ, ಬಸವರಾಜ, ಶರಣ, ಶಿವಬಸು, ಸಿದ್ದು, ಸುನೀರ್‌, ಶಮೀರ, ಮಹೇಶ್‌, ಸಚಿನ್‌, ಯಲ್ಲಪ್ಪ... ಇಂದು...

  • ತುಂಬಾ ದಿನಗಳಾಯ್ತಲ್ಲ ನಿನಗೆ ಪತ್ರ ಬರೆದು? ಮತ್ತೇನು ವಿಶೇಷ ಅಂತ ಕೇಳಬೇಡ. ಇನ್ನೇನಿರುತ್ತೆ ನನ್ನಂಥವನಿಗೆ, ನಿನ್ನ ಧ್ಯಾನವೊಂದನ್ನು ಬಿಟ್ಟರೆ. ಹೊರಗೆ ಧೋ ಎಂದು...

  • ಪೂರ್ಣಚಂದ್ರ ತೇಜಸ್ವಿ ಅವರ "ಮಿಸ್ಸಿಂಗ್‌ ಲಿಂಕ್‌' ಪುಸ್ತಕ ಓದಿದವರಿಗೆ ಪುರಾತನ ಅಸ್ಥಿಪಂಜರಗಳ ಜಾಡು ಹಿಡಿದು ಮನುಷ್ಯನ ಪೂರ್ವಜನ ಹುಡುಕಾಟ ನಡೆಸಿದ್ದ ಘಟನೆಗಳು...

  • ಕೆಲ ವರ್ಷಗಳ ಹಿಂದೆ ಕುಟುಂಬದವರೆಲ್ಲ ತಿರುಪತಿಗೆ ತೆರಳಿದ್ದೆವು. ವರಾಹ ದೇಗುಲ ದರ್ಶನಕ್ಕೆ ಬಂದು, ಕೈಕಾಲು ತೊಳೆಯಲು ಪುಷ್ಕರಿಣಿಗೆ ಇಳಿದೆವು. ಸುಮಾರು ಜನರಿದ್ದರು....

ಹೊಸ ಸೇರ್ಪಡೆ