Udayavni Special

ಮೂಕಜ್ಜಿಯ ಅರಳಿಮರ ಪ್ರಸಂಗ


Team Udayavani, Dec 7, 2019, 6:00 AM IST

sw-25

ಡಾ.ಕೆ. ಶಿವರಾಮ ಕಾರಂತರ “ಮೂಕಜ್ಜಿಯ ಕನಸುಗಳು’ ಈಗ ಸಿನಿಮಾ ತೆರೆಯ ಮೇಲೆ ಎದ್ದುಬಂದಿದ್ದಾಳೆ. ಆ ಚಿತ್ರದಲ್ಲಿ ಆಕೆಯ ಪಾಲಿಗೆ ಧ್ಯಾನಪೀಠವೇ ಆಗಿಹೋಗಿರುವುದು, ಒಂದು ಬೃಹತ್‌ ಅರಳಿಮರ. ನಿರ್ದೇಶಕ ಪಿ. ಶೇಷಾದ್ರಿ ಅವರು ಕಾರಂತರ ಕಾಲ್ಪನಿಕ ಜಗತ್ತಿಗೆ ಹೊಂದುವಂಥ ಅರಳಿ ವೃಕ್ಷವನ್ನು ಹುಡುಕಾಡಿದ್ದರ ಹಿಂದೊಂದು ಚೆಂದದ ಕತೆಯಿದೆ…

“ಮೂಕಜ್ಜಿಯ ಕನಸುಗಳು ಸಿನಿಮಾಗೆ ಹಳೇ ಸಾಂಪ್ರದಾಯಿಕ ಮನೆ, ಆ ಮನೆ ಮುಂದೆ ದೊಡ್ಡದೊಂದು ಅರಳೀಮರ ಬೇಕಿತ್ತು’ ಎನ್ನುವ ಆಶಯದಿಂದ ಪಿ. ಶೇಷಾದ್ರಿ ಅವರು ವರ್ಷದ ಹಿಂದೆ ನಮ್ಮೂರಿಗೆ ಬಂದಿದ್ದರು.

ದೂರದಿಂದ ಬೆಟ್ಟದ ಸಾಲುಗಳು ಕಾಣುವ, ಸುತ್ತಲೂ ಮೈಗೆಲ್ಲಾ ಹಸಿರ ಹಚ್ಚೆ ಹಚ್ಚಿ ನಿಂತಿರುವ ಬಸದಿ ಬೀಡಿನ ದಾರಿಯಲ್ಲೊಂದು ದೊಡ್ಡ ಅರಳಿಮರವಿತ್ತು. ಅಲ್ಲೇ ತುಸು ದೂರದಲ್ಲಿ ಗತದ ಗುಂಗಲ್ಲಿ ನಿಂತಿದ್ದ ಸಾಂಪ್ರದಾಯಿಕ ಮನೆ. ಮೂಕಜ್ಜಿಗೆ ಕನಸು ಕಾಣಲು ಈ ಜಾಗ ಸೂಕ್ತವಾಗಬಹುದೆಂದು ನಿರ್ದೇಶಕ ಪಿ. ಶೇಷಾದ್ರಿ ಅವರಿಗೆ ತೋರಿಸಿದೆ. ಅವರೂ, ಅವರ ತಂತ್ರಜ್ಞರೂ ಆ ಅರಳಿಮರ, ಆ ಮನೆ, ಆ ಪರಿಸರದ ಇಂಚಿಂಚನ್ನೂ ಅರಳುಗಣ್ಣುಬಿಡುತ್ತಾ ಅಳೆದು ತೂಗಿದ್ದರು. ಇಲ್ಲೇ ಚಿತ್ರೀಕರಣವಾದರೆ, ಮೂಕಜ್ಜಿ ತೆರೆಗೆ ಬರುವ ಮೊದಲೇ ನಾನವಳನ್ನು ನೋಡಬಹುದೆಂದು ಒಳಗೊಳಗೇ ಖುಷಿಪಟ್ಟೆ. ಆದರೆ, ನಿರ್ದೇಶಕರು: “ಈ ಮರ, ಮನೆ ಎಲ್ಲಾನೂ ಸೂಕ್ತವಾಗಿದೆ. ಆದ್ರೆ ಮರದ ಪಕ್ಕದಲ್ಲೇ ದೊಡ್ಡದೊಂದು ಲೈಟು ಕಂಬವಿದೆ. ಅಲ್ಲದೆ, ಆಧುನಿಕತೆಯ ಚಾಪು ಚೂರು ಎದ್ದು ಕಾಣಿ¤ದೆ. ಯಾವ ಆಧುನಿಕತೆಯ ಸುಳಿವೂ ಕಾಣದ ಜಾಗಬೇಕು ನಮ್ಮ ಕನಸಿನ ಮೂಕಜ್ಜಿಗೆ’ ಅಂದರು.

ನನಗೆ ಅವರು ಯಾವಾಗ ಶಿವರಾಮ ಕಾರಂತರ “ಮೂಕಜ್ಜಿಯ ಕನಸುಗಳು’ ಕಾದಂಬರಿಯ ಸಿನಿಮಾ ಮಾಡಿ ಮುಗಿಸುತ್ತಾರೋ ಅಂತ ಆಸೆಯಾಗಿತ್ತು.

ಅರಳಿಮರವೂ, ಸಿನಿಮಾದಲ್ಲಿ ಬರಬಹುದಾದ ಮೂಕಜ್ಜಿಯೂ ನನ್ನೊಳಗೆ ಕಾಡುತ್ತಿದ್ದಳು. ಇನ್ನಷ್ಟು ಕಾಡುವ ಹೊತ್ತಿಗೆ ಬ್ರಹ್ಮಾವರದ ಕಡೆ ಸಿನಿಮಾ ತಂಡ, ಶೂಟಿಂಗ್‌ ಮುಗಿಸಿದ್ದೂ ಆಯ್ತು. ಚಿತ್ರ ಬಿಡುಗಡೆಗೂ ಸಿದ್ಧವಾಯಿತು. ಆ ಚಿತ್ರದ ಪೋಸ್ಟರ್‌ ನೋಡುವಾಗೆಲ್ಲಾ ಅಲ್ಲಿರುವ ಅರಳಿಮರ ಕಾಡುತ್ತಿತ್ತು. ಅದು ನಾನು ತೋರಿಸಿದ ಅರಳಿಮರವಲ್ಲವಾದರೂ, ಅದರ ತಂಗಾಳಿ ಮೈಸೋಕಿದಂತಾಗಿ ದೊಡ್ಡ ಪರದೆಯಲ್ಲಿ ಆ ಅರಳಿಮರವನ್ನೂ, ಅದರ ಕೆಳಗೆ ಕೂತ ಮೂಕಜ್ಜಿಯನ್ನು ಕಣ್ತುಂಬಿಕೊಳ್ಳಬೇಕು ಎಂದು ನಮ್ಮೂರಿನ ಪುಟ್ಟ ಚಿತ್ರಮಂದಿರದತ್ತ ಹೋಗಿ ಉಬ್ಬಿದ್ದೇ ಆಯ್ತು… “ಜನ ಇಲ್ಲ, ಇವತ್ತು ಶೋ ಇಲ್ಲ’ ಎಂದರು ಥಿಯೇಟರ್‌ನವರು. ನಿರಾಶನಾಗಿ ಶನಿವಾರ ಹೋದ್ರೆ “ಇವತ್ತೇನೋ ಟೆಕ್ನಿಕಲ್‌ ಇಶ್ಶೂ, ನಾಳೆ ನೋಡ್ವ’ ಅಂದುಬಿಟ್ರಾ. ಮೂಕಜ್ಜಿಯ ನಿರೀಕ್ಷೆ ವಿಪರೀತವಾಗಿ ಮರುದಿನವೂ ಹೋದೆ. “ಸ್ವಲ್ಪ ಹೊತ್ತು ಕಾಯಿರಿ. ಜನ ಬರ್ತಾರೋ ನೋಡ್ವಾ, ಬಂದ್ರೆ ನಿಮ್‌ ಅದೃಷ್ಟ’ ಅಂದ್ರು. ಕೆಲವೇ ಕ್ಷಣದಲ್ಲಿ ಗಂಡ- ಹೆಂಡತಿ ಜೋಡಿ ಬಂದ್ರು.

“ಕನಿಷ್ಠ ಹತ್ತು ಜನಾನಾದ್ರೂ ಬಂದ್ರೆ ಸಿನಿಮಾ ಹಾಕ್ತೇವೆ. ಕರೆಂಟ್‌ ಖರ್ಚಾದ್ರೂ ಬರುತ್ತೆ. ಇನ್ಯಾರಾದ್ರೂ ಇದ್ದಾರಾ ನೋಡಿ’ ಅಂದ್ರು ಸಿಬ್ಬಂದಿ. ಅಷ್ಟೊತ್ತಿಗೆ ಆರು ಜನ ಕಾಲೇಜು ಹುಡುಗ್ರು, ಇನ್ನೊಂದಿಬ್ಬರು ಗಂಡಸರು ಭರವಸೆಯಂತೆ ಬಂದುಬಿಟ್ಟಿದ್ದೇ ಮೂಕಜ್ಜಿಯ ಕನಸು ನೋಡೋ ನನ್ನ ಕನಸು ನನಸಾಯ್ತು.

ಆಹಾ! ಬೆಳ್ಳಿ ಪರದೆಯಲ್ಲಿ ವಿಶಾಲವಾಗಿ ಚಾಚಿ ನಿಂತಿದೆ ಅರಳೀಮರ. ಆಕಾಶಕ್ಕೂ ಕನಸು ಕಾಣಿಸುತ್ತಾ ಹೊಳೆಯೋ ಅದರ ಎಲೆಗಳು! ಕತೆ ಹೇಳುವ ದಷ್ಟಪುಷ್ಟ ಕಾಂಡ, ಅಬ್ಟಾ! ಆ ಮರ ನೋಡುವ ಪುಳಕ ಹೇಳುವುದು ಬೇಡ… ಅಷ್ಟು ಚಂದವಿತ್ತು.

ರೆಂಬೆಯಡಿಯಿಂದ ಮೂಕಜ್ಜಿಯ ನೋಡಿ ಧನ್ಯನಾಗುವ ಆ ಅರಳಿಮರ ನಮ್ಮ ಪಕ್ಕದೂರಿನದ್ದು ಎಂದು ತಿಳಿದು ವಿಸ್ಮಿತನಾದೆ. ನಾನು ತೋರಿಸಿದ್ದ ಅರಳಿಮರವಾದರೇನು? ಪಕ್ಕದೂರಿನ¨ªಾದರೇನು? ಎಲ್ಲ ಅರಳಿಮರಕ್ಕೂ ಒಂದೇ ಭಾಷೆ, ಆಕಾಶಕ್ಕೆ ಚಾಚುವ ಒಂದೇ ಕನಸಲ್ಲವಾ? ಅಂದುಕೊಂಡು ಅರಳಿಮರವನ್ನೂ, ಮೂಕಜ್ಜಿಯನ್ನೂ ಕಣ್ತುಂಬಿಕೊಂಡೆ. ಸಿನಿಮಾ ಮುಗಿದ ನಂತರವೂ, ಅರಳಿಮರದಲ್ಲೆಲ್ಲಾತುಂಬಿಕೊಂಡ ಗಾಳಿಯ ಬೀಸು ಕಾಡುತ್ತಿತ್ತು.

ಅದೇ ಗುಂಗಲ್ಲಿ ಮಾತಿಗೆ ಸಿಕ್ಕ ನಿರ್ದೇಶಕ ಪಿ. ಶೇಷಾದ್ರಿಯವರಿಗೆ, “ನಿಮಗ್ಯಾಕೆ ಅದೇ ಅರಳಿಮರ, ಆ ಮನೆ ಇಷ್ಟವಾಯ್ತು?’ ಎಂದು ಕೇಳಿದೆ. ಅವರು ಹೇಳುತ್ತಾ ಹೋದರು…

“ಮೂಕಜ್ಜಿಗೋಸ್ಕರ ಉಡುಪಿಯ ಆಸುಪಾಸಿನಲ್ಲಿ ಸುಮಾರು 200 ಮರಗಳನ್ನು ನೋಡಿದ್ದೇನೆ. ಅರಳಿಮರಗಳೆಲ್ಲಾ ಒಂದೇ ಆಗಿದ್ದರೂ ನನ್ನ ಕಲ್ಪನೆಯ ಅರಳಿಮರವೇ ಬೇರೆಯಾಗಿತ್ತು, ಅದು ಬೇರು ತುಂಬಿಕೊಂಡು ಕತೆ ಹೇಳುವಂತಿರಬೇಕು, ಎಲೆಗಳನ್ನು ಫ‌ೂರ್ತಿ ಹರಡಿ ಮೈತುಂಬಿಕೊಂಡು ವಿಶಾಲವಾಗಿರಬೇಕು. ಸುತ್ತಲೂ ಯಾವುದೇ ಆಧುನಿಕತೆ ಕಾಣಬಾರದು, ಮರದಿಂದ ಸ್ವಲ್ಪ ದೂರದಲ್ಲಿ ಚಂದದ ಮನೆಯಿರಬೇಕು ಅಂತೆಲ್ಲಾ ಕಲ್ಪಿಸಿದ್ದೆ. ಕೊನೆಗೆ ಉಡುಪಿ ಜಿಲ್ಲೆಯ ಬ್ರಹ್ಮಾವರದ ಪರಿಸರದಲ್ಲಿ ನನ್ನ ಕಲ್ಪನೆಗೆ ಹತ್ತಿರಾಗಿರುವ ಅರಳೀಮರವೂ, ಮನೆಯೂ ಸಿಕ್ಕಿತು’.

ತಾನು ಬೇರೆಯಲ್ಲ, ಆ ಮರ ಬೇರೆಯಲ್ಲ ಎಂಬಂತೆ ಬದುಕಿದ ಮೂಕಜ್ಜಿ ಒಂದು ಪಾತ್ರವೆಂದು ಅನ್ನಿಸದೇ ನಮ್ಮ ಮನೆ ಜಗುಲಿಯ ಜೀವ ಅಂತ ಅನ್ನಿಸೋ ಆ ಕ್ಷಣ ಅಮೂರ್ತ.

ಅರಳಿಮರ ಅನ್ನೋದು ದೊಡ್ಡ ರೂಪಕ. ಅದರ ಒಂದೊಂದು ಬಿಳಲುಗಳೂ, ಎಲೆಗಳೂ ನಮ್ಮ ಮನಸ್ಸಿನ, ಭಾವನೆಗಳ ಸಂಕೇತದಂತಿದೆ. ನಾನು ನೋಡಿದ 200 ಮರಗಳ ಗಾಳಿಯ ಆಹ್ಲಾದವೂ ರೆಂಬೆಕೊಂಬೆಗಳ ಘಮವೂ ನನ್ನೊಳಗೆ ಕಾಡಿದೆ. ಆದರೆ, ಮೂಕಜ್ಜಿಯ ವಿಷಯ ಬಂದಾಗ ಮಾತ್ರ, ಬ್ರಹ್ಮಾವರದ ಈ ಮರವೇ ತುಂಬಾ ಇಷ್ಟವಾಯ್ತು.
– ಪಿ. ಶೇಷಾದ್ರಿ, ಚಿತ್ರ ನಿರ್ದೇಶಕ

– ಪ್ರಸಾದ್‌ ಶೆಣೈ ಆರ್‌.ಕೆ.

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

Rajiv-Thyagi

ಹಿರಿಯ ಕಾಂಗ್ರೆಸ್ ನಾಯಕ ರಾಜೀವ್ ತ್ಯಾಗಿ ನಿಧನ

ಬೀದರ್: ಕೋವಿಡ್ 19 ಸೋಂಕಿಗೆ 03 ಸಾವು ; 134 ಹೊಸ ಪ್ರಕರಣ ಪತ್ತೆ

ಬೀದರ್: ಕೋವಿಡ್ 19 ಸೋಂಕಿಗೆ 03 ಸಾವು ; 134 ಹೊಸ ಪ್ರಕರಣ ಪತ್ತೆ

ರಾಜಸ್ಥಾನ್‌ ರಾಯಲ್ಸ್‌ ಕೋಚ್‌ ದಿಶಾಂತ್‌ಗೆ ಸೋಂಕು

ರಾಜಸ್ಥಾನ್‌ ರಾಯಲ್ಸ್‌ ಕೋಚ್‌ ದಿಶಾಂತ್‌ಗೆ ಸೋಂಕು

ಟಾಪ್‌ ಸೀಡ್‌ ಓಪನ್‌ ಟೆನಿಸ್:‌ ಸೆರೆನಾ-ವೀನಸ್‌ ಮುಖಾಮುಖಿ

ಟಾಪ್‌ ಸೀಡ್‌ ಓಪನ್‌ ಟೆನಿಸ್:‌ ಸೆರೆನಾ-ವೀನಸ್‌ ಮುಖಾಮುಖಿ

ಕೆ.ಜಿ.ಹಳ್ಳಿ ಗಲಭೆ ಪ್ರಕರಣ: ಅಖಂಡ – ಡಿಕೆಶಿ ಭೇಟಿ ; ‍ಘಟನೆಯ ಮಾಹಿತಿ ಪಡೆದ KPCC ಅಧ್ಯಕ್ಷರು

ಕೆ.ಜಿ.ಹಳ್ಳಿ ಗಲಭೆ ಪ್ರಕರಣ: ಅಖಂಡ – ಡಿಕೆಶಿ ಭೇಟಿ ; ‍ಘಟನೆಯ ಮಾಹಿತಿ ಪಡೆದ KPCC ಅಧ್ಯಕ್ಷರು

ಸಿಎಸ್‌ಕೆ ಪರಿವಾರ ಯುಎಇಗೆ ತೆರಳದು

ಸಿಎಸ್‌ಕೆ ಪರಿವಾರ ಯುಎಇಗೆ ತೆರಳದು

ದಾವಣಗೆರೆ: ಕೋವಿಡ್ 19 ಸೋಂಕಿಗೆ ಒಂದೇ ದಿನ 6 ಬಲಿ ; ಇಂದು 170 ಜನರು ಸೋಂಕಿನಿಂದ ಚೇತರಿಕೆ

ದಾವಣಗೆರೆ: ಕೋವಿಡ್ 19 ಸೋಂಕಿಗೆ ಒಂದೇ ದಿನ 6 ಬಲಿ ; ಇಂದು 170 ಜನರು ಸೋಂಕಿನಿಂದ ಚೇತರಿಕೆ




ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

cycle-yatri

ಸೈಕಲ್‌ ಯಾತ್ರಿಕನ ಕನಸು

bili-saheb

ಬಿಳಿ ಸಾಹೇಬನ ಬೇಂದ್ರೆ

sagarotttara

ಸಾಗರೋತ್ತರ ದೇಶಗಳಲ್ಲಿ ರಾಮಾಯಣ

ondu-kote

ಒಂದು ಕೋಟೆ ಯಾನ

koodali

ಕೂಡಲಿ ಊಟದ ಸೊಗಸು

MUST WATCH

udayavani youtube

ಪಾರಂಪರಿಕ ಕುಂಬಾರಿಕೆ ವೃತ್ತಿಗೆ Modern Touch | Traditional Pottery Making

udayavani youtube

ಕೂಲಿ ಕೆಲಸದ ಜೊತೆಗೆ ವಿದ್ಯಾಭ್ಯಾಸ ಮಾಡಿ SSLCಯಲ್ಲಿ616 ಅಂಕ : ಶಿಕ್ಷಣ ಸಚಿವರಿಂದ ಅಭಿನಂದನೆ

udayavani youtube

ಕೋವಿಡ್ ತಡೆಗೆ ಸಿದ್ಧವಾಯ್ತ ವಿಶ್ವದ‌ ಮೊದಲ ಲಸಿಕೆ? ಪುಟಿನ್ ಪುತ್ರಿಗೂ ವ್ಯಾಕ್ಸಿನ್?

udayavani youtube

ಮಿತ್ತಬಾಗಿಲು ಗ್ರಾಮದ ಕಾಡುಮನೆ ಬಳಿ ಭಾರಿ ಭೂಕುಸಿತ: ಆತಂಕದಲ್ಲಿ ನಿವಾಸಿಗಳು

udayavani youtube

SSLC ಪರೀಕ್ಷೆಯಲ್ಲಿ ರಾಜ್ಯದಲ್ಲಿ ದ್ವಿತೀಯ ಸ್ಥಾನ ಹಂಚಿಕೊಂಡ ನಿಧಿ ರಾವ್



ಹೊಸ ಸೇರ್ಪಡೆ

“ಸ್ಮಾರ್ಟ್‌ ಬಸ್‌ ಶೆಲ್ಟರ್‌’ ಅವ್ಯವಸ್ಥೆ; ಜನರ ದುಡ್ಡು ಪೋಲು!

ವಿಶೇಷ ವರದಿ: “ಸ್ಮಾರ್ಟ್‌ ಬಸ್‌ ಶೆಲ್ಟರ್‌’ ಅವ್ಯವಸ್ಥೆ; ಜನರ ದುಡ್ಡು ಪೋಲು!

ಉದಯವಾಣಿ ರೈತಸೇತು: ವೈಜ್ಞಾನಿಕ ಕ್ರಮದಿಂದ ಉತ್ತಮ ಲಾಭ

ಉದಯವಾಣಿ ರೈತಸೇತು: ವೈಜ್ಞಾನಿಕ ಕ್ರಮದಿಂದ ಉತ್ತಮ ಲಾಭ

ಬಿಪಿಎಲ್‌ ಕಾರ್ಡುದಾರರಿಗೆ 5 ಲಕ್ಷ ರೂ.ವರೆಗೆ ಉಚಿತ ಚಿಕಿತ್ಸೆ

ಬಿಪಿಎಲ್‌ ಕಾರ್ಡುದಾರರಿಗೆ 5 ಲಕ್ಷ ರೂ.ವರೆಗೆ ಉಚಿತ ಚಿಕಿತ್ಸೆ

ಹೆಚ್ಚು ಆದಾಯ ಗಳಿಕೆ  ಟಾಪ್‌ ಟೆನ್‌ನಲ್ಲಿ ಅಕ್ಷಯ್‌

ಹೆಚ್ಚು ಆದಾಯ ಗಳಿಕೆ ಟಾಪ್‌ ಟೆನ್‌ನಲ್ಲಿ ಅಕ್ಷಯ್‌

ಪುಲ್ವಾಮಾ ಎನ್‌ಕೌಂಟರ್‌: ಯೋಧ ಹುತಾತ್ಮ

ಪುಲ್ವಾಮಾ ಎನ್‌ಕೌಂಟರ್‌: ಯೋಧ ಹುತಾತ್ಮ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.