ಕೈಗನ್ನಡಿಯ ತೊಟ್ಟು ನೋಡಿ!


Team Udayavani, Feb 5, 2020, 4:04 AM IST

feb-8

ಅಲೆಮಾರಿ ಜನಾಂಗದ ಉಡುಗೆ-ತೊಡುಗೆಯಿಂದ ಪ್ರೇರಣೆ ಪಡೆದು ಅದೆಷ್ಟೋ ವಸ್ತ್ರ ವಿನ್ಯಾಸಕರು, ಆಭರಣ ತಯಾರಕರು ಫ್ಯಾಷನ್‌ ಲೋಕಕ್ಕೆ ಹೊಸ ಹೊಸ ವಸ್ತುಗಳನ್ನು ಪರಿಚಯಿಸುತ್ತಾ ಬಂದಿದ್ದಾರೆ. ಅವುಗಳಲ್ಲಿ ಉಂಗುರವೂ ಒಂದು. ಉಂಗುರ ಅಂದರೆ ಸಾಮಾನ್ಯ ರಿಂಗ್‌ ಅಲ್ಲ, ಕೈಗನ್ನಡಿ ಇರುವ ದೊಡ್ಡ ಉಂಗುರ. ಬೆರಳಿಗೆ ಧರಿಸಿದ ಉಂಗುರ, ಇಡೀ ಹಸ್ತವನ್ನು ಮುಚ್ಚುವಷ್ಟು ದೊಡ್ಡದಿರಬಹುದು ಅಥವಾ ಪುಟ್ಟದಿದ್ದರೂ, ಕನ್ನಡಿಯಿಂದಾಗಿ ಇಡೀ ದಿರಿಸಿಗೆ ಮೆರುಗು ನೀಡಬಹುದು.

ಬೆರಳ ಮೇಲೆ ಕನ್ನಡಿ
ಪುಟ್ಟದೊಂದು ಕೈಗನ್ನಡಿಗೆ ಹೂವಿನ ಆಕೃತಿಯ ಅಲಂಕಾರದಿಂದ ಸಿಂಗಾರಗೊಳಿಸಿ, ಬೆಸುಗೆಯ ಮೂಲಕ ಉಂಗುರಕ್ಕೆ ಜೋಡಿಸಲಾಗುತ್ತದೆ. ಇದನ್ನು ತೊಟ್ಟರೆ ಕೈ ಅಂದವಾಗಿ ಕಾಣಿಸುವುದಲ್ಲದೆ, ಕೈಗನ್ನಡಿಯಿಂದ ಮುಖ ನೋಡಿಕೊಳ್ಳಲೂ ಉಪಯೋಗವಾಗುತ್ತದೆ. ಇಂಥ ಉಂಗುರಗಳಲ್ಲಿ, ಅರ್ಧ ಚಂದ್ರ, ಕಮಲ, ಸೂರ್ಯಕಾಂತಿ, ಗುಲಾಬಿ, ನಕ್ಷತ್ರ, ಹೃದಯಾಕಾರ, ಸೂರ್ಯ, ಜಾಮೆಟ್ರಿಕ್‌ (ಜ್ಯಾಮಿತಿಯ) ಡಿಸೈನ್‌ ಮತ್ತಿತರ ವಿನ್ಯಾಸಗಳ ಆಯ್ಕೆಯೂ ಲಭ್ಯ ಇವೆ.

ಚಿತ್ರ-ವಿಚಿತ್ರ ಡಿಸೈನ್‌ಗಳು
ಈ “ಮಿರರ್‌ ರಿಂಗ್‌’ಗೆ ನಿರ್ದಿಷ್ಟ ಆಕಾರ ಇರಲೇಬೇಕೆಂದಿಲ್ಲ. ನಿರ್ದಿಷ್ಟ ಬಣ್ಣವೂ ಇರಬೇಕೆಂದಿಲ್ಲ. ಮಧ್ಯದಲ್ಲಿ ಕನ್ನಡಿ ಬಳಸಿ, ಸುತ್ತಲೂ ಬಗೆಬಗೆಯ ಕಲ್ಲುಗಳು, ಹಕ್ಕಿ ಪುಕ್ಕ, ಬಣ್ಣ ಬಣ್ಣದ ನೂಲು, ನೇತಾಡುವ ಟ್ಯಾಸಲ್‌ಗ‌ಳು, ಪ್ಲಾಸ್ಟಿಕ್‌, ಮರದ ತುಂಡು, ಗಾಜು, ಗೆಜ್ಜೆಗಳು, ಮಣಿಗಳು, ಲೋಹಗಳು ಮತ್ತು ಆಕೃತಿಗಳನ್ನು ಬಳಸಿದ ಉಂಗುರಗಳೂ ಲಭ್ಯ. ಇವು ಚಿಕ್ಕದಾಗಿರಬಹುದು ಅಥವಾ ಅಂಗೈಗೆ ಅನುಗುಣವಾಗಿ ತುಂಬಾ ದೊಡ್ಡದಾಗಿಯೂ ಇರಬಹುದು. ಇವು ಹೇಗೆ ಇದ್ದರೂ ಚೆನ್ನ!

ಸಾಂಪ್ರದಾಯಿಕ ಮೆರುಗು
ಚಿನ್ನ ಅಥವಾ ಚಿನ್ನದ ಬಣ್ಣ ಹೋಲುವ, ತಾಮ್ರ, ಕಂಚು, ಹಿತ್ತಾಳೆ ಅಥವಾ ಇನ್ನಿತರ ಬಗೆಯ ಇಂಥ ಕನ್ನಡಿ ಉಂಗುರಗಳು, ರೇಷ್ಮೆ ಸೀರೆ, ಉದ್ದ ಲಂಗ, ಚೂಡಿದಾರ, ಲಂಗ ಧಾವಣಿ, ಸಲ್ವಾರ್‌ ಕಮೀಜ್‌ನಂಥ ಸಾಂಪ್ರದಾಯಿಕ ಉಡುಗೆಗಳ ಜೊತೆ ಬಹಳ ಅಂದವಾಗಿ ಕಾಣುತ್ತವೆ. ಕುರ್ತಾ, ಸೆಮಿ ಫಾರ್ಮಲ್ಸ್, ಪಲಾಝೊ ಪ್ಯಾಂಟ್ಸ್‌, ಜಂಪ್‌ ಸೂಟ್ಸ್‌, ಲಾಂಗ್‌ ಸ್ಕರ್ಟ್‌, ಶಾರ್ಟ್ಸ್ ಮತ್ತು ಶರ್ಟ್‌ ಡ್ರೆಸ್‌ ಜೊತೆ ಚಿನ್ನ ಮಾತ್ರವಲ್ಲದೆ ಆಕ್ಸಿಡೈಸ್ಡ್ ಮೆಟಲ್, ಜರ್ಮನ್‌ ಸಿಲ್ವರ್‌, ವೈಟ್‌ ಮೆಟಲ್, ಪ್ಲಾಟಿನಂ, ಬೆಳ್ಳಿ ಅಥವಾ ಬೆಳ್ಳಿಯ ಬಣ್ಣಕ್ಕೆ ಹೋಲುವಂಥ ಲೋಹದಿಂದ ಮಾಡಿದ ಕನ್ನಡಿ ಉಂಗುರಗಳು ಚೆನ್ನಾಗಿ ಒಪ್ಪುತ್ತವೆ. ಸೀರೆಯ ಜೊತೆ ಇದನ್ನು ತೊಡುವಾಗ, ಸೀರೆಯ ಜರಿಯ ಬಣ್ಣಕ್ಕೆ ಒಪ್ಪುವಂಥ ಉಂಗುರವನ್ನು ತೊಡಿ. ಅಂದರೆ, ಜರಿಯು ಬೆಳ್ಳಿ ಬಣ್ಣದ್ದಾಗಿದ್ದರೆ, ಆ ಬಣ್ಣಕ್ಕೆ ಹೋಲುವ ಕನ್ನಡಿ ಉಂಗುರ ತೊಟ್ಟರಷ್ಟೇ ಚೆನ್ನ.

ಮಾರುಕಟ್ಟೆಯಲ್ಲಿ ಹುಡುಕಿದರೆ, ಊಹಿಸಲೂ ಸಾಧ್ಯವಾಗದಷ್ಟು ಬಗೆಯ ವಿನ್ಯಾಸ, ಬಣ್ಣ, ಆಕೃತಿ, ಶೈಲಿ ಮತ್ತು ರೂಪಗಳಲ್ಲಿ ಈ “ಕನ್ನಡಿ ಉಂಗುರ’ಗಳು ಲಭ್ಯ. ಇವುಗಳು ಆನ್‌ಲೈನ್‌ನಲ್ಲಿ ಮಾತ್ರವಲ್ಲ, ರಸ್ತೆ ಬದಿಯ ಅಂಗಡಿಗಳಲ್ಲೂ ಸಿಗುತ್ತವೆ. ಹಾಗೆ ನೋಡಿದರೆ, ರಸ್ತೆ ಬದಿಯಲ್ಲೇ ಇವು ಹೆಚ್ಚು ಗಮನ ಸೆಳೆಯುವುದು. ಅಂಥ ಕಡೆಗಳಲ್ಲಿ ಖರೀದಿಸುವಾಗ ಗುಣಮಟ್ಟದ ಗ್ಯಾರಂಟಿ ಇಲ್ಲದಿದ್ದರೂ, ಆನ್‌ಲೈನ್‌ಗಿಂತ ಕಡಿಮೆ ದರದಲ್ಲಿ ಖರೀದಿಸಬಹುದು.

ಉಂಗುರಕ್ಕೆ ಮ್ಯಾಚ್‌ ಮಾಡಿ
“ಕನ್ನಡಿ ಉಂಗುರ’ ಬಹಳ ದೊಡ್ಡದಾಗಿದ್ದರೆ, ಕೈಗೆ ಒಂದೇ ಉಂಗುರ ತೊಡಬೇಕು. ಪ್ರತಿ ಬೆರಳಿಗೂ ಇಂಥ ಒಂದೊಂದು ಉಂಗುರ ತೊಟ್ಟರೆ ಅಂದಗೆಡುತ್ತದೆ. ಎಲ್ಲರಿಗಿಂತ ನಾನೇ ಸ್ಟೈಲಿಶ್‌ ಆಗಿ ಕಾಣಬೇಕು ಎಂದು ಬಯಸುವವರು, ಈ ಉಂಗುರಕ್ಕೆ ಹೋಲುವಂಥ ಕಿವಿಯೋಲೆ, ಹಾರ/ ಸರದ ಪದಕ ಅಥವಾ ಬೊರ್ಲಾ/ ಮಾಂಗ್‌ ಟಿಕ್ಕಾ (ನೆತ್ತಿಯಿಂದ ಹಣೆಯವರೆಗೆ ನೇತಾಡುವ ಆಭರಣ) ತೊಡಬಹುದು. ನಿತ್ಯದ ಉಡುಗೆಯ ಜೊತೆಗೆ ಇಷ್ಟೆಲ್ಲವನ್ನು ಒಟ್ಟಿಗೇ ತೊಡಲು ಸಾಧ್ಯವಿಲ್ಲ. ಕಾಲೇಜು ಫೆಸ್ಟ್, ಮದುವೆ, ಹಬ್ಬ, ಪೂಜೆ, ಮುಂತಾದ ಸಮಾರಂಭಗಳಿಗಷ್ಟೇ ಹಾಕಿಕೊಂಡು ಹೋಗಬಹುದು. ಯಾವುದೇ ಅಲಂಕಾರ ಇಲ್ಲದ ಬೋಳು ಕನ್ನಡಿಯಷ್ಟೇ ಉಂಗುರವಾಗಿದ್ದರೆ ಅದನ್ನು ಸೂಟ್‌, ಬ್ಲೇಝರ್‌, ಶರ್ಟ್‌, ಸ್ಕರ್ಟ್‌ನಂಥ ಫಾರ್ಮಲ್‌ ಡ್ರೆಸ್‌ಗಳ ಜೊತೆಯೂ ತೊಡಬಹುದು.

ಸದ್ದು ಮಾಡುವ ಉಂಗುರ
ಅಂಗೈಯಷ್ಟೇ ದೊಡ್ಡ ಮುದ್ರೆಯ ಕನ್ನಡಿ ಉಂಗುರಗಳು ಇದೀಗ ಕಾಲೇಜು ಯುವತಿಯರ ಬೆರಳಿನ ಮೇಲೆ ರಾರಾಜಿಸುತ್ತಿವೆ. ಉಂಗುರವು ಅಷ್ಟು ದೊಡ್ಡದಾಗಿದ್ದಾಗ, ಎಲ್ಲರ ಕಣ್ಣು ಅತ್ತ ಹೋಗದೆ ಇರುತ್ತದೆಯೇ? ಸಾಂಪ್ರದಾಯಿಕ ಅಥವಾ ಇಂಡಿಯನ್‌ ಉಡುಗೆ ಜೊತೆ ತೊಡುವ ಕನ್ನಡಿ ಉಂಗುರದಲ್ಲಿ, ಸದ್ದು ಮಾಡುವ ಗೆಜ್ಜೆ ಮಣಿಗಳು ಇದ್ದರಂತೂ, ಕ್ಯಾಂಪಸ್‌ನಲ್ಲಿ ಟ್ರೆಂಡ್‌ ಸೆಟ್ಟರ್‌ ಆಗಿ ಸದ್ದು ಮಾಡಬಹುದು!

-ಎಲ್ಲರ ಕಣ್ಸೆಳೆಯುವ ಕನ್ನಡಿ ಉಂಗುರ ತೊಟ್ಟಾಗ, ಉಗುರುಗಳು ಕೂಡಾ ಅಂದವಾಗಿ ಕಾಣಬೇಕು. ಉಂಗುರಕ್ಕೆ ಹೋಲುವ ಬಣ್ಣದ ನೇಲ್‌ಪಾಲಿಶ್‌ ಹಚ್ಚಿದರೆ ಚೆನ್ನ.
-ಉದ್ದ ಉಗುರಿಗೆ ಬಣ್ಣ ಹಚ್ಚದೆ, ಹಾಗೇ ಬಿಟ್ಟರೂ ಚೆನ್ನಾಗಿ ಕಾಣಿಸುತ್ತದೆ.
-ಎರಡೂ ಕೈಗಳಿಗೆ ಕನ್ನಡಿ ಉಂಗುರ ಧರಿಸಿದರೆ ನೋಡಲು ಚೆನ್ನಾಗಿರುವುದಿಲ್ಲ.
-ಫಾರ್ಮಲ್‌ ಡ್ರೆಸ್‌ ಜೊತೆಗೆ ತೊಡುವ ಕನ್ನಡಿ ಉಂಗುರಗಳು, ಆದಷ್ಟು ಸಿಂಪಲ್‌ ಆಗಿರಲಿ.
-ಹಕ್ಕಿಪುಕ್ಕ, ಬಣ್ಣದ ನೂಲು ಇರುವ ಉಂಗುರಗಳಿಗೆ ನೀರು ತಾಗದಂತೆ ಜೋಪಾನ ಮಾಡಿ.

– ಅದಿತಿಮಾನಸ ಟಿ.ಎಸ್‌

ಟಾಪ್ ನ್ಯೂಸ್

rwytju11111111111

ರಾಯರ ವಾರದಂದು ನಿಮ್ಮ ರಾಶಿಫಲ ಹೇಗಿದೆ ನೋಡಿ!

ಕಡತಯಜ್ಞ : ಲಭಿಸಿತು ಅಗಾಧ ಜಾಗ! ಪ್ರಧಾನಿ ಸೂಚನೆಯನುಸಾರ ಸಮರೋಪಾದಿ ಕೆಲಸ

ಕಡತಯಜ್ಞ : ಲಭಿಸಿತು ಅಗಾಧ ಜಾಗ! ಪ್ರಧಾನಿ ಸೂಚನೆಯನುಸಾರ ಸಮರೋಪಾದಿ ಕೆಲಸ

ಚಿತ್ರಮಂದಿರಗಳ ಸಮಸ್ಯೆಯಲ್ಲಿ ಬಾಲಿವುಡ್‌

ಚಿತ್ರಮಂದಿರಗಳ ಸಮಸ್ಯೆಯಲ್ಲಿ ಬಾಲಿವುಡ್‌

ಅತ್ಯಂತ ಯಶಸ್ವಿ ಆಡಳಿತಗಾರ ಮೋದಿ: ಗೃಹ ಸಚಿವ ಅಮಿತ್‌ ಶಾ

ಅತ್ಯಂತ ಯಶಸ್ವಿ ಆಡಳಿತಗಾರ ಮೋದಿ: ಗೃಹ ಸಚಿವ ಅಮಿತ್‌ ಶಾ

ಚೀನಾ ಕಾಯ್ದೆಗೆ ಆಕ್ಷೇಪ; ಗಡಿ ಕಾಯ್ದೆ ಬಾಂಧವ್ಯಕ್ಕೆ ಧಕ್ಕೆ ತರಲಿದೆ

ಚೀನಾ ಕಾಯ್ದೆಗೆ ಆಕ್ಷೇಪ; ಗಡಿ ಕಾಯ್ದೆ ಬಾಂಧವ್ಯಕ್ಕೆ ಧಕ್ಕೆ ತರಲಿದೆ

ಖೇಲ್‌ರತ್ನಕ್ಕೆ 11 ಹೆಸರು ಶಿಫಾರಸು; ನೀರಜ್‌ ಚೋಪ್ರಾ,ಮಿಥಾಲಿ, ಚೆಟ್ರಿ ಹೆಸರು ಮುಂಚೂಣಿಯಲ್ಲಿ

ಖೇಲ್‌ರತ್ನಕ್ಕೆ 11 ಹೆಸರು ಶಿಫಾರಸು; ನೀರಜ್‌ ಚೋಪ್ರಾ,ಮಿಥಾಲಿ, ಚೆಟ್ರಿ ಹೆಸರು ಮುಂಚೂಣಿಯಲ್ಲಿ

ಸಂಕಷ್ಟದಲ್ಲಿ ಕನ್ನಡ ಪುಸ್ತಕೋದ್ಯಮ; ಕೋವಿಡ್‌ದಿಂದಾಗಿ ಬಿದ್ದಿದೆ ಪೆಟ್ಟು

ಸಂಕಷ್ಟದಲ್ಲಿ ಕನ್ನಡ ಪುಸ್ತಕೋದ್ಯಮ; ಕೋವಿಡ್‌ದಿಂದಾಗಿ ಬಿದ್ದಿದೆ ಪೆಟ್ಟು





ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಅಪರೂಪದ ಅತಿಥಿ

ಅಪರೂಪದ ಅತಿಥಿ

Untitled-2

ಅವತಾರಪುರುಷ ಶ್ರೀರಾಮ

ಗರ್ಭಪಾತ ತಿದ್ದುಪಡಿ ಕಾಯ್ದೆಯಿಂದ ಏನೇನು ಅನುಕೂಲಗಳಿವೆ?

ಗರ್ಭಪಾತ ತಿದ್ದುಪಡಿ ಕಾಯ್ದೆಯಿಂದ ಏನೇನು ಅನುಕೂಲಗಳಿವೆ?

ಅಮ್ಮನ ಸೀರೆಗೆ ಬೆಲೆ ಕಟ್ಟಲು ಸಾಧ್ಯವೆ?

ಅಮ್ಮನ ಸೀರೆಗೆ ಬೆಲೆ ಕಟ್ಟಲು ಸಾಧ್ಯವೆ?

ಮಾವಿನ ಬಗ್ಗೆ ಮನದ ಮಾತು…

ಮಾವಿನ ಬಗ್ಗೆ ಮನದ ಮಾತು…

MUST WATCH

udayavani youtube

ಹಿಂದೂಗಳ ನಡುವೆ ನಮಾಜ್ : ಹೇಳಿಕೆಗಾಗಿ ಕ್ಷಮೆಯಾಚಿಸಿದ ವಕಾರ್ ಯೂನಿಸ್

udayavani youtube

ಅಂಗಾಂಗ ದಾನ ಎಂದರೇನು ಏನಿದರ ಮಹತ್ವ ?

udayavani youtube

ಸಾವಯವ ಕೃಷಿಯಲ್ಲಿ ಅನುಸರಿಸಬೇಕಿರುವ ಪ್ರಮುಖ ಅಂಶಗಳ ಬಗ್ಗೆ ನಿಮಗೆ ಗೊತ್ತೇ?

udayavani youtube

ಶಾಲೆಗೆ ಬಂತು ಬಿಸಿಯೂಟ : ದೋಟಿಹಾಳ ಶಾಲಾ ಮಕ್ಕಳ ಒಂದು ಕಿಲೋಮೀಟರ್ ಪಾದಯಾತ್ರೆಗೆ ಬ್ರೇಕ್

udayavani youtube

ಸಾವಿರಾರು ವರ್ಷಗಳ ಇತಿಹಾಸವಿರುವ ಕನ್ನಡ ಭಾಷೆಯನ್ನು ಉಳಿಸಬೇಕಾಗಿದೆ : ಆರ್. ಅಶೋಕ್

ಹೊಸ ಸೇರ್ಪಡೆ

rwytju11111111111

ರಾಯರ ವಾರದಂದು ನಿಮ್ಮ ರಾಶಿಫಲ ಹೇಗಿದೆ ನೋಡಿ!

ಕಡತಯಜ್ಞ : ಲಭಿಸಿತು ಅಗಾಧ ಜಾಗ! ಪ್ರಧಾನಿ ಸೂಚನೆಯನುಸಾರ ಸಮರೋಪಾದಿ ಕೆಲಸ

ಕಡತಯಜ್ಞ : ಲಭಿಸಿತು ಅಗಾಧ ಜಾಗ! ಪ್ರಧಾನಿ ಸೂಚನೆಯನುಸಾರ ಸಮರೋಪಾದಿ ಕೆಲಸ

ಚಿತ್ರಮಂದಿರಗಳ ಸಮಸ್ಯೆಯಲ್ಲಿ ಬಾಲಿವುಡ್‌

ಚಿತ್ರಮಂದಿರಗಳ ಸಮಸ್ಯೆಯಲ್ಲಿ ಬಾಲಿವುಡ್‌

ಶ್ರೀಕ್ಷೇತ್ರ ಧರ್ಮಸ್ಥಳ: ದೇವರ ದರ್ಶನ ಸಮಯ ಬದಲು

ಶ್ರೀಕ್ಷೇತ್ರ ಧರ್ಮಸ್ಥಳ: ದೇವರ ದರ್ಶನ ಸಮಯ ಬದಲು

ತನಿಖೆಯಿಂದ ವಾಂಖೆಡೆ ತೆರವಿಲ್ಲ; ಎನ್‌ಸಿಬಿ ಸ್ಪಷ್ಟನೆ

ತನಿಖೆಯಿಂದ ವಾಂಖೆಡೆ ತೆರವಿಲ್ಲ; ಎನ್‌ಸಿಬಿ ಸ್ಪಷ್ಟನೆ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.