Temple; ಎಪ್ರಿಲ್ನಲ್ಲಿ ತಿರುಪತಿ ಹುಂಡಿಗೆ ಬಿದ್ದ ಕಾಣಿಕೆ ಎಷ್ಟು ಗೊತ್ತೇ?
Team Udayavani, May 5, 2024, 6:57 AM IST
ಅಮರಾವತಿ: ಐತಿಹಾಸಿಕ ತಿರುಮಲ ತಿರುಪತಿ ದೇಗುಲದ ಹುಂಡಿಗೆ ಎಪ್ರಿಲ್ನಲ್ಲಿ 102 ಕೋಟಿ ರೂ.ಗಳ ಕಾಣಿಗೆ ಸಂದಾಯವಾಗಿದೆ ಎಂದು ದೇಗುಲ ಆಡಳಿತ ಮಂಡಳಿ ಟಿಟಿಡಿ ಶನಿವಾರ ತಿಳಿಸಿದೆ.
ಈ ಕುರಿತಂತೆ ಟಿಟಿಡಿ ಕಾರ್ಯನಿರ್ವಾಹಕ ಅಧಿಕಾರಿ ಎ.ವಿ.ಧರ್ಮ ರೆಡ್ಡಿ ಮಾಹಿತಿ ನೀಡಿದ್ದು, ಎಪ್ರಿಲ್ನಲ್ಲಿ 20 ಲಕ್ಷ ಮಂದಿ ಭಕ್ತರು ದೇವಾಲಯಕ್ಕೆ ಭೇಟಿ ನೀಡಿದ್ದಾರೆ. 8 ಲಕ್ಷಕ್ಕೂ ಅಧಿಕ ಮಂದಿ ದೇವತಾಕಾರ್ಯಗಳನ್ನು ನಡೆಸಿದ್ದು, 94 ಲಕ್ಷಕ್ಕೂ ಅಧಿಕ ಲಡ್ಡುಗಳು ಮಾರಾ ಟವಾಗಿದೆ ಎಂದಿದ್ದಾರೆ. ಜತೆಗೆ ದೇವಾಲಯದಲ್ಲಿ 40 ಲಕ್ಷಕ್ಕೂ ಅಧಿಕ ಮಂದಿಗೆ ಎಪ್ರಿಲ್ನಲ್ಲಿ ಅನ್ನದಾಸೋಹ ಮಾಡಲಾಗಿದೆ ಎಂದೂ ಮಾಹಿತಿ ನೀಡಿದ್ದಾರೆ.