ಮಂಕಿ ಈಶ್ವರ ನಾಯ್ಕ; ಯಕ್ಷ ಬದುಕಿನ ರಜತ ಸಂಭ್ರಮ

Team Udayavani, Feb 21, 2020, 5:18 AM IST

ಬಡಗುತಿಟ್ಟು ಅದರಲ್ಲೂ ಬಡಾಬಡಗುತಿಟ್ಟಿನ ಭರವಸೆಯ ಕಲಾವಿದ ಪೌರಾಣಿಕ ಪ್ರಸಂಗಗಳಲ್ಲೂ ಸಾಮಾಜಿಕ ಪ್ರಸಂಗಗಳಲ್ಲೂ ಸಾಹಿತ್ಯಬದ್ಧ ಮಾತುಗಾರಿಕೆಯಿಂದ ಗಮನ ಸೆಳೆಯುತ್ತಿರುವ ಮಂಕಿ ಈಶ್ವರ ನಾಯ್ಕರಿಗೆ ಈ ಸಾಲಿನ ತಿರುಗಾಟ ವೃತ್ತಿ ಬದುಕಿನ ಬೆಳ್ಳಿಹಬ್ಬ.ಇದನ್ನು ಅರ್ಥಪೂರ್ಣವಾಗಿ ಆಚರಿಸುವ ನಿಟ್ಟಿನಲ್ಲಿ ಫೆ.22ರಂದು ಕುಂದಾಪುರದಲ್ಲಿ ತನಗೆ ಹೆಜ್ಜೆಗಾರಿಕೆ ಕಲಿಸಿದ ಗುರುವಿಗೆ ಸಮ್ಮಾನವನ್ನು ನೀಡಲಿದ್ದಾರೆ.ಬಳಿಕ ಸಾಲಿಗ್ರಾಮ ಮೇಳದವರಿಂದ ಸುಭದ್ರಾ ಕಲ್ಯಾಣ-ಸುದರ್ಶನ ವಿಜಯ-ಮಾರಣಾಧ್ವರ ಎಂಬ ಮೂರು ಪೌರಾಣಿಕ ಪ್ರಸಂಗಗಳ ಪ್ರದರ್ಶನವಿದೆ.

ಭವ್ಯ ಕಲೆಗೆ ಭವಿಷ್ಯ ಇಲ್ಲ ಎನ್ನುವ ಈ ಕಾಲಘಟ್ಟದಲ್ಲಿ ಕಾಣಬರುವ ಕೆಲವೇ ಯುವ ಕಲಾವಿದರಲ್ಲಿ ಮಂಕಿ ಈಶ್ವರ ನಾಯ್ಕರು ಒಂದು ಆಶಾಕಿರಣ.ಭವಿಷ್ಯದಲ್ಲಿ ಮೇರು ಕಲಾವಿದನಾಗುವ ಎಲ್ಲಾ ಅರ್ಹತೆ ಇರುವ ಇವರು ಇಂದು ರಂಗದಲ್ಲಿ ಅತ್ಯುತ್ತಮ ಪಾತ್ರ ಪೋಷಣೆ,ಸುಂದರವಾದ ರೂಪ, ಆಳಂಗ, ಶುದ್ಧ ಸಂಪ್ರದಾಯದ ನೃತ್ಯ, ಹೆಚ್ಚಾ ಅಲ್ಲದ ಕಡಿಮೆಯೂ ಅಲ್ಲದ ಮಾತುಗಾರಿಕೆಯಿಂದ ಪುಂಡುವೇಷದಲ್ಲಿ ಉನ್ನತಿಗೇರಿ ಸದ್ಯ ಪುರುಷ ವೇಷಧಾರಿಯ ಸಾಲಿಗೆ ಬಂದು ಮುಟ್ಟಿದ್ದಾರೆ.

ಹೊನ್ನಾವರ ಸಮೀಪ ಮಂಕಿಯವ ರಾದ ಇವ ರನ್ನು ಕೆರೆಮನೆ ಶಂಭು ಹೆಗಡೆಯವರ ಶ್ರೀಮಯ ಯಕ್ಷಗಾನ ಕೇಂದ್ರ ಕೈಬೀಸಿ ಕರೆಯಿತು. ಹೆರಂಜಾಲು ವೆಂಕಟರಮಣ ಗಾಣಿಗ ಮತ್ತು ಹೆರಂಜಾಲು ಗೋಪಾಲ ಗಾಣಿಗರ ನಿರ್ದೇಶನದಲ್ಲಿ ಪರಂಪರೆಯ ಬಡಗುತಿಟ್ಟು ಕಲಾವಿದನಾಗಿ ಮೂಡಿಬಂದರು.1995ರಲ್ಲಿ ಉತ್ತರ ಕನ್ನಡದ ಬೈಲೂರಿನಲ್ಲಿ ಬಾಲಗೋಪಾಲನಾಗಿ ರಂಗ ಪ್ರವೇಶ ಮಾಡಿದ ಇವರು ಮತ್ತೆ ಹಿಂದಿರುಗಿ ನೋಡಲಿಲ್ಲ. ಗುಂಡಬಾಳ ಮೇಳದಲ್ಲಿ 9 ವರ್ಷ ಸೇವೆ ಸಲ್ಲಿಸಿ ಬಳಿಕ ಸಾಲಿಗ್ರಾಮ, ಪೆರ್ಡೂರು, ನೀಲಾವರ, ಅಮೃತೇಶ್ವರಿ ಮೇಳಗಳಲ್ಲಿ ತಿರುಗಾಟ ಮಾಡಿ ಸದ್ಯ ಸಾಲಿಗ್ರಾಮ ಮೇಳದ ಪ್ರಧಾನ ಕಲಾವಿದರಲ್ಲಿ ಒಬ್ಬರಾಗಿದ್ದಾರೆ. ಬಬ್ರುವಾಹನ, ಅಭಿಮನ್ಯು, ಚಂದ್ರಹಾಸ, ಮದನ, ಸುದನ್ವ, ಲವ-ಕುಶ, ಧರ್ಮಾಂಗದ ಮುಂತಾದ ಸೌಮ್ಯ ಸ್ವಭಾವದ ವೀರಾವೇಷದ ಪಾತ್ರಗಳಲ್ಲಿ ವಿಶೇಷವಾಗಿ ಗಮನ ಸೆಳೆಯುವ ಇವರ ಯಾವುದೇ ಪ್ರಸಂಗದ ಕೃಷ್ಣನ ಪಾತ್ರವನ್ನು ನೋಡಿದರೂ ಸಾಕು ಯೋಗ್ಯತೆಯನ್ನು ಅಳೆಯಲು.ಖಳ ನಾಯಕನಿಗಿಂತಲೂ ಕಥಾ ನಾಯಕನ ಪಾತ್ರವೇ ಹೆಚ್ಚು ಗಮನ ಸೆಳೆಯುತ್ತದೆ ಎನ್ನುವಲ್ಲಿ ಅವರ ಪಾತ್ರಪೂಷಣೆಯಲ್ಲಿ ಅವರ ಸೌಮ್ಯ ಕಳಂಕರಹಿತ ವ್ಯಕ್ತಿತ್ವವೂ ಪರಿಣಾಮ ಬೀರಿದೆ. ನಾಗಶ್ರೀ ಪ್ರಸಂಗದ ಕ್ಲಿಷ್ಟಕರ ಶುಭಾಂಗನಂಥ ಪಾತ್ರಗಳಲ್ಲಿ ಅತಿಯಾದ ಕುಣಿತವಿಲ್ಲದೆ ಕೂಡ ಕೇವಲ ಮಾತಿನ ಮಂಟಪದಿಂದ ಪಾತ್ರಪೋಷಣೆ ಮಾಡುವ ಮಾತುಗಾರಿಕೆಯ ಮೋಡಿ ಬೆರಗುಗೊಳಿಸುತ್ತದೆ. ಈಶ್ವರಿ ಪರಮೇಶ್ವರಿ, ಅಗ್ನಿಚರಿತ್ರೆ, ರಂಗನಾಯಕಿ, ನಕ್ಷತ್ರ, ನಾಗಾಭರಣ ಅಲ್ಲದೆ ಈ ವರ್ಷದ ತಿರುಗಾಟದಲ್ಲಿ ಜಯಭೇರಿ ಬಾರಿಸುತ್ತಿರುವ ಚಂದ್ರಮುಖಿ-ಸೂರ್ಯಸಖಿ ಮುಂತಾದ ಪ್ರಸಂಗಗಳ ಅವರ ಪಾತ್ರಗಳು ಪ್ರೇಕ್ಷಕರನ್ನು ರಂಜಿಸಿವೆ.

– ಪೊ|ಎಸ್‌.ವಿ.ಉದಯ ಕುಮಾರ ಶೆಟ್ಟಿ

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ

  • ಬೆಂಗಳೂರು: ಕೋವಿಡ್‌ 19 ಸೋಂಕಿತರಿಗೆ ರಾಜ್ಯವ್ಯಾಪಿ ಏಕರೂಪ ಚಿಕಿತ್ಸೆ ನೀಡಲು ಮತ್ತು ಅವರ ಆರೈಕೆಗೆ ಅನುಕೂಲ ಆಗುವಂತೆ ರಾಜೀವ್‌ ಗಾಂಧಿ ಆರೋಗ್ಯ ವಿಜ್ಞಾನಗಳ ವಿಶ್ವವಿದ್ಯಾನಿಲಯವು...

  • ಕುಂದಾಪುರ: ಉಡುಪಿ ಜಿಲ್ಲೆಯ ಶಿರೂರು, ಹೊಸಂಗಡಿ, ಕುಂದಾಪುರ ನಗರ ಭಾಗದಲ್ಲಿ ಮಾತ್ರವಲ್ಲದೆ ಅಂಪಾರು ಮತ್ತಿತರ ಕೆಲವೆಡೆಗಳಲ್ಲಿಯೂ ಶನಿವಾರದಿಂದ ಚೆಕ್‌ಪೋಸ್ಟ್‌ಗಳನ್ನು...

  • ಬೆಂಗಳೂರು: ಕೋವಿಡ್‌ 19 ಭೀತಿ ಹಿನ್ನೆಲೆಯಲ್ಲಿ ಎ. 15ರ ತನಕ ದೇಶವೇ ಲಾಕ್‌ಡೌನ್‌ ಆಗಿರುವುದರಿಂದ ಶಾಲೆಗಳಲ್ಲಿ ದಾಖಲಾತಿ ಪ್ರಕ್ರಿಯೆ ಮತ್ತು ಶುಲ್ಕ ಪಾವತಿ ಮಾಡಿಸಿಕೊಳ್ಳದಂತೆ...

  • ಬೆಂಗಳೂರು: ರಾಜ್ಯದಲ್ಲಿ ಕೋವಿಡ್‌ 19 ಸೋಂಕು ಹೆಚ್ಚುತ್ತಿದ್ದು, ಶನಿವಾರ 18 ಮಂದಿಗೆ ದೃಢವಾಗಿದೆ. ಈ ಮೂಲಕ ರಾಜ್ಯದಲ್ಲಿ ಸೋಂಕು ಪೀಡಿತರ ಸಂಖ್ಯೆ 82ಕ್ಕೆ ಏರಿದೆ. ಶನಿವಾರ...

  • ಬಂಟ್ವಾಳ: ದ.ಕ.ಜಿಲ್ಲೆಯಲ್ಲಿ ಮಾ. 27ರಂದು ಒಂದೇ ದಿನ ಎರಡು ಕೋವಿಡ್‌ 19 ಸೋಂಕು ದೃಢ ಪ್ರಕರಣಗಳು ಕಂಡುಬಂದ ಹಿನ್ನೆಲೆಯಲ್ಲಿ ಜಿಲ್ಲಾಡಳಿತ ಸಂಪೂರ್ಣ ಬಂದ್‌ಗೆ ನಿರ್ಧರಿಸಿದ್ದು,...