ಕೊನೆಗೂ ತಲುಪಿದ ಪುಸ್ತಕ
Team Udayavani, Jun 17, 2019, 5:00 AM IST
ಲೈಬ್ರರಿಯಿಂದ ಪುಸ್ತಕ ತಂದಿರುತ್ತಾರೆ. ವಾಪಸ್ ಕೊಡುವುದು ಮರೆತೇ ಹೋಗಿರುತ್ತದೆ. ಬುಕ್ ಶೆಲ್ಫ್ನಲ್ಲಿ ಬಿದ್ದಿರುವ ಆ ಪುಸ್ತಕ ಇನ್ಯಾವಾಗಲೋ ಕಣ್ಣಿಗೆ ಬಿದ್ದರೂ, ಫೈನ್ ಕಟ್ಟಬೇಕೆಂಬ ಕಾರಣಕ್ಕೆ ಅದನ್ನು ವಾಪಸ್ ಮಾಡುವುದೇ ಇಲ್ಲ. ಲೈಬ್ರರಿಯನ್ ಕೇಳುತ್ತಾರೆಂದು ಲೈಬ್ರರಿ ಕಡೆಗೆ ಹೋಗುವುದನ್ನೂ ನಿಲ್ಲಿಸಿ ಬಿಡುತ್ತಾರೆ. ಲೈಬ್ರರಿಯನ್ಗಳೂ ಇಂಥ ಅನೇಕರನ್ನು ನೋಡಿರುತ್ತಾರೆ. ಇನ್ನೊಮ್ಮೆ ಈ ಕಡೆ ಬಂದರೆ, ಅವರಿಂದ ಫೈನ್ ಕಟ್ಟಿಸಿಕೊಳ್ಳಲೇಬೇಕು ಅಂತ ಕಾಯುತ್ತಿರುತ್ತಾರೆ. ಆದರೆ, ಲಂಡನ್ ಬಳಿಯ ಲೋಯೆಸ್ಟಾಫ್ಟ್ ಎಂಬಲ್ಲಿನ ಗ್ರಂಥಾಲಯದಲ್ಲಿ ವ್ಯತಿರಿಕ್ತವಾದ ಘಟನೆಯೊಂದು ನಡೆದಿದೆ. ವ್ಯಕ್ತಿಯೊಬ್ಬರು ತಾವು 52 ವರ್ಷಗಳ ಹಿಂದೆ ತೆಗೆದುಕೊಂಡು ಹೋಗಿದ್ದ ಪುಸ್ತಕವೊಂದನ್ನು ವಾಪಸ್ ಮಾಡಿದ್ದಾರೆ, ಅದೂ ಫೈನ್ ಸಮೇತ!
1967ರಲ್ಲಿ ಲೈಬ್ರರಿಯಿಂದ ತೆಗೆದುಕೊಂಡು ಹೋಗಿದ್ದ “ದಿ ಮೆಟಾಫಿಸಿಕಲ್ ಪೊಯಟ್ಸ್’ ಪುಸ್ತಕವನ್ನು ಅಂಚೆ ಮೂಲಕ ಗ್ರಂಥಾಲಯಕ್ಕೆ ಕಳಿಸಿರುವ ಆ ವ್ಯಕ್ತಿ, ಜೊತೆಗೆ 100 ಪೌಂಡ್ ಚೆಕ್ ಕೂಡಾ ಇಟ್ಟಿದ್ದಾರೆ. “ಲೋಯೆಸ್ಟಾಫ್ಟ್ನಲ್ಲಿ ತಾವು ವಾಸವಾಗಿದ್ದಾಗ ಈ ಪುಸ್ತಕವನ್ನು ಕೊಂಡೊಯ್ದಿದ್ದು, ಕಾರಣಾಂತರಗಳಿಂದ ವಾಪಸ್ ಮಾಡಲಾಗಿರಲಿಲ್ಲ. ಆ ಬಗ್ಗೆ ವಿಷಾದಿಸುತ್ತೇನೆ’ ಎಂದು ಪತ್ರವನ್ನೂ ಬರೆದಿದ್ದಾರೆ. ಅಂಚೆ ತೆರೆದು ನೋಡಿದ ಲೈಬ್ರರಿಯನ್ಗೆ “ಈಗಿನ ಕಾಲದಲ್ಲಿ ಇಂಥವರೂ ಇದ್ದಾರ?’ ಎಂದು ಅಚ್ಚರಿಯಾಯ್ತಂತೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
INDIA ಒಕ್ಕೂಟ ಅಧಿಕಾರಕ್ಕೆ ಬಂದರೆ ರೈತರ ಸಾಲಮನ್ನಾ, ನಿರುದ್ಯೋಗ ನಿವಾರಣೆಗೆ ಆದ್ಯತೆ: ರಾಹುಲ್
ಹೆಸ್ಕತ್ತೂರು ಕಟ್ಟಿನಬುಡ: ಕೃಷಿಗೆ ಆಸರೆಯಾಗದ ವಾರಾಹಿ ಕಾಲುವೆ ನೀರು!
Lok Sabha Polls: ಧರ್ಮಸ್ಥಳದಲ್ಲಿ ಧರ್ಮಾಧಿಕಾರಿ ಡಾ.ಡಿ.ವೀರೇಂದ್ರ ಹೆಗ್ಗಡೆ ಮತದಾನ
WhatsApp ಭಾರತದಲ್ಲಿ ಸ್ಥಗಿತಗೊಳಿಸ್ತೇವೆ; ಹೈಕೋರ್ಟ್ ಮೆಟ್ಟಿಲೇರಿದ ಪ್ರಕರಣ, ಏನಿದು?
ಏ.26ರಂದು 2ನೇ ಹಂತದ ಚುನಾವಣೆ;ರಾಹುಲ್, ತರೂರ್, ಹೇಮಾ ಮಾಲಿನಿ ಹಲವು ಘಟಾನುಘಟಿಗಳು ಕಣದಲ್ಲಿ