CONNECT WITH US  

ಭವಿಷ್ಯ

ಮೇಷ
ನಿಮ್ಮ ಆಪ್ತರು ಬೇಜವಾಬ್ದಾರಿಯಿಂದ ವರ್ತಿಸಬಹುದು. ಅವರ ಹೊಣೆಗೇಡಿತನವು ನಿಮ್ಮನ್ನು ಕಷ್ಟಕ್ಕೆ ಸಿಕ್ಕಿಸಬಹುದು. ಎಚ್ಚರದಿಂದಿರಿ. ಅನಿರೀಕ್ಷಿತ ದೂರಸಂಚಾರದ ಸಾಧ್ಯತೆ ಇದ್ದು, ಕಾರ್ಯಾನುಕೂಲಕ್ಕೆ ಪೂರಕವಾಗುತ್ತದೆ. ಸಾಮಾಜಿಕ ಚಟುವಟಿಕೆಯಲ್ಲಿ ಹಿನ್ನಡೆಯು ತೋರಿಬಂದೀತು. ಆರೋಗ್ಯದ ಕಡೆ ಗಮನ ಕೊಡುವುದು. ಸಾಂಸಾರಿಕ ಜೀವನವು ಸಮಾಧಾನಕರ ಆದರೂ ಹೊಂದಾಣಿಕೆಯ ಅಗತ್ಯ ವಿರುತ್ತದೆ. ಹಿರಿಯರ ಸಲಹೆಗೆ ಕಿವಿಗೊಡಿರಿ. ಪ್ರತಿಯೊಂದು ವಿಷಯವನ್ನು ತಕ್ಷಣವೇ ಇತ್ಯರ್ಥಪಡಿಸಿಕೊಳ್ಳುವುದು. ಶುಭವಾರ: ಸೋಮ, ಗುರು, ಶನಿವಾರ.
ವೃಷಭ
ಕಾರ್ಯರಂಗದಲ್ಲಿ ಆಪ್ತರ ಸಲಹೆಗಳನ್ನು ಸ್ವೀಕರಿಸುವುದು ಒಳಿತು. ಕಠಿಣ ಪರಿಶ್ರಮ ಆತ್ಮವಿಶ್ವಾಸಕ್ಕೆ ಸರಿಯಾದ ರೀತಿಯಲ್ಲಿ ದುಡಿಮೆಗೆ ತಕ್ಕ ಫ‌ಲ ದೊರಕುವುದು. ಸಹೋದ್ಯೋಗಿಗಳೊಡನೆ ಗುಣಾತ್ಮಕ ವರ್ತನೆ ತೋರಿಸಿರಿ. ಯಶಸ್ಸು ನಿಮ್ಮನ್ನು ಹಿಂಬಾಲಿಸುವುದು. ವಿದ್ಯಾರ್ಥಿಗಳಿಗೆ ಅಭ್ಯಾಸದಲ್ಲಿ ಚಂಚಲತೆ, ಮಾನಸಿಕ ದೃಢತೆ ಕರಗಬಹುದು. ಕೌಟುಂಬಿಕವಾಗಿ ಸಂಬಂಧಗಳು ಕೆಟ್ಟುಹೋಗಬಹುದು. ಹೆಚ್ಚಿನ ಜಾಗ್ರತೆ ವಹಿಸಿರಿ. ಆರೋಗ್ಯದಲ್ಲಿ ಹೆಚ್ಚಿನ ಸುಧಾರಣೆಯು ತೋರಿಬರಲಿದೆ. ಆರ್ಥಿಕವಾಗಿ ಹೆಚ್ಚಿನ ಸಮಸ್ಯೆ ಇರಲಾರದು. ಶುಭವಾರ: ಮಂಗಳ, ಶುಕ್ರ, ಶನಿವಾರ
ಮಿಥುನ
ನಿಮ್ಮ ಯೋಚನೆಗಳನ್ನು ಹೇಗೆ ಮುಂದಿಡುತ್ತೀರಿ ಎಂಬುದರ ಮೇಲೆ ಬಹುತೇಕ ವಿಷಯಗಳು ಅವಲಂಬಿತವಾಗಲಿವೆ. ನಿಮಗೆ ಮಾನಸಿಕ ಚಿಂತನೆಗಳು ಪದೇ ಪದೇ ಬದಲಾಗಬಹುದು. ನಿಮ್ಮ ಸಾಮರ್ಥ್ಯದ ಅತಿರೇಕ ದಿಂದ ಪಶ್ಚಾತ್ತಾಪಪಡುವ ಸಂಭವ ಬಂದೀತು. ಇತರರ ಸಲಹೆಗೆ ಕಿವಿಗೊಡಿರಿ. ಆರ್ಥಿಕ ಬಿಕ್ಕಟ್ಟು ಆಗಾಗ ತೋರಿಬಂದರೂ ಧನದಾಯ ನಿರಂತರವಾದೀತು. ವೃತ್ತಿರಂಗದಲ್ಲಿ ನಿಮ್ಮ ಕಾರ್ಯಗಳು ಇತರರ ಗಮನ ಸೆಳೆಯಲಿವೆ. ವಾರಾಂತ್ಯ ನಾನಾ ರೀತಿಯಲ್ಲಿ ಖರ್ಚು ವೆಚ್ಚಗಳು ತೋರಿಬಂದಾವು. ಲೆಕ್ಕಾಚಾರವನ್ನು ಸರಿಯಾಗಿಟ್ಟುಕೊಳ್ಳಿರಿ. ಶುಭವಾರ: ಮಂಗಳ, ಬುಧ, ಶನಿವಾರ.
ಕಟಕ
ಹಿಂದಿನ ತಪ್ಪುಗಳನ್ನು ಸರಿಪಡಿಸಿಕೊಂಡು ನಿಮ್ಮ ಲಾಭಕ್ಕಾಗಿ ನೀವು ಬಳಸಿ ಕೊಳ್ಳಿರಿ. ಈಗ ಪಶ್ಚಾತ್ತಾಪಕ್ಕೆ ತುಂಬಾ ತಡವಾಗಿದೆ. ಹಂತ ಹಂತವಾಗಿ ಮಾನಸಿಕ ಒತ್ತಡಗಳು ಕಡಿಮೆಯಾಗಿ ಹಂತವನ್ನು ಪ್ರವೇಶಿಸಲಿದ್ದೀರಿ. ವೃತ್ತಿರಂಗದಲ್ಲಿ ಸಾಕಷ್ಟು ಸವಾಲುಗಳು ನಿಮ್ಮ ಮುಂದಿವೆ. ಎದುರಿಸಿರಿ. ನಿಮ್ಮತನವನ್ನು ತೋರಿಸುವಂತಹ ಕೆಲಸಕಾರ್ಯಗಳನ್ನು ಮಾಡಲು ಸಿದ್ಧರಾಗಿರಿ. ಯಶಸ್ಸು ನಿಮ್ಮನ್ನು ಹಿಂಬಾಲಿಸುವುದು ನಿಶ್ಚಿತ. ಪರಿಚಿತರೊಬ್ಬರು ಅನಿರೀಕ್ಷಿತ ರೀತಿಯಲ್ಲಿ ಬೆಂಬಲ, ಸಹಕಾರ ನೀಡಲಿದ್ದಾರೆ. ತಾಳ್ಮೆಯನ್ನು ತಂದುಕೊಳ್ಳುವುದು ಮುಖ್ಯ. ದೇವರ ಅನುಗ್ರಹಕ್ಕಾಗಿ ಪ್ರಾರ್ಥಿಸಿರಿ. ಶುಭವಾರ: ಮಂಗಳ, ಬುಧ, ಶುಕ್ರವಾರ.
ಸಿಂಹ
ನಿಮ್ಮ ಕೆಲಸಕಾರ್ಯಗಳನ್ನು ಆತ್ಮವಿಶ್ವಾಸದಿಂದ ಮುಂದುವರಿಸಿರಿ. ಹಾಗೆಂದು ಅತೀ ಉತ್ಸಾಹ ಬೇಡ. ಅದು ನಿಮಗೆ ವಿರೋಧಿಗಳನ್ನು ಹಾಗೂ ಪೈಪೋಟಿಯನ್ನು ಸೃಷ್ಟಿಸಬಹುದು. ಜಾಗ್ರತೆ. ಆರ್ಥಿಕವಾಗಿ ಹೆಚ್ಚಿನ ಉನ್ನತಿ ಇದ್ದು, ಹಣಕಾಸಿನ ಬಗ್ಗೆ ಸಮತೋಲನವನ್ನು ಕಾಯ್ದುಕೊಳ್ಳಿ. ಯಾವುದೇ ವಿಚಾರದಲ್ಲಿ ಸಂಘರ್ಷಕ್ಕೆ ಇಳಿಯದಿರುವುದು ಲೇಸು. ಪ್ರಣಯ ಪ್ರಸಂಗಗಳಲ್ಲಿ ಅಡೆತಡೆಗಳು ತೋರಿ ಬಂದಾವು. ಅನಿರೀತವಾಗಿ ಆಪ್ತರೊಬ್ಬರಿಗೆ ಆರ್ಥಿಕ ನೆರವು ನೀಡಬೇಕಾಗಬಹುದು. ಇದರ ಬಗ್ಗೆ ಹೆಚ್ಚಿನ ಚಿಂತೆ ಅನವ್ಯಕ. ಶುಭವಾರ: ಬುಧ, ಶುಕ್ರ, ಭಾನುವಾರ
ಕನ್ಯಾ
ಕೌಟುಂಬಿಕವಾಗಿ ಬಂಧುಮಿತ್ರರ ಓಲೈಕೆ ಹಿತವೆನಿಸೀತು. ಓತಪ್ರೋತ ವಾಗಿ ಧನಾಗಮನ ಲಾಭಾಧಿಕ್ಯ ಕಾರಣ. ದಾಯಾದಿಗಳ ಕಲಹ, ವೈರ ಶಾಂತ ವಾಗದು. ತಾಳ್ಮೆ ಇರಲಿ. ಹಾಳು ಅಭ್ಯಾಸದ ಮಿತ್ರರ ಸಹವಾಸ ಅವಮಾನ ತರಲಿದೆ. ಗುರು ಕರುಣೆ ಇದ್ದರೂ ಶನಿ ಬಿಡದು. ಹಿರಿಯರ ಸೇವಾ ಶುಶ್ರೂಷೆಗೂ ಕಾಲ. ವಾತೋಪದ್ರವ ಇರುವವರು ಆರೋಗ್ಯದ ಕಡೆಗೆ ಗಮನವಿರಿಸಬೇಕು. ನಿವೇಶನ ಖರೀದಿಗೆ ನಾನಾ ರೀತಿಯ ಅವಕಾಶಗಳು ಒದಗಿಬರುತ್ತದೆ. ವಿದ್ಯಾಭ್ಯಾಸದಲ್ಲಿ ಪ್ರಯತ್ನಬಲಕ್ಕೆ ಸರಿ ಯಾದ ಬೆಲೆ ಸಿಗಲಿದೆ. ಶುಭವಾರ: ಮಂಗಳ, ಗುರು, ಶುಕ್ರವಾರ
ತುಲಾ
ಕೆಲವೊಂದು ವಿಚಾರಗಳ ಬಗ್ಗೆ ಗೊಂದಲಗಳು ಇರಬಹುದು. ತಾಳ್ಮೆಯಿಂದ ವ್ಯವಹರಿಸಿರಿ. ಕಾರ್ಯಾನುಕೂಲವಾಗಲಿದೆ. ಹಣಕಾಸಿನ ವಿಚಾರಗಳಲ್ಲಿ ಬೆಳವಣಿಗೆಗೆ ಅವಕಾಶವಿದೆ. ಖರ್ಚುಗಳ ವಿಷಯದಲ್ಲೂ ಜಾಗ್ರತೆ ಇರಲಿ. ಸಾಮಾಜಿಕ ಸಂಪರ್ಕಗಳನ್ನು ಗಟ್ಟಿಗೊಳಿಸಿಕೊಳ್ಳಿರಿ. ವಾರದ ಆರಂಭದಲ್ಲಿ ದೂರಸಂಚಾರದ ಸಾಧ್ಯತೆ ತಂದೀತು. ಅವಿವಾಹಿತರು ಮುಂದಿರುವ ಆಯ್ಕೆಗಳನ್ನು ಪರಿ ಶೀಲಿಸಿ ಮುಂದುವರಿಯುವುದು ಉತ್ತಮ. ಆರೋಗ್ಯವು ಎಲ್ಲ ವಿಚಾರಗಳಿಗಿಂತ ಹೆಚ್ಚು ಎಂಬುದನ್ನು ಅರಿತುಕೊಳ್ಳಿರಿ. ಶುಭವಾರ: ಗುರು, ಶುಕ್ರ, ಶನಿವಾರ
ವೃಶ್ಚಿಕ
ಕೌಟುಂಬಿಕವಾಗಿ ನಂಬಿದವರೇ ನಿಮಗೆ ಕೈಕೊಡುತ್ತಾರೆ. ಹಣ ಕಾಸಿನ ಸ್ಥಿತಿಯು ಸುಧಾರಿಸುತ್ತಾ ಹೋದರೂ ಯಾವುದೇ ಪರಿಸ್ಥಿತಿ ಯನ್ನು ತಾಳ್ಮೆ-ಸಮಾಧಾನದಿಂದ ಎದುರಿಸಬೇಕು. ಕೊಟ್ಟ ಸಾಲವನ್ನು ಪ್ರಯತ್ನ ಬಲದಿಂದ ಪಡೆಯಬೇಕಾಗುತ್ತದೆ. ಸಾಂಸಾರಿಕವಾಗಿ ಸಂಬಂಧಗಳು ಸಡಿಲಗೊಳ್ಳಲಿವೆ. ಪ್ರಬುದ್ಧರಾಗಿ ಚಿಂತಿಸಬೇಕಾಗುತ್ತದೆ. ವೃತ್ತಿರಂಗದಲ್ಲಿ ದಿನಗಳು ಸರಾಗ ನಡೆದುಹೋದರೂ ಕಿರಿಕಿರಿ ತಪ್ಪಲಾರದು. ವಿದ್ಯಾರ್ಥಿಗಳು, ನಿರುದ್ಯೋಗಿಗಳು ಪ್ರಬುದ್ಧರಾಗಿ ಚಿಂತಿಸಬೇಕಾಗು ತ್ತದೆ. ಶುಭವಾರ: ಬುಧ, ಶನಿ, ಭಾನುವಾರ.
ಧನು
ನಿಮಗೆ ಮಹತ್ವದ ದಿನಗಳಿವು. ಪ್ರೀತಿಪಾತ್ರರೊಂದಿಗೆ ಆತ್ಮೀಯವಾಗಿಕಳೆಯುವಂತಾದೀತು. ವೃತ್ತಿರಂಗದಲ್ಲಿ ನಾನಾ ರೀತಿಯಲ್ಲಿ ಸಮಸ್ಯೆಗಳು ತೋರಿಬಂದರೂ ಎದುರಿಸುವಂತಹ ಛಾತಿ ನಿಮಗಿರುತ್ತದೆ. ಗ್ರಹಗತಿಗಳು ನಿಮಗಿಂದು ಪೂರಕವಾಗಿರುವ ಕಾರಣ ಯಾವುದೇ ಕಾರಣಕ್ಕೆ ಮುಂದುವರಿಯುವ ಸಾಧ್ಯತೆ ಇದೆ. ಖಾಸಗಿ ಬದುಕಿನಲ್ಲಿ ನಿರಾಸೆ ಸಣ್ಣಪುಟ್ಟ ವಿಚಾರದಲ್ಲಿ ಕಂಡುಬಂದೀತು. ನಿಮ್ಮ ಜೀವನಶೈಲಿ ಬದಲಾಗುವ ಪ್ರಸಂಗ ಸಂಭವಿಸಬಹುದು. ಮನೆಯ ಪುನರ್‌ ನವೀಕರಣಕ್ಕೆ ಇದು ಸಕಾಲ. ಖರ್ಚುವೆಚ್ಚಗಳು ಮಿತಿಮೀರಬಹುದು. ಶುಭವಾರ: ಗುರು, ಶುಕ್ರ, ಶನಿವಾರ
ಮಕರ
ಉತ್ತಮ ಗ್ರಹಗಳ ಲಾಭಸ್ಥಾನದ ಬಲ ನಿಮಗೆ ಒದಗಿಬರಲಿದೆ. ಶುಭ ಸಮಯ. ನಿಮ್ಮ ಅಭಿವೃದ್ಧಿಗೆ ಎಲ್ಲವೂ ಪೂರಕವಾಗಲಿದೆ. ಆಸಕ್ತಿ ದಾಯಕ ವ್ಯಕ್ತಿಗಳಿಂದ ಅನುಕೂಲದಾಯಕ ಕೆಲಸವಾಗಲಿದೆ. ಸಾಮಾಜಿಕ ಚಟುವಟಿಕೆಗಳು ಉತ್ಸಾಹದಾಯಕವಾಗಲಿವೆ. ಯೋಜನೆ ರೂಪಿಸಿ ಮುಂದುವರಿಯಿರಿ. ಮೇಲಧಿಕಾರಿಗಳಿಂದ ಪ್ರಶಂಸೆ ಸಲ್ಲಲಿದೆ. ಸಾಂಸಾರಿಕ ಸಂಬಂಧಗಳು ನೀವು ಬಯಸಿದಂತೆ ನಡೆಯಲಿವೆ. ಗಟ್ಟಿ ಮಾಡಿಕೊಳ್ಳಿ. ವಿದ್ಯಾರ್ಥಿಗಳಿಗೆ ಗೆಳೆಯರಿಂದ ನೆರವು ಒದಗಿಬರಲಿದೆ. ಶುಭವಾರ: ಗುರು, ಶನಿ, ಭಾನುವಾರ
ಕುಂಭ
ಯಾರೊಡನೆ ವ್ಯವಹರಿಸುವಲ್ಲಿ ಹೆಚ್ಚಿನ ಎಚ್ಚರಿಕೆ ಇರಲಿ. ದುಡುಕಿದಲ್ಲಿ ತಪ್ಪು ಹೆಜ್ಜೆ ಇಟ್ಟಲ್ಲಿ ಪ್ರತಿಕೂಲ ಪರಿಣಾಮ ಉಂಟಾಗಲಿದೆ. ಆರ್ಥಿಕವಾಗಿ ಏರುಪೇರಾಗಬಹುದು. ಅದನ್ನು ನಾಜೂಕಿನಿಂದ ಪರಿಹರಿಸಿಕೊಳ್ಳಬೇಕು. ವೃತ್ತಿರಂಗದಲ್ಲಿ ಸಹನೆ ಇರಲಿ. ಪ್ರಮುಖ ವಿಷಯಗಳನ್ನು ವ್ಯಕ್ತಪಡಿಸುವಲ್ಲಿ ಹಿಂಜರಿಕೆ ಬೇಡ. ವಿದ್ಯಾರ್ಥಿಗಳಿಗೆ ತಮ್ಮ ಅಭ್ಯಾಸದಲ್ಲಿ ಉದಾಸೀನತೆ ಕಾಡುತ್ತದೆ. ಕೌಟುಂಬಿಕವಾಗಿ ಯಾರೊಂದಿಗೂ ಸಂಘರ್ಷಕ್ಕೆ ಇಳಿಯದಿರಿ. ಅವಿವಾಹಿತರಿಗೆ ಆಗಾಗ ಹಿನ್ನಡೆ ತೋರಿಬಂದು ನಿರಾಶಾ ಮನೋಭಾವದಿಂದ ಮನ ಮುದುಡಲಿದೆ. ಶಭವಾರ: ಮಂಗಳ, ಶುಕ್ರ, ಶನಿವಾರ.
ಮೀನ
ಸಮಾಧಾನದ ವಾರವಾಗಲಿದೆ. ಮಾನಸಿಕ ಚಿಂತನೆ ಇತರರಿಂದ ಶ್ಲಾಘನೆ ಪಡೆಯಲಿದೆ. ಒಮ್ಮೊಮ್ಮೆ ಎಲ್ಲವೂ ಸರಿಯಾಗಿಲ್ಲವೆಂಬ ಮನೋಭಾವ ಅನುಭವಕ್ಕೆ ಬಂದರೂ ಸುಧಾರಿಸುವುದು ನಿಮ್ಮ ಆದ್ಯ ಕೆಲಸವಾಗಿದೆ. ಕೋಪದ ಕೈಗೆ ಬುದ್ಧಿ ಕೊಡದಿರಿ. ಕಾರ್ಯಒತ್ತಡದಿಂದ ಅಸಹನೆ ಕಾಡಲಿದೆ. ಸದ್ಯದಲ್ಲೇ ಮಾನಸಿಕವಾಗಿ ಕಾಡುತ್ತಿದ್ದ ಸಮಸ್ಯೆ ಪರಿಹಾರವಾಗುತ್ತದೆ. ಸಾರ್ವಜನಿಕ ವಲಯದಲ್ಲಿ ಸಾಕಷ್ಟು ಸಹಕಾರ ಸಿಗದೆ ಬೇಸರ ತಂದೀತು. ಧನಾಗಮನ ಲಾಭಾದಿಕ್ಯ ತರುವುದರಿಂದ ಕ್ಲೇಶಗಳ ನ್ನೆಲ್ಲ ಮರೆಮಾಡಿ, ಶಭವಾರ: ಸೋಮ, ಶನಿ, ಭಾನುವಾರ
Back to Top