CONNECT WITH US  

ಭವಿಷ್ಯ

ಮೇಷ
ಸಾಮಾಜಿಕ ಚಟುವಟಿಕೆಗಳಲ್ಲಿ ಉತ್ಸಾಹ, ಕ್ರಿಯಾಶೀಲತೆ, ಆತ್ಮಸ್ಥೈರ್ಯ, ಬದ್ಧತೆ ನಿಮ್ಮಲ್ಲಿ ಮೂಡಿಬರಲಿದೆ. ಸದುಪಯೋಗಿಸಿಕೊಳ್ಳಿರಿ. ಆರೋಗ್ಯ ಸಮಸ್ಯೆಗಳು ಆಗಾಗ ಎದುರಾಗಲಿವೆ. ವರಿಷ್ಠರ ಸಹಕಾರದಿಂದ ವೈಯಕ್ತಿಕ ಸಮಸ್ಯೆಗಳನ್ನು ಪುನಃ ರೂಪಿಸುವುದರಿಂದ ಮಾನಸಿಕ ನೆಮ್ಮದಿ ತಂದುಕೊಡಲಿದೆ. ನಿರೀಕ್ಷಿತ ಮೂಲಗಳಿಂದ ಧನಾಗಮನವಿದ್ದು ಎಲ್ಲ ರೀತಿಯ ಕಾರ್ಯಾನುಕೂಲಕ್ಕೆ ಪೂರಕವಾಗುತ್ತದೆ. ವಾಹನ, ಯಂತ್ರ ವಹಿವಾಟುಗಳು ಆರ್ಥಿಕವಾಗಿ ಲಾಭದಾಯಕವಾಗಲಿವೆ. ಶುಭವಾರ: ಸೋಮ, ಗುರು, ಶನಿವಾರ.
ವೃಷಭ
ವೃತ್ತಿರಂಗದಲ್ಲಿ ಯಾ ಸಾಂಸಾರಿಕವಾಗಿರಲಿ ಭಯಭೀತಿಗಳಿಂದ ಮುಕ್ತವಾಗಿ, ಮಾನಸಿಕ ದೃಢತೆಯನ್ನು ಮತ್ತೆ ಗಳಿಸಿಕೊಳ್ಳಬೇಕಾದೀತು. ಧನಾತ್ಮಕ ಕನಸೇ ಮುಂದಿನ ಅಭಿವೃದ್ಧಿಗೆ ಸಾಧಕವಾಗಲಿದೆ. ಅವಿವಾಹಿತರಿಗೆ ನಿಶ್ಚಿತ ಕಾರ್ಯಫ‌ಲಕ್ಕಾಗಿ ಹೆಚ್ಚಿನ ಓಡಾಟ ತಂದೀತು. ಆರ್ಥಿಕವಾಗಿ ಧನಾಗಮನ ಸಮಾಧಾನ ತಂದರೂ ಖರ್ಚುವೆಚ್ಚಗಳಲ್ಲಿ ಲೆಕ್ಕಾಚಾರ ಬೇಕಾಗಲಿದೆ. ವಿದ್ಯಾರ್ಥಿಗಳಿಗೆ ಪರಿಶ್ರಮದ ಬೆಲೆ ತಿಳಿಯುವಂತಾದೀತು. ಆರೋಗ್ಯಭಾಗ್ಯಕ್ಕಾಗಿ ನಿಮ್ಮ ದೇಹವನ್ನು ಕಾಪಾಡಿಕೊಳ್ಳಿರಿ. ಶುಭವಾರ: ಮಂಗಳ, ಬುಧ, ಶನಿವಾರ.
ಮಿಥುನ
ಕೆಲವೊಮ್ಮೆ ಪರಿಸ್ಥಿತಿಯು ಕೈಮೀರಿ ಹೋಗಲಿದೆ. ಆರೋಗ್ಯದಲ್ಲಿ ಆಗಾಗ ಬದಲಾವಣೆಗಳಿಂದ ಸಮಾಧಾನವಿರದು. ಮನೆಯಲ್ಲಿ ಒಡಹುಟ್ಟಿ ದವರ ಆಗಮನ ಸಂತಸದಾಯಕವಾದೀತು. ವೈವಾಹಿಕ ಸಂಬಂಧಗಳ ಮಾತು ಕತೆಯ ಮುಂದೂಡಿಕೆಯಿಂದ ಸಮಾಧಾನ ತರದು. ನಾನಾ ಬಗೆಯ ಗೋಜಲುಗಳ ನಡುವೆ ವೈಯಕ್ತಿಕ ಸಮಸ್ಯೆಗಳನ್ನು ಕಡೆಗಣಿಸುವಿರಿ. ನಿರುದ್ಯೋಗಿಗಳಿಗೆ ತಾತ್ಕಾಲಿಕ ವ್ಯವಸ್ಥೆ ಯಾಗಲಿದೆ. ಅಧ್ಯಾತ್ಮಕ ಚಿಂತನೆಗಳಿಂದ ಮನಸ್ಸು ಸಮಾಧಾನವಾದೀತು. ಶುಭವಾರ: ಬುಧ, ಗುರು, ಶುಕ್ರವಾರ.
ಕಟಕ
ಸ್ಥಗಿತಗೊಂಡ ಕಾರ್ಯಗಳಿಗೆ ಮರುಚಾಲನೆ ಕಾರ್ಯಾನುಕೂಲಕ್ಕೆ ಸಾಧಕವಾಗಲಿದೆ. ಕೌಟುಂಬಿಕ ಸಮಸ್ಯೆಗಳನ್ನು ವೈಯಕ್ತಿಕವಾಯೇ ಬಗೆಹರಿಸು ವುದು ಉತ್ತಮ. ಸಾಂಸಾರಿಕವಾಗಿ ಹೆಂಡತಿ, ಮಕ್ಕಳ ನೆರವೇ ನಿಮಗೆ ಶ್ರೀರಕ್ಷೆ ಎನಿಸುವುದು. ಹಿರಿಯರೊಡನೆ ಪುಣ್ಯಕ್ಷೇತ್ರಗಳ ದರ್ಶನಭಾಗ್ಯ ಸಮಾಧಾನ ತರಲಿದೆ.ಕಾರ್ಯಕ್ಷೇತ್ರದಲ್ಲಿ ಭಗೀರಥ ಪ್ರಯತ್ನ ಸಾರ್ಥಕವಾಗಲಿದೆ. ರಾಜಕೀಯ ವರ್ಗದವರಿಗೆ ರಾರಾಜಿಸಲು ಇದು ಉತ್ತಮ ಕಾಲ. ಸದುಪಯೋಗಿಸಿಕೊಳ್ಳಿರಿ. ಅವಿವಾಹಿತರಿಗೆ ಪ್ರಯತ್ನ ಬಲದಿಂದ ವೈವಾಹಿಕ ಭಾಗ್ಯ ಒದಗಿ ಬರುತ್ತದೆ. ಶುಭವಾರ: ಸೋಮ, ಶನಿ, ಭಾನುವಾರ.
ಸಿಂಹ
ನಿಮ್ಮ ಋಣಾತ್ಮಕ ಯೋಚನೆಗಳನ್ನು ಬದಿಗಿಟ್ಟರೆ ಕೆಲಸಕಾರ್ಯಗಳು ನಿಮಗೆ ಅನುಕೂಲವಾಗಿ ಪರಿಣಮಿಸುವುದರಲ್ಲಿ ಸಂಶಯವಿಲ್ಲ. ಕೌಟುಂಬಿಕ ಸಂಬಂಧಗಳನ್ನು ಗಟ್ಟಿಯಾಗಿಸಿಕೊಳ್ಳಲು ಪ್ರಯತ್ನಿಸಿರಿ. ವೈಯಕ್ತಿಕ ಸಮಸ್ಯೆಗಳು ಉಪಶಮನವಾಗಲಿವೆ. ಅವಿವಾಹಿತರ ವೈವಾಹಿಕ ಮಾತುಕತೆಗಳು ಮುನ್ನಡೆಯಲಿವೆ. ವ್ಯಾಪಾರ, ವ್ಯವಹಾರಗಳು ಹೊಸ ಆಯಾಮ ಪಡೆಯಲಿವೆ. ನಿರುದ್ಯೋಗಿಗಳಿಗೆ ಉದ್ಯೋಗ ದ ಸುವರ್ಣ ಅವಕಾಶಗಳು ಒದಗಿಬರುತ್ತವೆ. ಹಣದ ಹರಿವು ಸರಾಗವಾದ್ದರಿಂದ ಕೈಬಿಟ್ಟ ಕೆಲಸ ಮರುಚಾಲನೆಯಾಗಲಿದೆ. ಶುಭವಾರ: ಮಂಗಳ, ಗುರು, ಭಾನುವಾರ.
ಕನ್ಯಾ
ವೃತ್ತಿರಂಗದ ತೆರೆಮರೆಯ ಸೂತ್ರಧಾರದಿಂದ ಅವಿರತ ಹೋರಾಟ ಅನಿವಾರ್ಯವಾದೀತು. ವೈಯಕ್ತಿಕ, ಸಾಮಾಜಿಕ ವ್ಯವಹಾರಗಳಲ್ಲಿ ನಿಮ್ಮ ಕೆಲಸ ಕಾರ್ಯಗಳು ಫ‌ಲದಾಯಕವಾದಾವು. ಸತ್ಕಾರ ಸಮಾರಂಭಗಳಲ್ಲಿ ಸಕ್ರಿಯ ಪಾತ್ರ ಸಂತಸ ತಂದೀತು. ವಿದ್ಯಾರ್ಥಿಗಳು ಅಭ್ಯಾಸಕ್ಕೆ ಹೆಚ್ಚಿನ ಒತ್ತು ನೀಡಿದಲ್ಲಿ ಯಶಸ್ಸು ತಂದುಕೊಡಲಿದೆ. ಪಿತೃವರ್ಗದವರ ಆರೋಗ್ಯ ಭಾಗ್ಯದ ಬಗ್ಗೆ ಹೆಚ್ಚಿನ ಗಮನ ಹರಿಸಬೇಕಾದೀತು. ಶೈಕ್ಷಣಿಕ ವಿಷಯಗಳಲ್ಲಿ ಆಗಾಗ ತಾಪತ್ರಯಗಳು ಕಿರಿಕಿರಿಯೆನಿಸಲಿವೆ. ಶುಭವಾರ: ಬುಧ, ಶುಕ್ರ, ಶನಿವಾರ.
ತುಲಾ
ಮಾನಸಿಕ ಸ್ಥಿರತೆಯಿಂದಲೇ ಎಲ್ಲ ವಿಚಾರಗಳಲ್ಲಿ ಮುನ್ನಡೆ ತೋರಿ ಬರುತ್ತದೆ. ನಿಮ್ಮ ಆರೋಗ್ಯ ಭಾಗ್ಯವು ಹಂತಹಂತವಾಗಿ ಸುಧಾರಿಸುತ್ತಾ ಹೋದರೂ ಕಾಳಜಿ ಅತೀ ಅಗತ್ಯವಿದೆ. ಆರ್ಥಿಕವಾಗಿ ಹೆಚ್ಚುವರಿ ಆದಾಯಕ್ಕೆ ವಿಪುಲ ಅವಕಾಶಗಳು ತೋರಿಬರುತ್ತವೆ. ಉತ್ಸುಕತೆಯಿಂದ ದೇವತಾಕಾರ್ಯಗಳ ನಿರ್ವಹಣೆ ಸಮಾಧಾನ ತಂದೀತು. ವೃತ್ತಿರಂಗದಲ್ಲಿ ನೌಕರಿ ಭಡ್ತಿ ಕುರಿತು ಉನ್ನತಾಧಿ ಕಾರಿಗಳೊಡನೆ ಮಾತುಕತೆ ಫ‌ಲಪ್ರದವಾಗಲಿದೆ. ಅವಿವಾಹಿತರ ವೈವಾಹಿಕ ಸಂಬಂಧಗಳಲ್ಲಿ ಹಿತಕರ ಬೆಳ ವಣಿಗೆಗಳು ಮುನ್ನಡೆಗೆ ಸುಲಭವಾಗಲಿದೆ. ಶುಭವಾರ: ಬುಧ, ಶನಿ, ಭಾನುವಾರ.
ವೃಶ್ಚಿಕ
ನಿಮ್ಮ ಜೀವನದಲ್ಲಿ ನಿರೀಕ್ಷೆಗೆ ಮೀರಿದ ಘಟನೆಗಳಿಂದ ನಿಮ್ಮಮನಸ್ಸಿನಲ್ಲಿರುವ ಆತಂಕವೇ ಅಧಿಕವಾಗುವುದರಿಂದ ತಾಳ್ಮೆ ಮನೋಭಾವವೇ ಅಧಿಕವಾಗಿರ ಬೇಕು. ಹೊರಗಿನ ಸಹವಾಸಗಳ ಆಕರ್ಷಣೆಗಳ ಬಗ್ಗೆ ಜಾಗ್ರತೆ ವಹಿಸಿರಿ. ಆರೋಗ್ಯ ಭಾಗ್ಯದ ಬಗ್ಗೆ ದೇಹದ ಸಮತೋಲನವನ್ನು ಕಾಪಾಡಿಕೊಳ್ಳಿರಿ. ಯಾವುದೇ ವಿಚಾರಗಳಲ್ಲಿ ದುಡುಕದೆ ನಿರ್ಧಾರವನ್ನು ತೆಗೆದುಕೊಳ್ಳಬೇಕಾದೀತು. ಸಾಹಿತಿ ಗಳಿಗೆ ಬರವಣಿಗೆಯಿಂದ ಹೆಚ್ಚುವರಿ ವರಮಾನಕ್ಕೆ ಅನುಕೂಲವಾಗಲಿದೆ. ಮಂಗಳ ಕಾರ್ಯವನ್ನು ನೆರವೇರಿಸಲು ಇದು ಸೂಕ್ತ ಸಮಯ. ಶುಭವಾರ: ಸೋಮ, ಶುಕ್ರ, ಶನಿವಾರ.
ಧನು
ವೃತ್ತಿರಂಗದಲ್ಲಿ ಕಾರ್ಮಿಕ ವರ್ಗಕ್ಕೆ ಶ್ರಮರಹಿತ ಯಾಂತ್ರಿಕ ಬದುಕು ಅನಿವಾರ್ಯವೆನ್ನಬಹುದು. ವಿದ್ಯಾರ್ಥಿ ವರ್ಗಕ್ಕೆ ತಮ್ಮ ಪರಿಶ್ರಮದಲ್ಲಿ ವಿಶ್ವಾಸವಿರಲಿ. ನಿರುದ್ಯೋಗಿಗಳ ಅಲೆದಾಟಗಳು ಧನವ್ಯಯಕ್ಕೆ ಕಾರಣ ವಾದಾವು. ಸಾಮಾಜಿಕವಾಗಿ ಯೋಗ್ಯ ಜನರ ಸಹವಾಸದ ಸದುಪಯೋಗ ಮುಂದೆ ಕಾರ್ಯಾನುಕೂಲಕ್ಕೆ ಸಾಧ್ಯವಾಗಲಿದೆ. ಹಾಗೇ ಕಾರ್ಯರಂಗದಲ್ಲಿ ಹೆಚ್ಚಿನ ಪ್ರೀತಿ, ವಿಶ್ವಾಸ ವಂಚನೆಗೆ ಕಾರಣವಾಗದಂತೆ ಕಾಳಜಿ ಹಾಗೂ ಬಿಗಿ ಇರಲಿ. ಆರೋಗ್ಯ ಭಾಗ್ಯಕ್ಕಾಗಿ ನಿಮ್ಮ ಮನಸ್ಸು-ದೇಹವನ್ನು ಚುರುಕಾಗಿಡಿರಿ. ಶುಭವಾರ: ಮಂಗಳ, ಬುಧ, ಶುಕ್ರವಾರ.
ಮಕರ
ಸಂಘರ್ಷದ ಕಾಲ. ಆರೋಗ್ಯ ಭಾಗ್ಯ ಆಗಾಗ ಕೈಕೊಡುತ್ತಾ ಇರುತ್ತದೆ. ಮಾನಸಿಕವಾಗಿ ಬಂದ ದ್ವಂದ್ವ ಚಿಂತನೆಗಳನ್ನು ಬಿಡಬೇಕಾದ ಅಗತ್ಯವಿರುತ್ತದೆ. ಗುರುಬಲ ಲಾಭಸ್ಥಾನದಿಂದ ಬಹುತೇಕ ಸಂದರ್ಭಗಳಲ್ಲಿ ಅನಿರೀಕ್ಷಿತವೆಂಬಂತೆ ನಿಮ್ಮ ಚಿಂತನೆಗಳು ಕೈಕೊಡುತ್ತವೆ. ವೃತ್ತಿರಂಗದಲ್ಲಿ ಸಾರ್ಥಕತೆ ಮೌಲ್ಯಗಳನ್ನು ಸೃಷ್ಟಿಸಿ ಕೊಡಲಿವೆ. ಅವಿವಾಹಿತರಿಗೆ ತಪ್ಪಿಹೋದ ವೈವಾಹಿಕ ಸಂಬಂಧಗಳು ವಿವಾಹದ ಅವಕಾಶ ಗಳನ್ನು ಪುನಃ ಕೊಡಲಿವೆ. ವಿದ್ಯಾರ್ಥಿಗಳು ಪ್ರಯತ್ನಬಲ ಹಾಕಿದಲ್ಲಿ ಒಳ್ಳೆಯ ಫ‌ಲಿತಾಂಶ ದೊರಕೀತು. ಶುಭವಾರ: ಗುರು, ಶುಕ್ರ, ಶನಿವಾರ.
ಕುಂಭ
ಮಹಿಳೆಯರು ತಮ್ಮ ಭಾವನೆಗಳ ಮೇಲೆ ಪೂರ್ತಿ ನಿಯಂತ್ರಣ ಸಾಧಿಸ ಬೇಕಾದೀತು. ವೃತ್ತಿರಂಗದಲ್ಲಿ ಸಮಾಧಾನವಿಲ್ಲದಿದ್ದರೂ ನಿಮ್ಮ ಪ್ರಯತ್ನ ಬಲ, ಪರಿಶ್ರಮಕ್ಕೆ ನೀವೇ ಸಮಾಧಾನ ಪಡುವಂತಾದೀತು. ವ್ಯಾಪಾರ, ವ್ಯವಹಾರ ಗಳಲ್ಲಿ ಆರ್ಥಿಕವಾಗಿ ಕಷ್ಟನಷ್ಟಗಳಿಗೆ ಗುರಿಯಾಗುವ ಭೀತಿ ತಂದೀತು. ಹೆಚ್ಚಿನ ಕಾರ್ಯಗಳ ಒತ್ತಡ ದೀರ್ಘಾವಧಿಯ ಪರಿಣಾಮಗಳ ಬಗ್ಗೆ ಗಮನಹರಿಸುವಂತಾದೀತು.ಜೀರ್ಣಕ್ರಿಯೆಗೆ ಸಂಬಂಧಿಸಿದ ಸಮಸ್ಯೆ, ರಕ್ತದ ಒತ್ತಡದಂಥ ಅನಾರೋಗ್ಯ ಎದುರಾಗ ಬಹುದು. ಮಾನಸಿಕ ದೃಢತೆಯನ್ನು ಮತ್ತೆ ಗಳಿಸಿಕೊಳ್ಳಿರಿ. ಶುಭವಾರ: ಸೋಮ, ಶನಿ, ಭಾನುವಾರ.
ಮೀನ
ವೃತ್ತಿರಂಗದಲ್ಲಿ ಕಾಯಕವೇ ಕೈಲಾಸವೆಂಬಂತೆ ಛಲಬಿಡದೆ ಪಟ್ಟು ಹಿಡಿದು ದುಡಿಯಿರಿ. ನಿಶ್ಚಿತ ರೂಪದಲ್ಲಿ ಯಶಸ್ಸು ನಿಮ್ಮದಾಗಲಿದೆ. ಕೌಟುಂಬಿಕ ವಾಗಿ ಆಗಾಗ ಋಣಾತ್ಮಕ ಭಾವನೆಗಳೇ ನಿಮಗೆ ಮಾರಕವಾದಾವು. ಕೆಲವೊಂದು ವರ್ತನೆಗಳು ನಿಮ್ಮನ್ನು ಮತ್ತೆ ಮರೆಯಲಾಗದ ಸಮಸ್ಯೆಗಳಿಗೆ ನೂಕುವ ಸಾಧ್ಯತೆ ಇದೆ. ವೈಯಕ್ತಿಕ ಸಮಸ್ಯೆಗಳನ್ನು ಪಾರದರ್ಶಕತೆಯಿಂದ ವಿಶ್ಲೇಷಿಸಿ ದಿಟ್ಟ ನಿರ್ಧಾರ ಕೈಗೊಳ್ಳಿರಿ. ವೈವಾಹಿಕ ಸಂಬಂಧಗಳು ಯೋಗ್ಯ ವಯಸ್ಕರಿಗೆ ಸಾಧಕವಾಗಲಿದೆ. ಆರ್ಥಿಕ ದೃಷ್ಟಿಯಲ್ಲಿ ಸಂಪತ್ತು ಗಳಿಕೆಗೆ ಇದು ಸಕಾಲ. ಶುಭವಾರ: ಸೋಮ, ಶನಿ, ಭಾನುವಾರ.
Back to Top