ನಂದಿತಾ ಭಟ್‌ ಸಂಗೀತ ಅರಂಗೇಟ್ರಂ

Team Udayavani, Aug 2, 2019, 5:00 AM IST

ಅರಂಗಂ ಅಂದರೆ ವೇದಿಕೆ. ಇಟ್ರಂ ಅಂದರೆ ಏರುವಿಕೆ. ಇದು ಅರಂಗೇಟ್ರಂ ಪದಕ್ಕಿರುವ ಶಬ್ದಾರ್ಥ. ಸಾಮಾನ್ಯವಾಗಿ ನೃತ್ಯಗಳ ಪ್ರಥಮ ಸಾರ್ವಜನಿಕ ವೇದಿಕೆ ಪ್ರದರ್ಶನಕ್ಕೆ ಈ ಪದವನ್ನು ಬಳಸುವುದು ವಾಡಿಕೆ. ಆದರೆ ಇಲ್ಲಿ ಸಂಗೀತ ಕಚೇರಿಯ ಚೊಚ್ಚಲ ವೇದಿಕೆಯ ಕಾರ್ಯಕ್ರಮವೊಂದಕ್ಕೆ ಬಳಸುತ್ತಿದ್ದೇನೆ. ಅದು ಜು.21ರ ಸಂಜೆ ಅಂಬಲಪಾಡಿ ಕಪ್ಪೆಟ್ಟಿನಲ್ಲಿರುವ ಡಾ| ಮೋಹನದಾಸ ರಾವ್‌ ಮನೆಯಲ್ಲಿ ನಡೆದ ಚೊಚ್ಚಲ ಸಂಗೀತ ಕಛೇರಿ. ಅದು ಕಪ್ಪೆಟ್ಟು ಅಂಬಲಪಾಡಿಯಲ್ಲಿ ನಡೆದ ಮೊದಲ ಗೃಹ ಸಂಗೀತ ಕಚೇರಿಯೂ ಹೌದು. ಪ್ರಥಮ ಕರ್ನಾಟಕ ಶಾಸ್ತ್ರೀಯ ಸಂಗೀತದ ಹಾಡುಗಾರಿಕೆಯನ್ನು ಅಳಕಿಲ್ಲದೆ ನಡೆಸಿಕೊಟ್ಟವರು ಕು| ನಂದಿತಾ ಭಟ್‌. ಗಡಹದ್‌ ಮನೆತನದ ಅರುಣಕಾಂತ ಭಟ್‌ ಅವರ ಪುತ್ರಿ 15ರ ನಂದಿತಾ. ಶಾಲಾ ವ್ಯಾಸಂಗ ಅಮೆರಿಕದಲ್ಲಿಯಾದರೂ ನಂದಿತಾ, ಕಳೆದ ಐದು ವರ್ಷಗಳಿಂದ ಆನ್‌ಲೈನ್‌ ಸಂಗೀತ ಪಾಠವನ್ನು ಬೆಂಗಳೂರಿನ ವಿ|ಅರುಣಾ ರಾಜಗೋಪಾಲ್‌ರಿಂದ ಕಲಿಯುತ್ತಿದ್ದಾರೆ. ಸ್ವದೇಶಕ್ಕೆ ಬಂದಾಗಲೆಲ್ಲಾ ಬೆಂಗಳೂರಿಗೆ ಹೋಗಿ ಗುರುಮುಖೇನ ಪ್ರತ್ಯಕ್ಷ ಪಾಠವನ್ನು ಕಲಿಯುತ್ತಿದ್ದಾರೆ. ಚೊಚ್ಚಲ ವೇದಿಕೆ ಕಚೇರಿಯಲ್ಲಿ ನಂದಿತಾ, ಪುರಂದರದಾಸರು, ತ್ಯಾಗರಾಜ, ಮುತ್ತುಸ್ವಾಮಿ ದೀಕ್ಷಿತರು, ರಾಘವೇಂದ್ರಸ್ವಾಮಿಗಳ ಕೀರ್ತನೆಗಳನ್ನು ಹಾಡಿ ನೆರೆದಿದ್ದ ರಂಜಿಸಿದರು. ಪಿಟೀಲಿನಲ್ಲಿ ಶರ್ಮಿಳಾ ರಾವ್‌ ಮತ್ತು ಮೃದಂಗದಲ್ಲಿ ಬಾಲಚಂದ್ರ ಭಾಗವತ್‌ ಸಹಕರಿಸಿದರು.

ಜಲಂಚಾರು ರಘುಪತಿ ತಂತ್ರಿ

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಬಡಗುತಿಟ್ಟಿನ ಯಕ್ಷ ರಂಗದಲ್ಲಿ ಬಹುತೇಕ ಪ್ರಸಿದ್ಧ ಸ್ತ್ರೀವೇಷ ಕಲಾವಿದರು ನೇಪಥ್ಯಕ್ಕೆ ಸಂದ ಕಾಲದಲ್ಲಿ ಯಕ್ಷ ರಂಗಕ್ಕೆ ಬಂದವರು ಸ್ತ್ರೀ ವೇಷಧಾರಿ ನೀಲಕೋಡು...

  • ನೂರಾರು ವರ್ಷಗಳ ಹಿಂದೆ ನಾಟ್ಯಲೋಕದ ಅನಭಿಷಕ್ತ ಸಾಮ್ರಾಜ್ಞಯರಾಗಿ ಇತಿಹಾಸದಲ್ಲಿ ಹೆಸರನ್ನು ದಾಖಲಿಸಿ ಕಾಲಚಕ್ರದಲ್ಲಿ ಲೀನರಾದರೂ ತಮ್ಮ ಕಲಾಸಾಧನೆಯಿಂದಾಗಿ...

  • ಯಕ್ಷಬಳಗ ಹೊಸಂಗಡಿ ಸಂಘದ ವತಿಯಿಂದ ಈ ಬಾರಿಯ ವಾರ್ಷಿಕ ಸಮ್ಮಾನ ಹಿರಿಯ ಹವ್ಯಾಸಿ ಕಲಾವಿದ ನಾರಾಯಣ ಪೂಜಾರಿ ಬೆಜ್ಜಂಗಳ ಅವರಿಗೆ ಸಲ್ಲಲಿದೆ. ನಾರಾಯಾಣ ಪೂಜಾರಿ ಬೆಜ್ಜಂಗಳ...

  • ಬೆಳುವಾಯಿ ಶ್ರೀ ಯಕ್ಷದೇವ ಮಿತ್ರ ಕಲಾಮಂಡಳಿಯ ಆಗಸ್ಟ್‌ ತಿಂಗಳ ತಾಳಮದ್ದಳೆಗೆ ಡಾ| ಕೋಳ್ಯೂರು ರಾಮಚಂದ್ರ ವಿಶೇಷ ಆಮಂತ್ರಿತರು. ಪ್ರಧಾನವಾಗಿ ಅವರು ಸ್ತ್ರೀ ಪಾತ್ರ...

  • ಯಕ್ಷಗಾನ ಕಲಾಕೇಂದ್ರ ಹಂಗಾರಕಟ್ಟೆ, ಐರೋಡಿ ಇವರ ಸಹಯೋಗದೊಂದಿಗೆ ಗುಂಡ್ಮಿಯ ಸದಾನಂದ ರಂಗಮಂಟಪದಲ್ಲಿ ಖ್ಯಾತ ಕಲಾವಿದರ ಕೂಡುವಿಕೆಯಲ್ಲಿ ವೀರ ಬರ್ಭರೀಕ ಎನ್ನುವ...

ಹೊಸ ಸೇರ್ಪಡೆ