ಪ್ರಯತ್ನ ಅನ್ನುವ ಟರ್ನಿಂಗ್‌ ಪಾಯಿಂಟ್

Team Udayavani, Sep 20, 2019, 5:00 AM IST

ಪ್ರತಿಯೊಬ್ಬರ ದೃಷ್ಟಿಯಲ್ಲಿಯೂ ಜೀವನದ ಅರ್ಥ ಬೇರೆಯಾಗಿ ಕಾಣುತ್ತದೆ. ಯಾರಿಗೆ ಹೇಗೆ ಕಂಡರೂ ಜೀವನದ ಅಂತ್ಯವೆಂಬುದು ಸಾವೇ ಆಗಿರುತ್ತದೆ. ಸಾವಿಗಿಂತ ಮೊದಲು ಏನಾದರೂ ಸಾಧಿಸಬೇಕು ಎಂಬ ಛಲ ಇದ್ದಾಗ ಮಾತ್ರ ಜೀವನ ಸಾರ್ಥಕವಾಗುತ್ತದೆ. ಅದೆಷ್ಟೋ ಜನರು ಈ ಜೀವನವೇ ಸಾಕು ಸಾಕಾಗಿದೆ ಎಂದು ಸುಮ್ಮನೆ ಕುಳಿತಿರುತ್ತಾರೆ. ಇನ್ನೆಷ್ಟೋ ಜನರು ಜೀವನದಲ್ಲಿ ಬರುವ ಕಷ್ಟಗಳನ್ನು ಎದುರಿಸಲಾಗದೆ ಸಾವಿನ ಬಾಗಿಲಿಗೆ ತಾವೇ ಶರಣಾಗುತ್ತಾರೆ. ಜೀವನವೆಂದರೇ ಇದೆಯಾ? ಹಾಗಾದರೆ, ಮನುಷ್ಯರಾಗಿ ಏಕೆ ಹುಟ್ಟಿದೆವು? ಎಂದು ತಮ್ಮನ್ನು ತಾವೇ ಪ್ರಶ್ನಿಸಿಕೊಳ್ಳಬೇಕಾಗುತ್ತದೆ.

ಜೀವನವೆಂಬುದು ಅದೆಷ್ಟೋ ಏಳು-ಬೀಳುಗಳನ್ನು ಕಂಡು ಕೊನೆಗೆ ಸಾಧನೆಯ ಮೆಟ್ಟಿಲೇರಿ ಸಾಧಿಸಿದ ಖುಷಿಯನ್ನು ಸಾಯುವ ತನಕ ನಿಭಾಯಿಸುವುದು ಕೂಡ ಒಂದು ತರಹದಲ್ಲಿ ಜೀವನ. ಡಾ. ಎ. ಪಿ. ಜೆ . ಅಬ್ದುಲ್‌ ಕಲಾಂ ಅವರು ಹೇಳಿದ ಹಾಗೆ ನಾವು ಒಬ್ಬ ಯಶಸ್ಸನ್ನು ಕಂಡ ವ್ಯಕ್ತಿಯ ಚರಿತ್ರೆಯನ್ನು ಓದಿದಾಗ ನಮಗೆ ಕೇವಲ ಸಂದೇಶ ಸಿಗುತ್ತದೆ, ಹಾಗೆಯೇ ಸೋಲನ್ನು ಕಂಡ ವ್ಯಕ್ತಿಯ ಚರಿತ್ರೆಯನ್ನು ಓದಿದಾಗ ಮಾತ್ರ ನಾವು ಯಶಸ್ಸನ್ನು ಹೇಗೆ ಪಡೆಯಬೇಕೆಂಬ ಕಲ್ಪನೆ ಬರುತ್ತದೆ.

ಯಾರಿಗೆ ಗೊತ್ತು, ನಮ್ಮ ಜೀವನದಲ್ಲಿ ನಾವು ಕಂಡ ಸೋಲೇ ಮುಂದೊಂದು ದಿನ ನಮ್ಮ ಗೆಲುವಾಗಿ ಎದ್ದು ನಿಲ್ಲಬಹುದು. “ಸೋಲೇ ಜೀವನದ ಸೋಪಾನ’ ಎನ್ನುವ ಹಾಗೆ ನಾವು ಕಂಡ ಸೋಲೇ ಜೀವನದ ಟರ್ನಿಂಗ್‌ ಪಾಯಿಂಟ್‌ ಆದರೂ ಆಶ್ಚರ್ಯವೇನಿಲ್ಲ . “ಮರಳಿ ಯತ್ನವ ಮಾಡು’ ಎಂಬ ಮಾತಿದೆ ಹಾಗೆಯೇ ಜೀವನದಲ್ಲಿ ಸೋತಾಗ ಕುಗ್ಗದೆ, ಗೆದ್ದಾಗ ಹಿಗ್ಗದೆ ಏನೇ ಆದರೂ ನಿಭಾಯಿಸುತ್ತೇನೆ ಎಂಬ ಧೈರ್ಯವೇ ಜೀವನದ ಸಾಕ್ಷಾತ್ಕಾರವಾಗಬಹುದು.

ಅಧ್ಯಾಪಕರು ಒಮ್ಮೆ ತರಗತಿಯಲ್ಲಿ ಹೇಳಿದ ಉದಾಹರಣೆ: ತರಗತಿಯಲ್ಲಿದ್ದ ಎಲ್ಲ ವಿದ್ಯಾರ್ಥಿಗಳು ಬಹಳ ಉತ್ಸುಕರಾಗಿ ಪಾಠವನ್ನು ಕೇಳುವಾಗ ಕೊನೆಯ ಬೆಂಚಿನ ವಿದ್ಯಾರ್ಥಿ ಸುಮ್ಮನೆ ತನ್ನಷ್ಟಕ್ಕೆ ಏನೋ ಮಾಡುತ್ತಿದ್ದುದನ್ನು ಕಂಡ ಶಿಕ್ಷಕರು ಆ ವಿದ್ಯಾರ್ಥಿ ಹತ್ತಿರ ಬಂದು, “ಯಾಕೋ ಪಾಠ ಕೇಳುತ್ತಿಲ್ಲ?’ ಎಂದು ಗದರಿಸಿ ಒಂದೆರಡು ಬೈದರು. ಆ ಬೈಗುಳದಲ್ಲಿ ಒಂದು ವಿಷಯ ಮಾತ್ರ ಆತ ಗಂಭೀರವಾಗಿ ತೆಗೆದುಕೊಂಡ. ಶಿಕ್ಷಕರು ಆತನಿಗೆ, “ನೋಡು, ನೀನು ಏಕೆ ಅವರಂತೆ ಇಲ್ಲ. ಎಲ್ಲರೂ ಪಾಠ ಕೇಳುವಾಗ ನೀನೇನೋ ಮಾಡುತ್ತಿರುತ್ತೀಯಾ? ’ ಎಂದಾಗ ಆತನಿಗೆ ಆ ಮಾತು ಹೊಸ ಹುರುಪನ್ನು ನೀಡಿತು. ಅಂದೇ ಆತ ತನ್ನನ್ನು ತಾನು ಪ್ರಶ್ನಿಸಿಕೊಂಡು ತಾನೇಕೆ ಬೇರೆಯವರ ಹಾಗಿರಬೇಕು, ತನ್ನ ಹಾಗೆ ಏಕೆ ಬೇರೆಯವರಿಲ್ಲ- ಎಂಬ ಶಿಕ್ಷಕರ ಆ ಮಾತು ಆ ಮಗುವಿಗೆ ಟರ್ನಿಂಗ್‌ ಪಾಯಿಂಟ್‌ ಆಗಿ ಕಂಡಿತು. ಅಂದೇ ಆತ ಬೇರೆಯವರಿಗಿಂತ ಭಿನ್ನವಾಗಿ ತನ್ನನ್ನು ತಾನು ಹೊಸ ಕೆಲಸದಲ್ಲಿ ಹೇಗೆ ತೊಡಗಿಸಿ ಕೊಂಡ- ಎಂದು ತರಗತಿಯಲ್ಲಿ ಪ್ರಾಧ್ಯಾಪಕರು ಹೇಳಿದರು.

ಸ್ನೇಹಿತರೆ, ಜೀವನದಲ್ಲಿ ಅದೆಷ್ಟು ಕಷ್ಟ ಬಂದರೂ ಎದುರಿಸುವ ಛಲವಿದ್ದಾಗ ಮಾತ್ರ ನಾವು ಗೆಲುವು ಸಾಧಿಸಲು ಸಾಧ್ಯ. ಪ್ರಯತ್ನವೆಂಬುದು ಜೀವನದ ಮಂತ್ರವಾಗಬೇಕು. ನ‌ಮ್ಮ ಬಗ್ಗೆ ನ‌ಮಗೆ ಹೆಮ್ಮೆ ಇರಬೇಕು. ಯಾವತ್ತೂ ತಮ್ಮ ಜೀವನವನ್ನು ಬೇರೆಯವರೊಂದಿಗೆ ಹೋಲಿಸಿಕೊಂಡು ನೋಡದೆ, ಬೇರೆಯವರ ಹಾಗೆ ನಾವೇಕೆ ಇರಬೇಕು, ನಮಗಾಗಿ ನಾವು ಏಕೆ ಬದುಕಬೇಕು ಎಂಬ ದೃಷ್ಟಿಕೋನ ನಮ್ಮಲ್ಲಿರಬೇಕು. ಜೀವನದಲ್ಲಿ ಕಂಡ ಸೋಲು ಜೀವನದ ಮುಖ್ಯ ಟರ್ನಿಂಗ್‌ ಪಾಯಿಂಟ್‌ ಕೂಡ ಆಗಬಹುದು.

ಎ. ಸಿ. ಶೋಭಾ
ಎಂಪಿಎಂ ಪ್ರಥಮ ದರ್ಜೆ ಕಾಲೇಜು, ಕಾರ್ಕಳ

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಅದು ಜುಲೈ ತಿಂಗಳ ಕೊನೆಯ ವಾರ. ಜೀವನದ ಹೊಸ ಮೆಟ್ಟಿಲು ಏರುತ್ತಿರುವ ಸಂತೋಷ ಒಂದೆಡೆಯಾದರೆ, ವಿದ್ಯಾರ್ಥಿ ಜೀವನದ ಕೊನೆಯ ಹಂತ ಎನ್ನುವ ಬೇಸರ ಇನ್ನೊಂದೆಡೆ. ಅದು...

  • ಪುಟ್ಟ ಪುಟ್ಟ ಹೆಜ್ಜೆಗಳನ್ನಿಡುತ್ತ, ಬ್ಯಾಗ್‌ ಹಾಕಿಕೊಂಡು ಶಾಲೆಗೆ ಹೋಗುವ ಮಕ್ಕಳನ್ನು ನೋಡುವಾಗ, ನನಗೆ ನನ್ನ ಶಾಲಾ ಜೀವನದ ಆ ಸುಂದರ ಕ್ಷಣಗಳ ನೆನಪಾಗುತ್ತದೆ....

  • ಆಗಷ್ಟೆ ಸೂರ್ಯ ಮುಳುಗಲಾರಂಭಿಸಿದ್ದ. ಪಕ್ಷಿಗಳೆಲ್ಲ ಚಿಲಿಪಿಲಿ ಗುಟ್ಟುತ್ತ ತಮ್ಮ ತಮ್ಮ ಗೂಡುಗಳಿಗೆ ಮರಳಲು ಹೊರಡುತ್ತಿದ್ದವು. ಇತ್ತ ಚಂದಿರ ತನ್ನ ಕರ್ತವ್ಯ ನಿರ್ವಹಿಸುವ...

  • ಕೆಲ ದಿನಗಳ ಹಿಂದಷ್ಟೇ ರಸ್ತೆ ಬದಿಯಲ್ಲಿ ನಿಂತು ಬಸ್ಸಿಗಾಗಿ ಕಾಯುತ್ತಿದ್ದಾಗ ಪುಟ್ಟ ಹಕ್ಕಿಯೊಂದು "ಚಿಂವ್‌... ಚಿಂವ್‌' ಎನ್ನುತ್ತ ಅತ್ತಿಂದಿತ್ತ ಹಾರಾಡುತ್ತಿತ್ತು....

  • ಅಮ್ಮ ಎಂದರೆ ಮೊದಲಿಗೆ ನೆನಪಾಗುವುದು ಪ್ರೀತಿ, ಮಮತೆ, ಅಕ್ಕರೆ. ಅಮ್ಮನ ಬಗ್ಗೆ ಎಷ್ಟೇ ಹೇಳಿದರೂ ಸಾಲದು ಎಂದು ಹೇಳಿದರೆ ಯಾರು ಇಲ್ಲವೆನ್ನುತ್ತಾರೆ ! ಶಾಲಾ-ಕಾಲೇಜಿಗೆ...

ಹೊಸ ಸೇರ್ಪಡೆ

  • ಬೆಂಗಳೂರು: ಹಿಂಗಾರು ಮಾರುತಗಳ ಭರ್ಜರಿ ಪ್ರವೇಶ ದಿಂದ ಕಳೆದೆರಡು ದಿನಗಳಿಂದ ರಾಜ್ಯಾದ್ಯಂತ ಮಳೆ ಅಬ್ಬರಿ ಸುತ್ತಿದೆ. ಇನ್ನೂ ಮೂರ್‍ನಾಲ್ಕು ದಿನಗಳು ಇದೇ ವಾತಾವರಣ...

  • ಏಷಿಯಾದ ಮೊದಲ "ಬಿಪಿಎಲ್‌'ಗೆ ಭಾನುವಾರ ಪ್ರಾಯೋಗಿಕ ಚಾಲನೆ ಸಿಕ್ಕಿದೆ. ಈ ಒಂದು ಪಥ ಯಶಸ್ವಿಯಾದರೆ, ನಗರ ಸಂಚಾರ ವ್ಯವಸ್ಥೆಯಲ್ಲಿ ಹಲವು ಬದಲಾವಣೆಗಳಿಗೆ ಮುನ್ನುಡಿ...

  • ಬೆಂಗಳೂರು: ಅಲಯನ್ಸ್‌ ವಿವಿಯ ವಿಶ್ರಾಂತ ಕುಲಪತಿ ಹಾಗೂ ರಾಜಕಾರಣಿ ಡಾ.ಅಯ್ಯಪ್ಪ ದೊರೆ ಕೊಲೆ ಪ್ರಕರಣದ ಎರಡನೇ ಪ್ರಮುಖ ಆರೋಪಿ ಹಾಗೂ ಸುಪಾರಿ ಹಂತಕನಿಗೆ ಉತ್ತರ...

  • ವೀರ ಸಾವರ್ಕರ್‌ಗೆ "ಭಾರತ ರತ್ನ' ನೀಡುವ ಮಹಾರಾಷ್ಟ್ರ ಬಿಜೆಪಿ ಪ್ರಣಾಳಿಕೆಯ ಅಂಶದ ಬಗ್ಗೆ ರಾಜಕೀಯ ನಾಯಕರ ವಾಕ್ಸಮರ ಭಾನುವಾರವೂ ಮುಂದುವರಿದಿದೆ. ಇದೇ ವಿಚಾರವಾಗಿ...

  • ಬೆಂಗಳೂರು: ಅನಿಷ್ಠ ಹಾಗೂ ನಿಷೇಧಿತ ದೇವದಾಸಿ ಪದ್ಧತಿಯಿಂದ ಮುಕ್ತಿ ಪಡೆದು ಸಮಾಜದ ಮುಖ್ಯ ವಾಹಿನಿಗೆ ಬಂದು ಗೌರವ ಹಾಗೂ ಘನತೆಯ ಬದುಕು ಕಟ್ಟಿಕೊಳ್ಳುತ್ತಿರುವ...