ಒಟ್ಟಿಗೇ ಬಹುಮಾನ ಸ್ವೀಕರಿಸೋಣ ಬಾರೋ…

Team Udayavani, Nov 5, 2019, 3:48 AM IST

ನೀನು ಬರೆದ ಒಂದು ಚುಕ್ಕಿಯು ಕೂಡ ನನಗೆ ವೇದವಾಕ್ಯದಂತೆ.ಆ ಮೌನದಲ್ಲೇ ಏನೋ ಒಂದು ಮಾತಿದೆಯೆಂದು ನಾನರಿಯುವೆ. ಮೌನಂ ಸಮ್ಮತಿ ಲಕ್ಷಣಂ ಎಂದು ಹಿರಿಯರೇ ಹೇಳಿರುವರಲ್ಲ? ನೀ ಬರೆದ ಒಂದು ಅಕ್ಷರವೂ ನನ್ನ ಪಾಲಿಗೆ ಉಪನಿಷತ್ತಿನಂತೆ ಕಣೋ. ಅಷ್ಟೇ ಅಲ್ಲ; ಮೂರು ಸಾಲುಗಳ ನೀ ಬರೆದ ಕಾವ್ಯ ತ್ರಿಪದಿಯಂತೆಯೂ, ಐದು ಸಾಲುಗಳು ಶರಣರ ವಚನಗಳಂತೆ. ಇನ್ನು ಚೌಪದಿ,ಷಟ³ದಿ,ಹೀಗೆ ಸಾಗುತ್ತಲೇ ಹೋಗುವುದು.

ನೀನು ನನಗಾಗಿ ಎರಡು ಸಾಲು ಬರೆದರೆ ಅದೇ ಸಾಕೆನಗೆ. ನೀನು ಬರೆವ ಸಾಲುಗಳೇ ನನ್ನ ಪಾಲಿಗೆ ಸುಭಾಷಿತವೂ, ನುಡಿಮುತ್ತು. ಅಮೃತ ವಚನದ ವಾಚನದಂತೆ ದಿನಾಲೂ ಒಂದು ಪತ್ರ ತೆರೆದು ಓದುವುದನ್ನು ನಾನು ಹವ್ಯಾಸವೆನ್ನಲೋ, ಹುಚ್ಚು ಎನ್ನಲೋ, ಅಭ್ಯಾಸವೆನ್ನಲೋ ತಿಳಿಯದು. ಅದಕ್ಕೆ ಏನು ಹೆಸರಿಡಲಿ ಗೆಳೆಯ?

ನೀ ಬರೆದ ಪತ್ರಗಳ ಸಂಗ್ರಹವೇ ನನಗೊಂದು ಗ್ರಂಥ ಭಂಡಾರ. ಪ್ರೀತಿ ದೇವತೆಯ ಮುಂದೆ ಆ ಗ್ರಂಥವಿಟ್ಟು ಪೂಜಿಸುವ ಸೌಭಾಗ್ಯವತಿ ನಾನು. ಮಾಡದ ಪೂಜೆ, ವ್ರತ, ಉಪವಾಸ, ಸಂಕಷ್ಟಿಗಳಿಲ್ಲ. ಆದರೆ ದೇವರು ಮಹಾ ತಪಸ್ಸಿನ ನಂತರ ನೀಡುವ ವರದಂತೆ ನೀ ಒಲಿಯಲು ಬಹಳ ಸಮಯವೇ ಬೇಕೇನೋ ಎಂಬ ಶಂಕೆ ಎನಗೆ.

ಇಷ್ಟು ದಿನವಾದರೂ ನಿನ್ನ ಪತ್ರ ಕಾಣದೇ ಇರುವುದು ಯಾಕೋ ಬಿಡಿಸಲಾರದ ಒಗಟಾಗಿದೆ.ಆ ಒಗಟಿಗೆ ಉತ್ತರವ ಕಳುಹಿಸುವೆಯಾ?ಒಗಟು ಬಿಡಿಸಲು ರಸಪ್ರಶ್ನೆಯಲ್ಲಿ ನೀಡುವಂತೆ ನೀನು ಥಟ್‌ ಅಂತ ಮಾತಾಡಬೇಕೆಂದು ನಾ ಬಯಸುವೆ. ಕಾಲಾವಕಾಶ ಜಾಸ್ತಿ ತೆಗದುಕೊಳ್ಳದೇ ಈ ಪ್ರಶ್ನೆಗೆ ಬೇಗ ಉತ್ತರ ಹೇಳಿ ಬಹುಮಾನವನ್ನು ಜಂಟಿಯಾಗಿ ಸ್ವೀಕರಿಸೋಣ ಬಾ ಗೆಳೆಯ.

ಇಂತಿ ನಿನ್ನ ಪ್ರೀತಿಯ,
ಉಲೂಚಿ

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಶ್ರೀಮಂತಿಕೆ ಪ್ರದರ್ಶನದ ಸೋಗಿನಲ್ಲಿ ಅಗತ್ಯವಿಲ್ಲದಿದ್ದರೂ ಸಭೆ, ಸಮಾರಂಭಗಳಲ್ಲಿ ಯಥೇಚ್ಛವಾಗಿ ಅಡುಗೆ ಮಾಡಿಸಿ ಉಳಿದ ಆಹಾರವನ್ನು ಬೀದಿಗೆ ಚೆಲ್ಲುವ ಸಂದರ್ಭದಲ್ಲೇ...

  • ಇತ್ತೀಚೆಗೆ, ಯುವಕರಲ್ಲಿ ಮಿಲಿಟರಿಗೆ ಸೇರುವ ಹುಮ್ಮಸ್ಸು ಹೆಚ್ಚಾಗುತ್ತಿದೆ. ಮಿಲಿಟರಿಯ ವಿಸ್ತರಣಾ ರೂಪವಾಗಿ ಕಾಣುವ ಪೊಲೀಸ್‌ ಇಲಾಖೆಯಲ್ಲೂ ಅನೇಕ ಹುದ್ದೆಗಳಿವೆ....

  • ಮಕ್ಕಳು ಪಿಯುಸಿ ದಾಟಿದ ನಂತರವೂ, ಅವರನ್ನು ಸಣ್ಣವರೆಂದೇ ಭಾವಿಸಿ ಅವರ ಎಲ್ಲ ಕೆಲಸವನ್ನೂ ತಾವೇ ಮಾಡಲು ಕೆಲವು ಪೋಷಕರು ಮುಂದಾಗುತ್ತಾರೆ. ಇದರಿಂದ ಮಕ್ಕಳು ಇನ್ನೊಬ್ಬರ...

  • ಹಳ್ಳಿ ಹುಡುಗರೂ ಬುದ್ಧಿ ವಂತಿಕೆ ಪೇಟೆ ಮಕ್ಕಳಿಗೇ ಸವಾಲು ಹಾಕುವಂತಿದೆ. ಇವರು ಹೈಳಿ ಹೈಕ್ಳು ಅನ್ನೋ ಹಾಗಿಲ್ಲ. ಏಕೆಂದರೆ, ಈಸಲದ ಪಿಯುಸಿಯಲ್ಲಿ ಇವರೇ ಮುಂದು. ದಿನೇ...

  • ನನ್ನೆಲ್ಲಾ ಶಕ್ತಿಗಳನ್ನು ಒಂದುಗೂಡಿಸಿಕೊಂಡೆ. ನನ್ನ ಪ್ರೀತಿಯ ಪಾಲಿಗೆ ಇಂದು ಈ ಕ್ಷಣವೇ ಅಚ್ಚೆ ದಿನ್‌ ಆಗಬಹುದೆಂದು ಎಣಿಸಿದೆ. ಜೊತೆಯಲ್ಲಿ ಏಳು ಹೆಜ್ಜೆ, ಒಂದು...

ಹೊಸ ಸೇರ್ಪಡೆ