ರಾಜನಿಗೆ ಕೈಕಾಲು ಮೊಳೆತ ಊರು

Team Udayavani, Dec 7, 2019, 4:00 AM IST

ಚನ್ನಪಟ್ಟಣಕ್ಕೆ ಅಂಟಿಕೊಂಡಂತೆ ಇರುವ ಊರು ಇದು. ಹಿಂದೆ ಇಲ್ಲಿ ಸಾರಂಗಧರ ಎಂಬ ಒಬ್ಬ ರಾಜನಿದ್ದ. ಒಮ್ಮೆ ಅವನ ಮೇಲೆ ಶತ್ರುಗಳ ದಾಳಿ ನಡೆದು, ಅವನ ಕೈಕಾಲುಗಳನ್ನು ಕತ್ತರಿಸಿ, ನಿರ್ಮಲ ಎಂಬ ನದಿಗೆ ಎಸೆದರಂತೆ. ಅಪಾರ ನೋವು, ಪ್ರಾಣ ಹೋಗುವಂಥ ಆ ಸ್ಥಿತಿಯಲ್ಲೂ ಸಾರಂಗಧರ ಭಗವನ್ನಾಮ ಜಪಿಸುತ್ತಾ, ಇಲ್ಲಿನ ಅಪ್ರಮೇಯ ಸ್ವಾಮಿ ದೇವಾಲಯವನ್ನು ಹರಸಾಹಸ ಪಟ್ಟು ತಲುಪಿದನಂತೆ. ಸ್ವಾಮಿಯ ದರುಶನವಾದ ಕೂಡಲೇ ಅವನಿಗೆ ಕೈಕಾಲುಗಳು ಮೊಳೆತು, ಮೊದಲಿನ ರೂಪ ಬಂದಿತು ಎನ್ನುವುದು ಪೌರಾಣಿಕ ನಂಬಿಕೆ. “ಮುಳೈತ್ತೂರು’ ಎನ್ನುವ ಮೂಲ ಹೆಸರಿನಿಂದ ಈಗ “ಮಳೂರು’ ಆಗಿದೆ ಎನ್ನಲಾಗುತ್ತದೆ. ಇಲ್ಲಿರುವ ಅಪ್ರಮೇಯ ಸ್ವಾಮಿಗೆ ಶ್ರೀರಾಮನು, ಹೋಮ- ಹವನಾದಿಗಳನ್ನು ಮಾಡಿ, ಪೂಜಿಸಿದ್ದ ಎಂದು ಬ್ರಹ್ಮಾಂಡ ಪುರಾಣದಲ್ಲಿ ಉಲ್ಲೇಖವಿದೆ.