ಪ್ರೇಮ ಪಯಣ

Team Udayavani, Oct 25, 2019, 4:53 AM IST

ಏಯ್‌, ಅಲ್ಲಿ ನೋಡು, ಫ‌ಸ್ಟ್ ಇಯರ್‌ನ ಹುಡುಗಿಯರು ತುಂಬ ಸುಂದರವಾಗಿದ್ದಾರೆ. ಆ ಹೊಸ ಮೇಡಂ ತುಂಬ ಜೋರಿದ್ದಾರಂತೆ”- ಕ್ಲಾಸಿನ ಹೊರಗಡೆಯ ಕಾರಿಡಾರ್‌ನಲ್ಲಿ ಕುಳಿತ ಎರಡನೆಯ ವರ್ಷದ ಕಿಲಾಡಿ ಹುಡುಗರ ಗುಂಪಿನಿಂದ ಕೇಳಿ ಬರುತ್ತಿದ್ದ ಮಾತುಗಳಿವು. ಇವರೊಂದಿಗೆ ನಾನೂ ಕೂಡ ಸೇರಿ ಕೊಂಡಿದ್ದೆ. ನಮ್ಮ ಮುಂದಿನಿಂದ ಪಕ್ಕದ ಕ್ಲಾಸಿನ ಹುಡುಗಿಯರು ನಮ್ಮ ಎದುರುಗಡೆಯಿಂದ ಹಾದು ಹೋಗುವು ದಕ್ಕೆ ಹೆದರುತ್ತಿದ್ದರು.

ಪ್ರತಿದಿನ ಮಧ್ಯಾಹ್ನ ಊಟದ ವಿರಾಮದ ವೇಳೆ ನಮಗೆ ಪ್ರಿಯವಾದ ಸ್ಥಳವೊಂದರಲ್ಲಿ ಒಟ್ಟಾಗುತ್ತಿದ್ದೆವು. ನೆಚ್ಚಿನ ಸ್ಥಳ ಸೇರುವ ನಾವು ಹರಟೆಯಿಂದ ಮೊದಲ್ಗೊಂಡು ಒಮ್ಮೊಮ್ಮೆ ಜಗಳವಾಡಿ ಪ್ರಾಂಶುಪಾಲರ ತನಕ ಸುದ್ದಿ ಹೋಗಿ ಕ್ಷಮಾಪಣ ಪತ್ರ ಬರೆಯುವ ದಿನಗಳೂ ಇದ್ದಿತ್ತು. ಎಷ್ಟೇ ಜಗಳವಾಡಿದರೂ ನಮ್ಮ ಹರಟೆಯ ತಂಡ ಬದಲಾಗುತ್ತಿರಲಿಲ್ಲ. ಪ್ರತಿಯೊಬ್ಬರನ್ನೂ ಗಮನಿಸುತ್ತಿದ್ದ ನಾನು ಒಮ್ಮೆ ಸುಮ್ಮನೆ ಕುಳಿತಿರುವ ನಮ್ಮದೇ ಗುಂಪಿನ ಗೆಳೆಯನನ್ನು ನೋಡಿದೆ. ಅವನು ಇತ್ತೀಚಿನ ದಿನಗಳಲ್ಲಿ ನಮ್ಮೊಂದಿಗೆ ಅಷ್ಟಾಗಿ ಬೆರೆಯುತ್ತಿರಲಿಲ್ಲ. ಅವನ ಮನಸ್ಸು ಯಾವಾಗಲೂ ಪಕ್ಕದ ಕ್ಲಾಸಿನಲ್ಲಿ , ಮತ್ತು ಅವನ ಕಣ್ಣುಗಳು ಆ ಕ್ಲಾಸಿನ ಕಿಟಕಿಗಳನ್ನೇ ನೋಡುತ್ತಿವೆ ಎಂದು ಗೊತ್ತಾಯಿತು.

ಅವನು ಆ ಕ್ಲಾಸಿನ ಹುಡುಗಿಯನ್ನು ಪ್ರೀತಿಸುತ್ತಿದ್ದ. ಆದರೆ, ಅವನದು ಒಂಟಿ ದಾರಿಯ ಪ್ರೀತಿಯಾಗಿತ್ತು. ಆ ಹುಡುಗಿಯನ್ನು ನೋಡುವುದಕ್ಕಾಗಿ ಒಮ್ಮೆ ಕ್ಲಾಸು ತಪ್ಪಿಸಿದ್ದ. ಬೆಳಗ್ಗೆ ಬಸ್‌ ನಿಲ್ದಾಣ ದಲ್ಲಿ ಅವಳಿಗಾಗಿ ಕಾದು ಅವಳು ಬಸ್‌ ಇಳಿದು ಕಾಲೇಜಿಗೆ ಹೋಗುವವರೆಗೂ ಹಿಂಬಾಲಿಸುತ್ತಿದ್ದ. ಸಂಜೆ ಕೂಡ ಈ ಚಾಳಿ ಪುನರಾವರ್ತನೆಯಾಗುತ್ತಿತ್ತು. ಇವನದ್ದು ಈಗಿನ ಪ್ರೇಮ ಕಥ ನವಲ್ಲ, ಒಂದು ವರುಷದ ಸುದೀರ್ಘ‌ವಾದ ಪ್ರೇಮ ಪಯ ಣವೆಂದು ತಿಳಿದದ್ದು ಅವನಿಂದಲೇ! ಆತ ಇದುವರೆಗೂ ಆಕೆಗೆ ತಾನು ಪ್ರೀತಿಸುತ್ತಿರುವುದರ ಬಗ್ಗೆ ಹೇಳಿಕೊಂಡಿಲ್ಲವಂತೆ. ಹುಡುಗಿಯರ ಜೊತೆ ಹೆಚ್ಚಾಗಿ ಮಾತನಾಡದವನಿಗೆ ಆ ಧೈರ್ಯ ಎಲ್ಲಿಂದ ಬರಬೇಕು.

ಇವನ ಅವಸ್ಥೆ ನೋಡಿದ ನನಗೆ ಈ ಪ್ರೀತಿ ಮಾಡುವುದು ಅಂದರೆ ಹೀಗೆನಾ- ಎಂದು ಯೋಚಿಸುವಂತೆ ಮಾಡಿತ್ತು. ಕಳೆದ ದಿನಗಳು ಮರಳಿ ಬಾರವು. ಇವರ ಎಂದೆಂದಿಗೂ ಒಂದಾಗದ ಪ್ರೀತಿ ಹೀಗೆ ಸಾಗುತ್ತಿದೆ. “ಇನ್ನೆಷ್ಟು ದಿನ ಹೀಗೇ ಇರುತ್ತೀಯಾ?’ ಎಂದೆ. ಅವನಾದರೂ ಹೇಳುವನೋ! “ಇವತ್ತು ಬೇಡ, ನಾಳೆ ಖಂಡಿತವಾಗಿಯೂ ಹೇಳುತ್ತೇನೆ’ ಎಂದು ದಿನ ದೂಡುತ್ತ ಮೂರನೆಯ ಸೆಮಿಸ್ಟರ್‌ ಮುಗಿಸಿದ. “ಇನ್ನಾದರೂ ಹೇಳು, ಅವಳಿಗೂ ನಿನ್ನ ಮೇಲೆ ಪ್ರೀತಿಯಿದೆ ಎಂದಾದರೆ ಒಪ್ಪಿಕೊಳ್ಳುತ್ತಾಳೆ’ ಎಂದೆ. ಆಕೆ ನನ್ನನ್ನು ಇಷ್ಟಪಡದಿದ್ದರೆ ಎಂದು ಮುಖ ಸಪ್ಪಗೆ ಮಾಡಿಕೊಂಡು ಹೇಳಿಬಿಟ್ಟ.

ಸುದೀಪ್‌
ದ್ವಿತೀಯ ಬಿಎ (ಪತ್ರಿಕೋದ್ಯಮ )
ಎಂಜಿಎಂ ಕಾಲೇಜು, ಉಡುಪಿ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಕವಿಗಳು, ಸುಂದರ ದಂತಪಂಕ್ತಿಯನ್ನು ದಾಳಿಂಬೆ ಕಾಳುಗಳಿಗೆ ಹೋಲಿಸಿ, ಕಾವ್ಯದ ಸೊಗಸನ್ನು ಹೆಚ್ಚಿಸುತ್ತಾರೆ. ಹಾಗೆಯೇ ದಾಳಿಂಬೆ ಹಣ್ಣು , ನಮ್ಮ ಆರೋಗ್ಯವನ್ನು, ಸೌಂದರ್ಯವನ್ನು...

  • ಪ್ರಕೃತಿಯಲ್ಲಿ ಪಕ್ಷಿಗಳು ಗೂಡುಕಟ್ಟಿ ಮೊಟ್ಟೆ ಇಟ್ಟು ಮರಿಗಳು ಹೊರಬರುತ್ತವೆ. ಆ ಮರಿಗಳ ಆರೈಕೆಯ ಸಂಪೂರ್ಣ ಹೊಣೆ ಪಕ್ಷಿಗಳದ್ದು. ರೆಕ್ಕೆಬಲಿತ ಮರಿಗಳು ಸ್ವತಂತ್ರವಾಗಿ...

  • ಮಕ್ಕಳ ವಿದ್ಯಾಭ್ಯಾಸ, ಅವರಿಗೆ ಕೆಲಸ, ಮದುವೆ ಮುಂತಾದ ಜವಾಬ್ದಾರಿಗಳೆಲ್ಲಾ ಮುಗಿದು, "ರಾಮಾ ಕೃಷ್ಣ' ಅಂತ ನಮ್ಮ ಪಾಡಿಗೆ ಇದ್ದ ನಮಗೆ ಇದ್ದಕ್ಕಿದ್ದಂತೆ ಒಂದು ಭಡ್ತಿ...

  • ಈಗ ಕಾರ್ತಿಕ ಮಾಸ. ಕಾರ್ತಿಕದ ಚಳಿಗೆ ಎಣ್ಣೆ , ತುಪ್ಪದ ಖಾದ್ಯದಿಂದ ಚರ್ಮಕ್ಕೆ ಕಾಂತಿ ಬರುವುದು. ಇಲ್ಲಿವೆ ಅಂತಹ ಕೆಲವು ರಿಸಿಪಿಗಳು. ಉಬ್ಬು ನೆವರಿ ಬೇಕಾಗುವ ಸಾಮಗ್ರಿ:...

  • ಮೊಳಕಾಲ್ಮೂರು ಎಂಬ ಚಿತ್ರದುರ್ಗದ ಚಿಕ್ಕ ಪ್ರದೇಶದಲ್ಲಿ ತಯಾರಾಗುವ ಈ ರೇಶಿಮೆ ಸೀರೆ, ತನ್ನ ವಿಶಿಷ್ಟ ವಿನ್ಯಾಸಗಳಿಂದಾಗಿ ಕರ್ನಾಟಕದಲ್ಲಿ ಮಾತ್ರವಲ್ಲ ಭಾರತದೆಲ್ಲೆಡೆ...

ಹೊಸ ಸೇರ್ಪಡೆ